影片
更多
2013-03-23
149 瀏覽
食名氣，去食過大中華，德發小廚，水佬榮，又食過响Openrice同Facebook比人吹噓到神級既豚王拉麵，講真，都係失望而回。上個月，同舊同學聚會，有人堅持要去到長沙灣，一間貌似茶餐廳既"飯堂"，門口Cashier重要設有八達通付錢，講真，初初真係無乜信心，出發之前重要上openrice睇過食評，劣評如潮。心諗，算喇，難得舊同學聚會，有人話想食水煮魚，咪試下囉，返正價錢真係非常大眾化，一試無妨。其實係上個月食，當時天氣重係十幾度，我地首先叫左個羊腩煲，老細話，不如食羊腩羊肚煲喇。我話，羊肚？真係未食過wow......老細話有錢都食唔到。咁就試下喇，因為我地年年都去廟街食羊腩煲，咁多年黎都可以，但係今年加到成280蚊一煲，重要係難食。聚會之前一個月食左一次，所以有好大對比，羊肚比想像中更好味，好食過牛肚。之後，叫左個湯，水煮魚，蠔餅，聖子，炸大腸。聖子係一般新鮮就好食果種好食，但係已經非常難得。此外，有兩大驚喜：第一，蠔餅。大家會話，蠔餅有幾好食丫？講真，佢一個份量，係比出面一般小，我估用四隻鴨蛋左右，但蠔夠肥大，佢亦無落薯粉，真係比出面既好食好多。第二，水煮魚，必食，好食到喊。入面
上個月，同舊同學聚會，有人堅持要去到長沙灣，一間貌似茶餐廳既"飯堂"，門口Cashier重要設有八達通付錢，講真，初初真係無乜信心，出發之前重要上openrice睇過食評，劣評如潮。心諗，算喇，難得舊同學聚會，有人話想食水煮魚，咪試下囉，返正價錢真係非常大眾化，一試無妨。
其實係上個月食，當時天氣重係十幾度，我地首先叫左個羊腩煲，老細話，不如食羊腩羊肚煲喇。我話，羊肚？真係未食過wow......老細話有錢都食唔到。咁就試下喇，因為我地年年都去廟街食羊腩煲，咁多年黎都可以，但係今年加到成280蚊一煲，重要係難食。聚會之前一個月食左一次，所以有好大對比，羊肚比想像中更好味，好食過牛肚。
之後，叫左個湯，水煮魚，蠔餅，聖子，炸大腸。聖子係一般新鮮就好食果種好食，但係已經非常難得。此外，有兩大驚喜：
第一，蠔餅。大家會話，蠔餅有幾好食丫？講真，佢一個份量，係比出面一般小，我估用四隻鴨蛋左右，但蠔夠肥大，佢亦無落薯粉，真係比出面既好食好多。
第二，水煮魚，必食，好食到喊。入面有炸菜、豆pok，魚可以面求成條上或去骨，我兩樣都試過（上星期又返食）。建議食去骨，鐘意食魚既朋友一定覺得好食，重送個米線比你一齊食。
P.S. 本人乃愛辣之人，佢個水煮魚分大中細三種辣，我地每次都食細辣，但已經有好多朋友食得下辣既都話太辣。所以如果唔想博，可以問下佢有無完全無辣既。
缺點：個湯落得超多料，起碼二十隻雞腳，好多肉同菜，但都係落師父，重點係個湯師父太多。佢每枱都會問你飲唔飲湯，想去既朋友不妨唔洗叫個湯。
食後感覺，真係比大中華好食，又唔洗等位，老細又吹得。讚。
張貼
