恆香老餅家 (已結業)

雖然恆香同榮華而家周圍都係門市，但元朗之行還是要吃一吃老婆餅的。原來除了老婆餅，呢度都有老公餅賣。老公餅在台南同中山都吃過，体積比老婆餅略大少少，餡料以冬菜、冰肉、芝麻等為主，與老婆餅一咸一甜互相輝映。可能香港地男女平等，呢度的老公餅同老婆餅体積相若，餡料是白豆蓉，都是甜餅，而價錢亦一樣賣三元半。買了一個來吃，外面酥皮同老婆餅係一式一樣，入面都幾酥化，同老先婆餅的煙韌口感有不同，亦沒有老婆餅的冬瓜茸咁甜。雖然甜的老公餅有D怪怪地﹝或毑毑地！﹞，但當佢係普通一個酥餅是幾好食的，未試過的可以一試。在中山還吃過紫菜及花生餡的「淑女餅」，在澳門則吃過紅豆茸和瓜子做餡的「紅娘餅」，款款都係同老婆餅一般的酥皮，不過就唔同餡。