陳根記 (已搬遷) 新店位置

同事住沙田，佢介紹食陳根記，上OPENRICE睇又確實係好多好評，一於一試，事先無BOOK枱，因為我估咁地既應該無得BOOK，同埋去到發現原來好大(不過都勁多人)，好彩俾我地搵到一張細枱！選擇都算多，我地叫左︰WASABI手撕雞 - WASABI味算濃郁，但唔辣，佢D雞絲好滑，唔鞋同乾身，配埋估佢唔到既海硩絲同蟹子粒，爽爽脆脆，好味！本人唔飲酒，但若飲酒既應該係唔錯既下酒菜！炸九肚魚 - 好滑同埋D魚舊舊都好大條，佢份量都幾多....抵食...豉油炒鵝腸 - 我欣賞佢呢度既鵝腸條條都瘦，我真係好怕食充滿肥膏既鵝腸，但略嫌味唔夠，有D啖！但油味就重了少少，兩者如可平衡，應該會好好食.....馬拉盞炒通菜 - 其實通常用馬拉盞炒菜無死，都係個句...好食....好夠味..好大碟避風塘賴尿蝦 - 蝦唔大隻...但好好味....蒜粒椒粒都炸到好脆....好香...最後，佢見你差唔多完，就會派張甜品卷俾你叫甜品，我以為係度舉手叫侍應落單就得，點知要自己出去買，我地叫炸芒果脆卷，即叫即炸，佢拎左兩條卷出黎炸至金黃色，跟住切成四件，一份有八件...好好食..出面熱熱地，入面凍凍地，一個人實食得唒！