影片
更多
2010-07-21
59 瀏覽
如果唔係去做野, 我諗我都唔會去觀塘食飯, 今日有個朋友約我食飯, 咁我地又唔知有咩地方好食 咁結果我地去咗觀塘呢間壱番屋, 食日式咖喱飯. 呢間野係鱷魚恤中心, 即係apm隔離, 係apm個度有條通道直接行過去嘅. 當初打電話去想book位, 但係佢話冇得book位, 只可以即場排隊. 咁我地就七點鐘去到, 諗住咁早都唔會排好耐啦. 點知去到條龍水蛇春咁長, 當初本來諗住放棄架喇, 但見一場黎到, 時間咁早決定去排隊. 點知一排就排咗一個鐘頭. 排隊嗰度仲好衰添, 因為管理處唔比啲客人係門口排隊, 要後樓梯排隊, 所以所有人就堆哂去後樓梯度等. 好彩後樓梯唔係好熱, 啲冷氣都吹到入去, 而且店長都好有禮貌地向我地道歉. 可能新開張關係啦, 好多人黎到見到咁長龍都仍然照排隊. 我會建議大家遲啲先黎呢間野食, 因為排隊實在太嘥時間喇.雖然排隊好嘥時間, 但係啲野食都真係幾好味. 我係外國讀書嗰陣都經常食日本咖喱, 今次可以係呢間餐廳食番讀書嗰陣嘅咖喱味的確令人回味. 之前我試過不斷咁搵香港邊度有日式蛋包飯食, 結果都徒勞無功, 而呢間餐廳就做到日式嘅蛋包飯, 鍾意食日式蛋包飯嘅朋友係值得
當初打電話去想book位, 但係佢話冇得book位, 只可以即場排隊. 咁我地就七點鐘去到, 諗住咁早都唔會排好耐啦. 點知去到條龍水蛇春咁長, 當初本來諗住放棄架喇, 但見一場黎到, 時間咁早決定去排隊. 點知一排就排咗一個鐘頭. 排隊嗰度仲好衰添, 因為管理處唔比啲客人係門口排隊, 要後樓梯排隊, 所以所有人就堆哂去後樓梯度等. 好彩後樓梯唔係好熱, 啲冷氣都吹到入去, 而且店長都好有禮貌地向我地道歉. 可能新開張關係啦, 好多人黎到見到咁長龍都仍然照排隊. 我會建議大家遲啲先黎呢間野食, 因為排隊實在太嘥時間喇.
雖然排隊好嘥時間, 但係啲野食都真係幾好味. 我係外國讀書嗰陣都經常食日本咖喱, 今次可以係呢間餐廳食番讀書嗰陣嘅咖喱味的確令人回味. 之前我試過不斷咁搵香港邊度有日式蛋包飯食, 結果都徒勞無功, 而呢間餐廳就做到日式嘅蛋包飯, 鍾意食日式蛋包飯嘅朋友係值得一試.
打開個menu, 咖喱飯嘅種類非常之多, 鍾意食牛嘅可是㨂牛食, 鍾意食豬扒嘅可以揀豬扒食, 唔食肉類的, 亦可以揀蔬菜. 由於有啲肚餓嘅關係, 最後我揀咗吉列豬扒奄列咖喱飯, 而我朋友就揀咗蜆肉蕃茄奄列咖喱飯. 佢地仲提供咗一個精選套餐, 凡惠顧餐牌上任何一款飯類, 即可以用特惠價選配以下配料: 例湯、沙律、雪糕、同埋飲品. 加十五蚊可以揀二款, 加二十蚊可以揀三款, 而加二十五蚊可以全部四款食哂.
吉列豬扒奄列咖喱飯 - 蛋包飯啲蛋整得好滑, 啲米係日本米來的. 飯係白米, 唔會好似出面啲西餐廳用西炒飯咁搞鬼. 咖喱味好香濃, 完完全全係日本嗰種咖喱味, 同香港嘅咖喱牛腩係有好大分別. 啲豬扒亦都炸得好鬆脆, 份量亦都很多. 不過唔知係咪因為多蛋同埋咖喱嘅關係, 我食到一半已經覺得有啲滯.
蘋果汁 - 杯蘋果汁好細杯, 而且仲加咗冰添. 我睇過個menu, 如果淨叫一杯都要二十蚊, 而家我地嗌餐就抵好多囉.
和風雜菜湯 - 個湯好清甜好好味, 飲完之後有一種令人開胃嘅感覺
雪糕 - 杯雪糕有士多啤梨同云呢拿味, 而且雪糕裡面仲有士多啤梨同埋椰果, 食落去都真係幾好味.
埋單兩個人食咗一佰八十七蚊, 如果晚飯黎講, 每個人只需要九十五蚊, 都算係幾抵食, 因為食完之後都有好飽既感覺. 不過始終最衰都係排隊囉, 由於香港只係得一間, 我諗打後嘅日子都要排隊架喇, 如果真係好想食嘅朋友, 去之前要有定排隊嘅心理準備, 如果唔急嘅朋友仔就遲啲先至去試啦.
P.S. 最後我想特別鳴謝, 企喺門口嗰位女侍應 (應該叫Cheryl, 希望冇串錯.), 本來輪到我嘅, 而有兩張門口枱, 但係我地唔想坐門口位, 咁啱入面有人埋單, 我問佢可唔可以唔坐門口枱, 之後佢就比我地坐入面了.
張貼
