影片
更多
2013-05-31
641 瀏覽
容記燒豬腩肉咁出名，又係米芝蓮推介過，想試左好耐，尋日終於有機會食到啦！！！舖頭唔算難搵，好近地鐵站，行緊去時仲係度好擔心會好似網上見到情況一樣係門口排長龍，但好彩去到仲算早門口未有人等位，一去到就有位坐，但要同其他客人搭一張十二人既大枱。首先第一碟上枱既就係我地最想試既燒豬腩肉，仲附有2種醬汁，一隻綠色醬汁係完全唔辣既日式wasabi汁，另一種啡色唔知咩醬汁就甜甜地，2種醬汁同燒腩肉都算夾，但個人同朋友都喜歡點綠色個隻醬汁多ｄ。雖然聞唔到有咩香味，但你見到佢有小小煙向上升，腩肉偏廋中間會有一層好薄既油脂，好岩我地女仔食，食落唔會太肥膩，相比平時食開個d凍食燒腩肉，佢lee隻暖食反而令佢香味特別出，咬落好鬆化，好易咬開，暖食先會食得出佢個層油脂香味。繼而精華所在，就係佢個層燒得好厚既豬皮，咬落好脆好香但唔會覺得肥膩，外脆內軟，食完個口仲會有一陣陣回香味。南乳雜菜煲，真係大感失望，自問唔係食開重口味既人，都覺得佢既南乳冇南乳味，南乳落得太又或者比ｄ水溝稀左，但菜本身就煮得岩岩好仲算爽脆既。即叫即蒸鹹蛋肉餅蒸豆腐，等左接近15-20分鐘，飯都唔敢食晒就係等肉餅黎送飯，佢用左蒸魚醬油去淋係肉
容記燒豬腩肉咁出名，又係米芝蓮推介過，想試左好耐，尋日終於有機會食到啦！！！
舖頭唔算難搵，好近地鐵站，行緊去時仲係度好擔心會好似網上見到情況一樣係門口排長龍，但好彩去到仲算早門口未有人等位，一去到就有位坐，但要同其他客人搭一張十二人既大枱。
首先第一碟上枱既就係我地最想試既燒豬腩肉，仲附有2種醬汁，一隻綠色醬汁係完全唔辣既日式wasabi汁，另一種啡色唔知咩醬汁就甜甜地，2種醬汁同燒腩肉都算夾，但個人同朋友都喜歡點綠色個隻醬汁多ｄ。雖然聞唔到有咩香味，但你見到佢有小小煙向上升，腩肉偏廋中間會有一層好薄既油脂，好岩我地女仔食，食落唔會太肥膩，相比平時食開個d凍食燒腩肉，佢lee隻暖食反而令佢香味特別出，咬落好鬆化，好易咬開，暖食先會食得出佢個層油脂香味。繼而精華所在，就係佢個層燒得好厚既豬皮，咬落好脆好香但唔會覺得肥膩，外脆內軟，食完個口仲會有一陣陣回香味。
南乳雜菜煲，真係大感失望，自問唔係食開重口味既人，都覺得佢既南乳冇南乳味，南乳落得太又或者比ｄ水溝稀左，但菜本身就煮得岩岩好仲算爽脆既。
即叫即蒸鹹蛋肉餅蒸豆腐，等左接近15-20分鐘，飯都唔敢食晒就係等肉餅黎送飯，佢用左蒸魚醬油去淋係肉餅上面，食落甜甜地，唔會死鹹。不過失望既係佢d豆腐係用百福豆腐，好滑但冇豆味，仲有肉餅比較厚既地方蒸得唔較熟。
題外話/補充資料：
下次可以搵多ｄ人去可以試埋其他菜
(以上食評乃用戶個人意見 , 並不代表OpenRice之觀點。)
張貼
