影片
更多
2011-05-03
21 瀏覽
上星期第一次幫襯，發現仲有好多野未試，所以今日再黎試真啲，執多劑 ~ 見餐廳主打都係牛同豬，第二次黎已覺得有點奄悶，盡可能叫啲上次試唔真或未試過架啦 ~ 食材種類未算太多，覺得有啲單調 ~一放工就即趕過黎，今晚我係第一個食客，六點半既街境好舒服，人流不多，夠寧靜。朋友仔愛飲甜酒，咁今次叫上善如水啦，味道清香甜味重，易入口。朋友仔要七點幾先到，唯有自酙自飲住先啦，無食 lunch 勁肚餓，連前菜既豆角都特別好味道。枝豆，大路既前菜小食，白烚，都好少話難食既。煙燻豬肝，冷盤，送酒唔錯，未食過既菜式，幾特別既小食，微微煙燻香味，口感硬淨，肝味濃，都幾好味。牛肉盛併盤，有手羽先，真係聽個名估佢唔到，原來只不過係單邊雞中翼，真抓爆頭。味噌芝麻手羽先，未見芝麻味特出，不過醃得夠味，還可以。個人不太喜歡將雞中翼斬件或剪開，雖然較快較易熟，但因烹調時往往肉汁全部流失，使到肉質乾爭爭，搞到會唔好食。黑毛和牛胸腹肉，嫰滑牛味濃，較有趙口。特選牛肋骨肉，口感較腍身，味道偏甜。日本伊達赤豚，燒豬肉唔錯喎，因脂肪豐富，燒得香脆。岩鹽薄燒牛舌，比想像中嫰滑爽口喎。粟米，哈哈，夠甜，可以啦。山葵豚 toro，完全估
一放工就即趕過黎，今晚我係第一個食客，六點半既街境好舒服，人流不多，夠寧靜。朋友仔愛飲甜酒，咁今次叫上善如水啦，味道清香甜味重，易入口。朋友仔要七點幾先到，唯有自酙自飲住先啦，無食 lunch 勁肚餓，連前菜既豆角都特別好味道。
枝豆，大路既前菜小食，白烚，都好少話難食既。
煙燻豬肝，冷盤，送酒唔錯，未食過既菜式，幾特別既小食，微微煙燻香味，口感硬淨，肝味濃，都幾好味。
牛肉盛併盤，有手羽先，真係聽個名估佢唔到，原來只不過係單邊雞中翼，真抓爆頭。味噌芝麻手羽先，未見芝麻味特出，不過醃得夠味，還可以。個人不太喜歡將雞中翼斬件或剪開，雖然較快較易熟，但因烹調時往往肉汁全部流失，使到肉質乾爭爭，搞到會唔好食。黑毛和牛胸腹肉，嫰滑牛味濃，較有趙口。特選牛肋骨肉，口感較腍身，味道偏甜。日本伊達赤豚，燒豬肉唔錯喎，因脂肪豐富，燒得香脆。岩鹽薄燒牛舌，比想像中嫰滑爽口喎。粟米，哈哈，夠甜，可以啦。
山葵豚 toro，完全估唔到豬肉完來可以咁肥美、鮮甜、嫰滑又彈牙架。Toro 腩位既脂肪紋密麻麻，既平均又緊緻，燒得香、肉味濃、口感爽嫰，真係好好味呀。最初還以為係用 wasabi 山葵醃左豚肉先燒，原來係分開上枱，可以撈左山葵先燒，或者燒完先點黎食，我較喜歡前者，食落有山葵淡淡清香味。
蒜蓉大虎蝦，必食，雖然係冰鮮貨，唔係游水活蝦，但都不失鮮甜爽口。大大隻虎蝦，燒既時間較耐，要耐心先有好野食。蝦肉彈牙，微微蒜香味不太搶，蝦頭又有豐富蝦膏，美味。烤大虎蝦，一路燒一路散發出香濃燒蝦味，正呀。燒粟米，都好甜，不過無牛油提供囉。
清酒牛油大花甲，必試必試。還以為先將花甲浸落清酒，就掉去燒。經侍應哥哥講解，完來先分開燒，當牛油溶左及跟清酒混和後，見滾起就倒係花甲上面喎。花甲新鮮，爽甜肥美，天然海水咸味，淡淡清酒牛油香味，正呀，有添食既衝動。要留意唔好燒得過熟，搞到乾爭爭、又硬又靭。
赤豚肉，好有趙口，肉汁豐富，口感軟棉，係屋企都好難食到。
鹽燒厚切上等牛舌，先將四面烤熟鎖住肉汁，再慢慢完成，外層烤得金黃又香口。只係用海鹽略醃，原汁原味，加少少鮮檸汁，成舊啪落口，嘩 ﹗真係又爽又滑，肥美又彈牙，牛味濃又唔會有酥味，餐廳推介。
特選牛肋骨肉，好濃郁既牛味，先用芝麻、麻油同日本醬油醃過，烤完食落味道偏甜，質感又夠腍。
燉蛋，免費飯後甜品，我懷疑係位侍應哥哥仔見我朋友夠靚女，先主動送兩個燉蛋過我地囉，我一向唔多愛甜，不過既然免費就攞黎試試啦。真係好很甜啊，甜得利害，喜歡食甜既，應該無問題。
張貼
