影片
更多
2011-05-02
345 瀏覽
深感榮幸今次又有機會參加Openrice 的試食會。上次是上年六月的事, 結果真的好壞參半, 但今次話晒係大酒家, 單看菜單亦已覺豐富, 自然期望是非常之高的兩圍檯, 座落於偏廳, 有食家們有OR staff, 仲有店方同你一齊食一邊解說的兩位經理一坐下, 同時先奉上的是2003年HERMITAGE 紅酒及來自紐西蘭的白酒, 任君選擇, 這安排真不錯由酒樓主持人解說一番, 同o的人寒暄一會, 開餐！跟著菜單順序上菜, 每道菜上到你面前之前, 都會先將一整盤放在中間俾你映相, 這安排可以說是必然又值得一讚的：清宮明火雞煲翅我是支持不吃魚翅的。一羹撈起, 就一整排翅, 何其壯觀。平時叫有無咁多就唔肯定, 但這次份量十足就已經"眼睛吃冰淇淋"！吃起來真係啖啖翅富口感實在。同時, 連埋足火侯o既老雞老火湯, 非常好飲, 不油不膩, 也不是過濃而搶了翅的真味加拿大冰海帝皇貝這龐然大物的帝皇貝又係令人眼前一亮。每一口也是嫩滑的元貝肉, 鮮甜味美, 絕不"痴牙"。伴上清甜的青瓜蕃茄予以中和, 配搭恰當意大利砵酒焗珍寶蠔有驚喜, 因為炸蠔通常都係用唔新鮮o既貨色, 又會乾身無味。呢次一咬, 十分肥美又
兩圍檯, 座落於偏廳, 有食家們有OR staff, 仲有店方同你一齊食一邊解說的兩位經理
一坐下, 同時先奉上的是2003年HERMITAGE 紅酒及來自紐西蘭的白酒, 任君選擇, 這安排真不錯
由酒樓主持人解說一番, 同o的人寒暄一會, 開餐！
跟著菜單順序上菜, 每道菜上到你面前之前, 都會先將一整盤放在中間俾你映相, 這安排可以說是必然又值得一讚的：
清宮明火雞煲翅
我是支持不吃魚翅的。一羹撈起, 就一整排翅, 何其壯觀。平時叫有無咁多就唔肯定, 但這次份量十足就已經"眼睛吃冰淇淋"！吃起來真係啖啖翅富口感實在。同時, 連埋足火侯o既老雞老火湯, 非常好飲, 不油不膩, 也不是過濃而搶了翅的真味加拿大冰海帝皇貝
這龐然大物的帝皇貝又係令人眼前一亮。每一口也是嫩滑的元貝肉, 鮮甜味美, 絕不"痴牙"。伴上清甜的青瓜蕃茄予以中和, 配搭恰當意大利砵酒焗珍寶蠔
有驚喜, 因為炸蠔通常都係用唔新鮮o既貨色, 又會乾身無味。呢次一咬, 十分肥美又juicy, 蠔的鮮味亦得以保存, 好難得蠔皇扣三頭鮑(玉掌伴)
絕對是今晚的主角吧, 平時幾可有機會食到鮑魚？雖然答唔中問題無得食大隻吉品, 但呢隻三頭已經唔野少。肉身絕無一點韌的感覺, 又扣得入味, 又彈牙又軟。食完後真係口中殘留著鮑魚的濃郁。有o的人總是不愛吃鴨掌的味道, 但我就覺得無甚不妥, 不腥不"漿"食完後店方貼心地送上檸檬汁(連皮榨) 解一解口中的濃味
頭抽生煎澳洲大老虎蝦
很愛蝦的味道, 一見到咁大隻又係興奮。肉質爽甜, 頭抽味集中在外邊, 不是完全入到蝦肉中心。其實蝦殼脆得也是可以吃進肚裡的別緻的件碟糖膠也引了食家們的興趣, 紛紛叫侍應給點來嚐嚐。是冰冰的甜甜的硬糖膠, 甜度適中, 很少機會會這樣吃的呢
乾坤大海班(碧綠炒球、鹽焗頭腩)
是大大的一條沙巴星斑, 炒球會比較好食, 因為魚o既鮮味係比較突出黃金脆皮雞
很有雞味, 無血水, 油炸得o黎不膩口, 肉嫩皮脆不是死鹹。只係食家們在這刻的胃容量已被攻佔了大半
金柱鮮竹泡菜苗
較為平實的一道菜, 菜苗不苦澀, 鮮竹口感特別, 有點像腐皮, 作為稍息味覺之選
生拆龍蝦肉西施飯
是有得"欣賞"的菜式, 因為當把飯粒放進滾燙的熱湯中, 就會引起化學作用, 有點似火山爆發的岩漿般起伏。但味道好似有點一般, 龍蝦味不明顯, 肉身也有點鞋口, 是因為之前已經食得太多不同味道的東東了嗎?養顏蛋白杏仁茶
超級值得推薦的生招牌名物甜品, 從未嚐過如此出色的杏仁茶, 杏味濃得o黎沒有"人工"的感覺, 非常香甜, 蛋白分佈也均勻細密燕窩大壽桃
包含少量印尼燕窩同奶黃的流沙壽包, 果然又係另一名物。包身香軟, 奶黃甜而不"漏", 但自不然燕窩的口感及味道就唔係點食得出鮮製呂宋香芒布甸
另一自家製美點, 果然比得上, 甚至超越酒店甜品師。布甸香甜幼滑, 芒果比例合宜, 同奶味平分秋色官廷桂花糕
相比下無咁出色, 欠點是桂花味欠奉, 但椰香尤在, 也不時出面街o的出晒水咁恐怖精美果盤
最後最後是很特別精緻的果盤, 木瓜、楊核、火龍果、藍莓, 絕對唔係大路o野, 非常鮮甜, 只可惜著實吃不下, 只能淺嚐不久後店方會將是晚餐單推出成Openrice 餐, 絕對是食客之福。雖不知價錢如何, 分量又是否咁多, 但希望味道依舊, 也會有我再來之理由
再一次多謝Openrice 同名苑酒家, 呢餐絕對係愜意又值得大力推薦的佳餚
張貼
