泰一 (已結業)

一直都有聽聞筲箕灣東大街一帶有好多隱世美食，今日放工後由太古城辨公室行落去筲箕灣，搵到一間新開張既泰國餐廳-泰一新開張既餐廳，於星期三晚飯時間就座無虛席，食物水準應該不錯，點左4道菜一試。男朋友同我都很喜歡馬拉盞既味道，第一時間就點左馬拉盞炒椰菜苗，椰菜苗夠爽口，用較咸的馬拉盞再加少少辣椒絲同蒜溶去炒，真系好惹味!!!豬肉生菜包，辣味適中，混合左紅蔥頭，蒜，檸檬葉等香料，再加少少青檸汁，用生菜包住黎食，多一點清新，整個泰國味道出晒黎，因為檸檬葉和香茅的味道很濃。本人真系好鍾意飲冬陰公，提議你一定要試下呢間既冬陰公，點解呢? 因為堅系用真材實料去煮既冬陰公湯，有大大隻蝦，檸檬葉，香茅，草菇，莞茜等等，香料十足，酸辣適中，味道濃郁，連殼大蝦肉質結實爽口，必點必點，好開胃泰國菜又點可以唔食炒金邊粉呢? 呢碟金邊粉買相好特別，鋪上一層薄薄既煎蛋，個樣好似蛋包飯咁，好吸引，而且鑊氣十足，一上碟就香味四溢，味道酸酸甜甜，真系會食唔停口。整體而言，食物質素不錯，價錢又親民，下次叫多D朋友黎食飯，一定要試埋咖哩，見到隔離食得好滋味，流晒口水