影片
更多
2011-04-28
28 瀏覽
短短一年之間，牛涮鍋已經在香港開左六間分店，以平價日式涮涮鍋放題做賣點，雖然我都算係牛魔王一名，但偏偏對放題唔太感興趣，不過今次有優惠券在手，加上屋企附近樂富開新分店，即管來走一轉趁下熱鬧。呢度主要分涮涮鍋ShabuShabu同埋壽喜燒Sukiyaki兩種放題，而每種放題類別亦以肉類質素分為四等級，價錢亦由$118至328不等。以我經驗所知，平價日式放題唔應該選叫最平同最貴嘅級數，而澳洲進口牛肉及和牛之間亦每位相差一百大洋，精打細算下最後決定選要上級壽喜燒($158)。自助食材吧有各式各樣嘅蔬菜丸類，亦有不同醬料俾大家，其中最值得推介可以話係豆腐同稻庭烏冬。雖然係平價放題，但呢度所提供嘅烏冬出奇地幼滑細膩，烏冬慢慢滑到喉嚨入面，感覺極佳，比起好多烏冬專門店做得仲要好，非常有驚喜。薄切牛肉片油花唔多，不過肉色甚為對辦，以呢個價錢黎講已算超額完成，而我最中意嘅壽喜燒剛好同呢種薄切牛肉互相配合，甜甜嘅湯底將牛肉味變得更濃更精彩，口感更為豐香。值得一讚嘅係呢度侍應相當有效率，無論加添牛肉，加湯加水，全部都非常快手，而且更會主動提供意見俾客人咩時候需要再加湯，呢90分鐘有如此水準嘅服務，絕對滿意
呢度主要分涮涮鍋ShabuShabu同埋壽喜燒Sukiyaki兩種放題，而每種放題類別亦以肉類質素分為四等級，價錢亦由$118至328不等。以我經驗所知，平價日式放題唔應該選叫最平同最貴嘅級數，而澳洲進口牛肉及和牛之間亦每位相差一百大洋，精打細算下最後決定選要上級壽喜燒($158)。
自助食材吧有各式各樣嘅蔬菜丸類，亦有不同醬料俾大家，其中最值得推介可以話係豆腐同稻庭烏冬。雖然係平價放題，但呢度所提供嘅烏冬出奇地幼滑細膩，烏冬慢慢滑到喉嚨入面，感覺極佳，比起好多烏冬專門店做得仲要好，非常有驚喜。
薄切牛肉片油花唔多，不過肉色甚為對辦，以呢個價錢黎講已算超額完成，而我最中意嘅壽喜燒剛好同呢種薄切牛肉互相配合，甜甜嘅湯底將牛肉味變得更濃更精彩，口感更為豐香。值得一讚嘅係呢度侍應相當有效率，無論加添牛肉，加湯加水，全部都非常快手，而且更會主動提供意見俾客人咩時候需要再加湯，呢90分鐘有如此水準嘅服務，絕對滿意。
牛涮鍋有部份分店提供軟雪糕及汽水放題，雖然兩樣都唔係咩貴價食品，但有時呢家野真係有好過無，而且令人食得更開心，生意始終唔係做一次吧！軟雪糕奶味不足早已預料到，但雪糕本身做得夠挺身，而且更有唔少Topping俾人家任落，相信大家絕對收貨。今次埋單有優惠每位減五十個大洋，實在抵食又滿足！
張貼
