龜井鐵板燒 (已結業)

睇左呢度o既食評, 見咁多好評, 所以去試下, 果然冇介紹錯, 真係好好食前後去左三次, 兩次lunch, 一次dinnerlunch 非常抵食, 有$25 set lunch, 一星期日日唔同款。唔想叫set lunch 有其他套餐, 大概$40一個, 份量非常多(因為包一碗珍珠米飯)第一次去食試左豚肉套餐, 金菇牛肉卷餐, 是日set lunch 壽司餐豚肉套餐有沙律, 炒野菜, 燒魷魚筒同埋豚肉+ 一碗飯+ 甜品(雪糕) + 餐飲豚肉燒得非常好食, 灑上肉上既蒜片非常香, 令本身唔食蒜頭既我都食得好開胃, 10分有9分啊!!! (貓會唔會寫得太過份)魷魚筒都好好食, 燒既時間好好, 質感好好!!金菇牛肉卷餐同豚肉套餐一樣, 不過換左做牛肉卷, 個卷好好味, 但比起豚肉就冇咩驚喜。後尾男友話再叫多個餐, 就叫左$25 set lunch壽司set 有四件唔記得咩魚壽司+一碗烏冬, 由於個人唔係太好壽司, 所以冇咩評價, 但男友話好味!食埋碗烏冬好飽肚!最後二個人食左三個餐, 非常飽, 但都唔使$100出門口, 抵!第二次去食晚餐, 食物同上次差唔多, 但試左秋刀魚, 唔錯呀, 幾好