影片
更多
2011-06-27
212 瀏覽
是日, 我們帶BB來到科學館玩玩, 晚上, 父母又要去參加親戚的嫁女囍宴, 所以我們一家三口, 也決定係街食飽才返美孚. 兩大一細的在尖東, 而太太又只想去素食館子. 上網尋找了一會, 發現了這一間位於永安廣場的印度素食店, 活蘭.可能我們來得比較早, 而且只是平日的星期三. 莫說間餐廳冇乜人, 連整個商場都只是人丁幾隻. 吉鋪多個人頭, 近呢十幾年既尖東, 的確係蕭條了許多. 以往大富豪, 大香港的時代, 已經過去了.兩個人食, 食唔到幾多野的, 一份頭盤小食, 一份咖喱, 加份薄餅. 份量不多, 但食完, 感覺到是剛剛好. 出來食野, 不需要大魚大肉, 份量剛剛好, 不需吃太飽, 也不浪費, 這才對得起自己, 對得起大自然.印巴的頭盤小食, 有不少是帶酸味味味道的乳酪食品, 我們點的Dahi-Puri, 就是用乳酪, 薯仔, 青豆, 加上脆餅撈成的一碟白色既開胃小點. 酸酸地的味道, 是乳酪的香, 印巴式的乳酪同西方既乳酪有點不同, 流質感比較重, 像水一樣的, 但完全不稀, 酸度比西式的乳酪強多了, 用來配一配餅仔或撈入咸點是最佳, 所以, 每次點下呢一D乳酪小點, 每次都咁受我
可能我們來得比較早, 而且只是平日的星期三. 莫說間餐廳冇乜人, 連整個商場都只是人丁幾隻. 吉鋪多個人頭, 近呢十幾年既尖東, 的確係蕭條了許多. 以往大富豪, 大香港的時代, 已經過去了.
兩個人食, 食唔到幾多野的, 一份頭盤小食, 一份咖喱, 加份薄餅. 份量不多, 但食完, 感覺到是剛剛好. 出來食野, 不需要大魚大肉, 份量剛剛好, 不需吃太飽, 也不浪費, 這才對得起自己, 對得起大自然.
印巴的頭盤小食, 有不少是帶酸味味味道的乳酪食品, 我們點的Dahi-Puri, 就是用乳酪, 薯仔, 青豆, 加上脆餅撈成的一碟白色既開胃小點. 酸酸地的味道, 是乳酪的香, 印巴式的乳酪同西方既乳酪有點不同, 流質感比較重, 像水一樣的, 但完全不稀, 酸度比西式的乳酪強多了, 用來配一配餅仔或撈入咸點是最佳, 所以, 每次點下呢一D乳酪小點, 每次都咁受我們歡迎.
Paneer Masala (Jain), 食咁耐印度素食, 才知道Jain是什麼樣的印度口味. 因為從來都只是叫他們走蔥蒜Only. 是日多口問多一問之下, 原來Jain的味道, 就是走蔥蒜, 意思上應該是走五辛啦. 所以, 我們就直接要了Jain的口味. 這Paneer Masala, 就是芝士馬沙拉咖喱, 走了五辛, 最突出的不同就是香料味少了, 味道一樣但咖喱既香味比起食開食慣的冇咁濃味. 芝士, 也是他們印式的水牛芝士, 細細粒, 腍腍的, 充滿奶油的香.
沒有叫飯, 我們要了兩小塊的Chpati薄餅, 沾下咖喱, 沾下乳酪. 食印度餐, 始終覺得夾薄餅, Naan Bread, 會比較好食.
清淨的飲食環境, 應該要多謝呢一個商場. 另外, 感覺到此咖喱屋, 是一家用心製作的食店, 雖然是慢動作, 但出來的食品, 既夠熱, 又味美. 店員服務又一流, 非常願意的解答我們的問題. 值得再來.
張貼
