聚點坊點心專門店 (已搬遷) 新店位置

去開上環同舊同事食飯，佢地帶左我係蘇杭街開左幾個月的點心專門店，食落都唔錯~~紅油炒手：望落好似好紅，但唔算好辣，最好夾埋蔥食一口食哂。蜜汁叉燒腸：腸粉相當滑，叉燒份量都唔少。雪山叉燒飽：雪山外表好脆，入面叉燒就相當甜，我唔係太鐘意食甜所以覺得甜左小小。鮮蝦燒賣皇：都算大粒，無咩肥豬肉，入面舊蝦都好爽。北姑滑雞飯，雞肉都滑，而且飯入哂味，不過份量略覺細。荼錢每人2蚊，每樣點心十零蚊到，同酒樓差唔多，不過就唔駛等位等好耐，蒸點心都係等十零分鐘到，同酒樓差唔多。埋單一人三十零蚊到，唔算貴。