影片
更多
2012-11-28
147 瀏覽
尋晚(27-11-2012 Tue)8:00pm同男友,女友人DC啪完卡拉OK後,我問使唔使食少少o野至返屋企?DC答要,先頭o係卡拉OK裡面食o既就係全日o既第一餐.嗯,好吖,天寒地凍,點都要食返少少o野暖身,有咩idea呢?男友記起呢間,就帶我o地o黎.o黎到,佢幾個舖位都o係後巷裡面,環境一般.我o地坐低後,諗唔到食咩o野?我o地呢次真係share o黎食,大叔就推介$36.00o既豉油皇炸醬撈河,然後我o地決定要淨鳳爪同淨豬手.好快,三樣o野到o黎,大叔醒目地畀幾個碗仔我o地.不過豉油皇炸醬撈河唔係一碟碟而係一碗o既?河粉偏幼,炸醬唔係太多,撈勻後食lu,味道唔鹹唔淡又濕潤,我覺得一般.之後食鳳爪,我食到有薑o既辣味,咁重手o既?不過滷水都好入味,鳳爪都好腍.然後到豬手,豬手味道同鳳爪一樣,口感亦一樣好腍,唔錯.我o地食食吓,覺得可以叫多一樣,我見到有牛筋,但又想食牛腩,於是就叫雙拼.又好快就到o黎,食牛筋先,辣o既?哎呀!原來係寫明辣牛筋,重要畫埋3隻辣椒,我唔可以食喇.就由DC同男友食晒佢啦,DC邊食邊叫辣,但話好食,嗚嗚….我冇得食呀!咁我唯有食牛腩,牛腩同樣好腍亦入味,
o黎到,佢幾個舖位都o係後巷裡面,環境一般.
我o地坐低後,諗唔到食咩o野?我o地呢次真係share o黎食,大叔就推介$36.00o既豉油皇炸醬撈河,然後我o地決定要淨鳳爪同淨豬手.
好快,三樣o野到o黎,大叔醒目地畀幾個碗仔我o地.
不過豉油皇炸醬撈河唔係一碟碟而係一碗o既?
河粉偏幼,炸醬唔係太多,撈勻後食lu,味道唔鹹唔淡又濕潤,我覺得一般.之後食鳳爪,
我食到有薑o既辣味,咁重手o既?不過滷水都好入味,鳳爪都好腍.然後到豬手,
豬手味道同鳳爪一樣,口感亦一樣好腍,唔錯.我o地食食吓,覺得可以叫多一樣,我見到有牛筋,但又想食牛腩,於是就叫雙拼.
又好快就到o黎,
食牛筋先,辣o既?哎呀!原來係寫明辣牛筋,重要畫埋3隻辣椒,我唔可以食喇.就由DC同男友食晒佢啦,DC邊食邊叫辣,但話好食,嗚嗚….我冇得食呀!咁我唯有食牛腩,牛腩同樣好腍亦入味,冇乜肥o既地方,都唔錯.
食完埋單一共$186.00,返屋企計返,嘩!都幾貴喎,淨餸$48.00一碟,$38.00一碗,雙拼加$6.00, 咁即係$36.00+$48.00+$48.00+$54.00,份量唔係好多咋喎.
味道分係3.5分
張貼
