咖啡弄 (已結業)

黎過一次，等左一陣決定放棄。今次等左足足個半鐘，終於都等到，究竟有咩特別，咁多人為左食餐飯要烈日當空排個幾鐘隊。雖然裝修幾新幾靚，又colourful，不過可能要搭枱既關係，感覺有少少似茶餐廳。台妹侍應，講普通話，但感覺好nice好親切。豬扒三明治唔錯，料好足，肉好厚切，mustard同肉好夾，幾好味。草莓waffle，賣相一流。士多啤梨好甜 waffle，吉士同雪糕味道都唔錯，甜度剛好，而且全部都好夾。waffle比較實，口感偏硬，都幾濟，食到好飽。但個人都係鍾意食鬆軟D既waffle。Oreo沙冰，算係個隱陣既選擇。幾好飲，極濃Oreo味。沙冰入面有大量Oreo碎同朱古力碎，可以一路飲一路食整體唔錯，雖然搭枱，但唔會覺得好逼，不過想靜靜地傾計就唔係好適合啦。食物質素都唔錯，不過個人覺得唔值得等咁耐。一樣價錢可以去其他地方，唔使等位，食到差唔多質素。