影片
更多
2011-01-02
78 瀏覽
岩岩睇完電視講，即刻諗起咁耐都未寫過民聲冰室，呢一間既蒸肉餅，係我食過咁多間裡而最好的。蒸肉餅如早前所講，不能用肉餅來形容，用一個”塔字”來形容比較好，因為大大話話都有5-6吋高，最頂放上了一顆圓潤爆油既咸蛋黃，十分鬆化，而且味道鮮美，咸度剛剛好，用黎送飯或就咁食都同樣回味無窮，因肉餅內有足夠既肥肉，肉餅無肥肉就失去了應有既鬆化感覺，而且生粉也下得很少，沒有漿糊既感覺，完完全全超出了以往對肉餅既觀感。豉油薑蔥雞，份量頗大，肉質非常之嫩滑，皮下脂肪唔會太多岩岩好，而且雞味十足，唔似冰鮮雞的味道，但又一定不是新鮮雞，感覺真係好似用冰鮮雞做出新鮮雞的味道，配上甜豉油，夾著薑蔥一起食，更加美味。反而接著的紅酒牛肋條，雖然味道不俗，但只是一般，紅酒燜野應有既酒香及果香，沒有太大感覺，可能茄味完全覆蓋。另外，肉質雖則已經燜淋，但由於太大條既關係，並且有塊筋膜連著，，食落好似無咁方便，如果可以一開二就更加好啦。另一招牌菜 - 泰式炸排骨，估唔到咁普通既炸排骨，配合泰國辣雞醬係咁好味，排骨炸得酥脆，醃得很入味，呢到既特式擺法，向上疊，真係有趣。蝦醬通菜，炒得很入味，唔錯唔錯。汽水用上大支裝可口可樂，還
蒸肉餅如早前所講，不能用肉餅來形容，用一個”塔字”來形容比較好，因為大大話話都有5-6吋高，最頂放上了一顆圓潤爆油既咸蛋黃，十分鬆化，而且味道鮮美，咸度剛剛好，用黎送飯或就咁食都同樣回味無窮，因肉餅內有足夠既肥肉，肉餅無肥肉就失去了應有既鬆化感覺，而且生粉也下得很少，沒有漿糊既感覺，完完全全超出了以往對肉餅既觀感。
豉油薑蔥雞，份量頗大，肉質非常之嫩滑，皮下脂肪唔會太多岩岩好，而且雞味十足，唔似冰鮮雞的味道，但又一定不是新鮮雞，感覺真係好似用冰鮮雞做出新鮮雞的味道，配上甜豉油，夾著薑蔥一起食，更加美味。
反而接著的紅酒牛肋條，雖然味道不俗，但只是一般，紅酒燜野應有既酒香及果香，沒有太大感覺，可能茄味完全覆蓋。另外，肉質雖則已經燜淋，但由於太大條既關係，並且有塊筋膜連著，，食落好似無咁方便，如果可以一開二就更加好啦。
另一招牌菜 - 泰式炸排骨，估唔到咁普通既炸排骨，配合泰國辣雞醬係咁好味，排骨炸得酥脆，醃得很入味，呢到既特式擺法，向上疊，真係有趣。
蝦醬通菜，炒得很入味，唔錯唔錯。
汽水用上大支裝可口可樂，還可配上冰底，十分舒暢。當美食嚐盡才發現門口已經排了一條長長既人龍，有幾十人已排起隊來，所以都急忙埋單走人，等多D人早些享用。整體十分之滿意，特別鍾意那個肉餅塔，簡直係令人沒齒難忘。
更多相片：http://hk.myblog.yahoo.com/zysk-c/article?mid=1245
張貼
