樂天皇朝 (利舞臺廣場) (已搬遷) 新店位置

終於得閒寫返成個月前既食評XD是晚本想去附近間cafe探kumamon，點知話襟章送完，於是轉陣。樂天皇朝呢排o係地鐵燈箱廣告賣到好行，八色小籠包影到咁吸引，唔黎唔得啦！黎到剛好六點，唔使等位，直入卡位坐。先試個前菜油炆筍，唔算太油同太鹹，幾爽口！豬骨拉麵，雖然我印象中上海菜係冇呢樣野既。XD麵底算幾爽，叉燒滑，仲有隻糖心蛋添。其實係用中式碗上既日式拉麵 萬眾期待既八色小籠包！餐廳好貼心，有張紙教食客食野既次序。不過我地食食吓，好似玩緊估食物遊戲咁，開始搞亂晒d味道。而且兩個人share一籠已經覺得好漏。講返小籠包，都算皮薄餡靚，不過有幾種（eg芝士、蟹粉）食完都唔知係咩黎。最有驚喜係人蔘味，有種甘香既感覺！最後整個豆沙鍋餅做甜品，不過不失，係油左少少。繁忙時間限時90分鐘交檯，都算合理，上菜速度算快。可以再黎的。