影片
更多
2011-05-02
83 瀏覽
之前，去完花墟買花，見到 <上野酵素麵包生活館> 即將開張，令我十分期待！ 喺3月16日，去完旺角個客度，搭巴士經過呢度，已經開張。一於搵日嚟幫襯！通常新開嘅食肆餅店等，必定多人到水洩不通！可想而知，我哋香港人對試新嘢嘅冒險精神相當高呢？！店子招牌以為人熟悉嘅四葉草作 Logo，令人容易留下印象！ 加上店名特別長，就算唔記得店名，都可以認住個 Logo 嘛！根據報紙資料，麵包以酵素代替坊間做麵包用嘅添加劑，能把澱粉質分解，將其轉化成脂肪的機會減低，而且含有豐富的益生菌，有助保持腸臟健康。走入去，以白色及青色簡約裝潢，配合四葉草及樹圖案，真生息不少！售賣素食包為主，各具特色，大多數由 $10 起，價錢頗貴！ 另有台灣酥餅，例如：鳳梨酥、抺茶酥、芋頭酥、烏梅酥等。麵包比較連鎖麵包店仲要貴，卻吸引到不少食客幫襯，相信有其成功之道。據知上野有一位 80 後麵包師傅，曾經歷一場巨變，遇到無情大火，死裡逃生；有幸生存，使他積極做人，還抱住一個理想！他要成立一個企業，憑著他這份信念，希望他有朝一日可以成功！努力呀！麵包款式繁多，頓時眼花撩亂！ 我揀咗兩個幾難記得麵包名嘅麵包！"養身歐
通常新開嘅食肆餅店等，必定多人到水洩不通！可想而知，我哋香港人對試新嘢嘅冒險精神相當高呢？！店子招牌以為人熟悉嘅四葉草作 Logo，令人容易留下印象！ 加上店名特別長，就算唔記得店名，都可以認住個 Logo 嘛！
根據報紙資料，麵包以酵素代替坊間做麵包用嘅添加劑，能把澱粉質分解，將其轉化成脂肪的機會減低，而且含有豐富的益生菌，有助保持腸臟健康。走入去，以白色及青色簡約裝潢，配合四葉草及樹圖案，真生息不少！
售賣素食包為主，各具特色，大多數由 $10 起，價錢頗貴！ 另有台灣酥餅，例如：鳳梨酥、抺茶酥、芋頭酥、烏梅酥等。麵包比較連鎖麵包店仲要貴，卻吸引到不少食客幫襯，相信有其成功之道。
據知上野有一位 80 後麵包師傅，曾經歷一場巨變，遇到無情大火，死裡逃生；有幸生存，使他積極做人，還抱住一個理想！他要成立一個企業，憑著他這份信念，希望他有朝一日可以成功！努力呀！
麵包款式繁多，頓時眼花撩亂！ 我揀咗兩個幾難記得麵包名嘅麵包！"養身歐克" & "藍山瑪其朵"。養身歐克 $13
養身歐克外表粗糙！驟眼看好似一隻涼鞋！ 有點趣怪！包質看似死實！ 用刀切開，並非如是！包質密度高，只欠缺一點鬆軟！帶點煙韌！白色包面混入黑芝麻、小麥，味道微咸；黃色包身帶微甜，混入含有維他命 E 嘅堅果類：葵花籽，可增加咬口！ 杞子 & 提子乾略帶微甜，況且，杞子有明目、滋補肝腎之效。呢個包選用棕櫚油，較為健康！食完夠飽肚！確實係個健康包！一試無妨！
藍山瑪其朵 $13聽個名就知係咖啡包！ 因為藍山出名出產咖啡。由麵包架，一夾上麵包盤，散發濃烈咖啡香！Wow! 未食已經口水流嘞！ 賣相幾靚！ 啡色包面用黃色糖漿圍圈，灑上咖啡豆，最頂加上好幾粒白糖。顏色配搭奪目！一咬開，咖啡味道濃郁！啡色包身質感鬆軟！ 食到中間，原來有栗子蓉餡，份量尚可。驚喜！ 甜中略帶苦嘅咖啡味跟甜甜地嘅栗子味，相當匹配！ 令味道提升！
不過，由於我比較大食，早餐要食兩個包加一杯奶先夠飽！ 以 $26 呢個價錢，可以喺不少餐廳食到飽肚早餐！張貼
