影片
更多
2011-01-25
35 瀏覽
好久沒試過食飯食到一肚子氣。是日在毫無事前約定的情況下，在我家和老婆家人都齊人的情況下，來個12人宴。由於是晚為星期日，差不多全場滿座，也暴露了人手嚴重不足的情況。因為點菜需時，我地事先用紙寫好想要點的菜，然後叫侍應落單，當正想出聲，侍應見我地已經寫好，諗住拎我地張紙，但我話張紙我有用的（因為寫左公司野），都係照番我讀佢寫番，呢位部長級既姐姐，竟然係掉底張紙（連筆都無）叫我地再寫一次再俾佢，另加一句「如果係我寫就直接寫落單度架啦」，之後走左。真神奇，寫落張單度又有咩問題？其實無論如何，最後都係要落單架啦。之後店長經過，我地順勢叫店長（衣著是特別的黑西裝）下單，但不滿既情緒並沒因此停止。正想開始落單，店長就一輪咀推銷其盤菜有幾咁抵食，完全無視我地落單的要求，再一次撩興我地心裡團火，我地再三推說不要，店長也沒有停止，又是要當我地語氣加強後，店長才停止，幫忙下單。下單既過程中，店長見我地一圍十二人，「溫馨提示」我地每碟餸應該唔夠分，一碟餸預四個人食，提議我地加料，可選中size或大size，有見及此，我地將大部份提升到中size，後尾睇番單，即係雙倍份量。點知黎到就知中計，中size對我地黎
是日在毫無事前約定的情況下，在我家和老婆家人都齊人的情況下，來個12人宴。
由於是晚為星期日，差不多全場滿座，也暴露了人手嚴重不足的情況。因為點菜需時，我地事先用紙寫好想要點的菜，然後叫侍應落單，當正想出聲，侍應見我地已經寫好，諗住拎我地張紙，但我話張紙我有用的（因為寫左公司野），都係照番我讀佢寫番，呢位部長級既姐姐，竟然係掉底張紙（連筆都無）叫我地再寫一次再俾佢，另加一句「如果係我寫就直接寫落單度架啦」，之後走左。真神奇，寫落張單度又有咩問題？其實無論如何，最後都係要落單架啦。
之後店長經過，我地順勢叫店長（衣著是特別的黑西裝）下單，但不滿既情緒並沒因此停止。正想開始落單，店長就一輪咀推銷其盤菜有幾咁抵食，完全無視我地落單的要求，再一次撩興我地心裡團火，我地再三推說不要，店長也沒有停止，又是要當我地語氣加強後，店長才停止，幫忙下單。
下單既過程中，店長見我地一圍十二人，「溫馨提示」我地每碟餸應該唔夠分，一碟餸預四個人食，提議我地加料，可選中size或大size，有見及此，我地將大部份提升到中size，後尾睇番單，即係雙倍份量。
點知黎到就知中計，中size對我地黎講，完全夠12人用，好在無叫大size，完全唔明係咩銷售手法。食到最後，大家好多餸都食唔晒要夾硬食。
富臨推廣菜式除了盤菜，其實還有一味「孖寶」，即魚同燒鵝雙併。是日我地仲叫左一個孖寶，用餐用了應該有一小時，但食到最後條蒸魚竟然影都無。既然普通餸都食唔晒，就同番店長講取消，燒鵝收番例牌錢。店長一聽應該知衰，口就講如果未蒸就同我地取消，但十分鐘後，返黎就話今日人客多漏蒸，依家即同我地蒸，叫我地等多兩分鐘。全檯即時火都黎，那剛才的十分鐘是白等了嗎？最精彩係，佢不愧為店長，同佢ｄ侍應態度一樣，留下一句說話即刻走開，驚死我地出聲咁。到左呢一刻，我已經被火藥引爆，即時喝停店長，叫佢取消條魚，店長先肯回頭。
到埋完單，全檯人都帶著不愉快心情「起錨」時，條魚終於黎到，睇黎又無取消到（好在張單是對的）。中間大大話話又多十幾分鐘，如果我真係等，相信我會係「超錯」。
全晚完全是個笑話，無論你有幾好食，咁既服務絕對係負資產，更何況又唔係好食到非食不可。唔夠人手就請人啦，呢間真係請我都未必會再黎。
最後，循例都簡單介紹下食物質素：
菠蘿生炒骨不錯，夠熱，皮薄夠脆，汁當然不是用山渣，但算幾好味。
富臨原來是無例湯的，經理又是不停地sell我地叫燉湯，要谷業績其實大把方法，可唔可以俾ｄ選擇消費者？瑤柱海皇羮幾多料，加左變中size已經夠12人用，為何店長你仲叫我加做大size？
很早來到的生炒糯米飯，糯米夠糯，但我嫌臘味未夠滲到飯裡。
黑椒牛仔骨夠入味，黑椒汁帶甜味，但稍嫌油膩了點。
例牌燒鵝不是特別出色，但勝在少肥膏，皮也夠脆，但鵝味只是中規中矩。
瑤柱上湯什菜煲，這一碟一來遲黎，二來平平無奇，最後在無乜點食過的情況下打包走了。
金瑤琵琶豆腐可能是全晚最好味，炸得夠熱，皮帶微脆，琵琶豆腐打得夠滑，但我覺得汁未必要用到瑤柱，用最普通的獻汁可能仲好味。
金銀蛋菜苗正常，但比瑤柱上湯什菜煲，最後當然選擇呢碟而留什菜煲了。
海參花菇玉掌煲，就是這一個，店長話普通只得四隻鵝掌，中size先加到八隻，如果講得清楚ｄ，我會只呢碟加中size，奉勸大家留意+小心。最後來的一味，已經沒心情吃，食不知味。印象中我從沒試過在一篇食評中寫了這麼的投訴字句，但今次的經歷真的很不快。我希望不會再來這間酒樓，但可惜我家人是善忘的，但如果是我發牌，我一定不會再來這裡。
張貼
