影片
更多
2011-04-10
21 瀏覽
大坑係我好中意嘅社區，地點不單止旺中帶靜，假日到來見唔到外勞野餐蹤影，亦聽唔到內地遊客煩擾嘅聲音，可以休閒一番，感覺真係好舒服。在西打兄及HK Epicurus兄介紹下，決定在下午到大坑走訪呢間幼稚園，希望可以飲杯咖啡，洗滌心中疲憊...Kindergarten門牌其實都幾隱蔽，如果唔細心搵分分鐘會走漏眼，其實位置在浣紗街百佳超市對面新村街行入去，左手面就會見到一間紅磚小店，門上掛著小豬木牌嘅就係呢間休閒咖啡店。餐廳面積不大，裝修簡約唔花巧，樓底高高加上木門窗，好有大自然氣色。我選坐最大嘅窗邊木檯位置，一邊睇住木刻小餐牌，一邊有微風吹怫到店內，感覺非常舒服。可惜店員一句說話令我地晴天霹靂，就係是日無熱飲供應，原因不明！去到一間咖啡店無得飲熱咖啡，心情有如中空寶一樣失落，怪不得檯面無放上精緻嘅方糖，萬分無奈下只好改試凍咖啡及凍朱古力...待餐期間不停為店內嘅小擺設影相，無論係銀色松露豬，黑色小夜鶯，電燈泡，手織咖啡杯，甚至迷你版美極同辣椒仔，我全部都唔放過亂影一通，不過近期對自己攝影作品極唔滿意，總係有點唔多暢順感覺，希望下次到來可以飲到熱咖啡之餘，亦可以拍攝一輯心愛嘅照片...先送來凍
Kindergarten門牌其實都幾隱蔽，如果唔細心搵分分鐘會走漏眼，其實位置在浣紗街百佳超市對面新村街行入去，左手面就會見到一間紅磚小店，門上掛著小豬木牌嘅就係呢間休閒咖啡店。
餐廳面積不大，裝修簡約唔花巧，樓底高高加上木門窗，好有大自然氣色。我選坐最大嘅窗邊木檯位置，一邊睇住木刻小餐牌，一邊有微風吹怫到店內，感覺非常舒服。可惜店員一句說話令我地晴天霹靂，就係是日無熱飲供應，原因不明！去到一間咖啡店無得飲熱咖啡，心情有如中空寶一樣失落，怪不得檯面無放上精緻嘅方糖，萬分無奈下只好改試凍咖啡及凍朱古力...
待餐期間不停為店內嘅小擺設影相，無論係銀色松露豬，黑色小夜鶯，電燈泡，手織咖啡杯，甚至迷你版美極同辣椒仔，我全部都唔放過亂影一通，不過近期對自己攝影作品極唔滿意，總係有點唔多暢順感覺，希望下次到來可以飲到熱咖啡之餘，亦可以拍攝一輯心愛嘅照片...
先送來凍朱古力一杯，呢度嘅朱古力甜度剛好，入口亦無濃郁苦澀味，值得留意飲管係金屬製造而且亦係匙羹，設計獨特之餘，更成功將冰涼感覺好好保存，可見店方都幾有心思。將杯面上雪糕球跟巧克力粉一齊混入朱古力當中，質感妙絕，個人覺得比起VERO更出色，而且只賣$32一杯，非常抵飲，相比起濫竽充數嘅咖啡室好得多！
凍莫加咖啡($40)亦無令我失望，咖啡味香而不濃，面層奶泡口感幼滑，感覺跟其他地方有種不一樣嘅感覺，或者呢個就係咖啡嘅獨特個性吧！我雖然唔係咖啡專家，但一杯合我口味嘅咖啡，我總係希望可以推介俾朋友，而我就加倍愛上呢間小店了！
如果齋飲咖啡似乎寡左少少，於是點選左French Toast($38)作為下午茶點。呢度嘅French Toast並非茶記港式製法，但又跟正宗法式略有不同，薄薄嘅糖漿入口甜而不膩，淡淡嘅肉桂味由麵包片中滲出，味道還可以。不過如果可以用上正宗方法，麵包用上Brioche，沾上Crème Anglaise，再用砂糖去煎，唔加牛油同糖漿就更精彩了！題外話，如果大家知道邊度有正宗法式西多士供應嘅咖啡小店，記住通知一下小弟...順帶一提，Kindergarten營業時間較為特別，星期六日下午二時才開始營業，閒日亦只有星期五晚才開門做生意。雖然今次未能夠真正體驗咖啡精彩，茶點亦有值得改進嘅地方，但亦無損我對呢間小店嘅熱愛，愛休閒生活嘅朋友更加唔可以錯過。執筆時翻睇拍下嘅照片，發現餐牌上原來有啤酒及紅酒供應，或者等待夏天到來時，再到呢度飲杯冰凍啤酒，感覺未知又會係點呢？
張貼
