影片
更多
2010-09-05
21 瀏覽
屋企附近新開左呢間waffle店，已經見到佢幾日，一直想試但未有機會~ 是日終於下定決心係返屋企前買黎食下當下午茶，平日經過都見到有d人幫襯下，諗唔會太差掛~~下午 4 點幾 5 點黎到一個客人都無，係門口望下有咩選擇，就有個店員出黎招呼，由於未食過就直接叫佢介紹啦。佢話如果鍾意朱古力既話可以試下佢地既「奧斯窩夫」，我諗係類似招牌菜既物體掛~ 佢話入面係有朱古力曲奇 + 軟心朱古力，仲可以加雪糕添~ 不過由於我唔係即刻食所以都無加雪糕，相信加埋雪糕一齊食會仲好味~~~由於佢係即刻整，所以要係門口等下，不過都唔係等左好耐，大概 5 分鐘到啦。店外貼住話所有材料都係天然(?)，同埋保證低脂健康等等(類似啦)，唔理咁多，最緊要好食就得啦，雖然我覺得咁多朱古力都唔方低脂得去邊~~~店內所有人都係年青人，非常後生既樣子，唔知係咪又係年青人創業呢？終於個窩夫整好啦，見佢加d朱古力醬，再加d cream，再滲d糖霜係面... 咁就食得啦。由於係即製，所以入口真係熱辣辣，個人都覺得應該即買即食~ 表面脆卜卜，都算外脆入軟的，有蛋香，不過入面既感覺都係幾乾身下。食落去其實唔係好食到oreo既感覺，可能俾
下午 4 點幾 5 點黎到一個客人都無，係門口望下有咩選擇，就有個店員出黎招呼，由於未食過就直接叫佢介紹啦。佢話如果鍾意朱古力既話可以試下佢地既「奧斯窩夫」，我諗係類似招牌菜既物體掛~ 佢話入面係有朱古力曲奇 + 軟心朱古力，仲可以加雪糕添~ 不過由於我唔係即刻食所以都無加雪糕，相信加埋雪糕一齊食會仲好味~~~
由於佢係即刻整，所以要係門口等下，不過都唔係等左好耐，大概 5 分鐘到啦。店外貼住話所有材料都係天然(?)，同埋保證低脂健康等等(類似啦)，唔理咁多，最緊要好食就得啦，雖然我覺得咁多朱古力都唔方低脂得去邊~~~
店內所有人都係年青人，非常後生既樣子，唔知係咪又係年青人創業呢？終於個窩夫整好啦，見佢加d朱古力醬，再加d cream，再滲d糖霜係面... 咁就食得啦。
由於係即製，所以入口真係熱辣辣，個人都覺得應該即買即食~ 表面脆卜卜，都算外脆入軟的，有蛋香，不過入面既感覺都係幾乾身下。食落去其實唔係好食到oreo既感覺，可能俾朱古力既味道蓋左，反而朱古力味真係幾濃，朱古力未至於太甜，不過加埋朱古力醬都幾「漏」的，連埋d cream一齊食感覺好d~~~~
我諗喜歡朱古力的應該會覺得幾好，但我諗我下次如果再食應該都係會選擇生果或者起碼唔好咁多朱古力的，加個雪糕球就最正~~~~
如果認真要俾我會俾ok面的，不過新店子始終仍有進步空間，都係俾個「愛的鼓勵」大家啦。=))))
張貼
