伊呂波燒肉 (已結業)

今晚約咗班同學嚟呢度慶祝J嘅生日，我哋book咗7：30，唔駛等就有座，環境不錯，招呼ok。我哋唔想諗，所以order咗三客迷你二人餐（360 each)，樣樣都有啲，包括大蝦，牛肉，牛舌，豬頸肉，豬肉，雞肉，菇，菜等，還有沙律，前菜和煎餅。前菜味道ok沙律酸酸哋少少辣，味道不錯。蝦頗大隻，雖不是游水蝦，但都幾新鮮，肉質爽口，味道不錯。牛肉有兩種，厚少少嗰種，好味啲。另一種就薄咗啲，但味道ok。牛舌好味。豬頸肉幾爽口，好味。豬肉肥肥哋，燒完後就唔覺得肥，可能燒哂啲油，不錯，雞肉OK。菇+菜煎餅很香脆，味道很好飯團冇諗咁好味，可能我唔識燒，攪到個底黑咗。