今日同朋友一行四人山長水遠來荃灣試新潮大排檔，好耐都無食過大排檔，因為價錢實在有D貴🙃 先睇睇個餐牌，款式都唔少 招牌野都唔少，最後我地試左個「陳伯痛風餐」再散叫左個黃金椒粟米同墨魚餅，埋單$900有找😋價錢來講真係算得上抵食，碟頭夠大，絕對好過好多街市既大排檔多多聲！加上地方都乾淨，唯一搞唔掂就係個冷氣🙃真係熱到呢🙃 豬肺湯相當醒神，真材實料，鍾意飲湯記得試！ 出名既豬油撈飯同炒蜆，豬油飯算唔錯，係細碗左少少🤏因為叫套餐係要額外加$8碗先食到🙃 炒蜆偏甜，但還算新鮮，無沙 黃金粟米還可以，但我自己口味上就鍾意乾身D既，所以略顯濕D 其中椒鹽鮮魷就係相當不錯，散叫都可以試，份量同味道都唔錯👍

見到餐牌係話係米芝蓮2023至202推介小食，咁就試吓。 👌🏼 古法老祖西關瀨粉 $40 米芝蓮推介小食。面頭佈滿豬油渣，榨菜 & 唔同材料溝埋，湯係杰杰地上湯嘅味道，口感類似食羹嘅質感，少少地辣，都幾惹味。至於個西關瀨粉就唸唸地，粗粗地。冇咩特別。 🙂 酥炸杜洛克豬肉糭 $68 （跟餐 +$28) 同樣係米芝蓮推介小食。一開始唔係好get 到，好似食炸糯米飯嘅感覺。跟住再食到裏面有塊豬肉，就好似食炸糭嘅感覺。鐘意食甜糭仲可以加d 糖。 佢炸得好脆，食完口感都有啲香，都幾得意嘅。至於“巴洛克豬肉”就冇覺得有咩唔同。 👌🏼XO醬爆炒腸粉 又係米芝蓮推介小食。炒得都幾有鑊氣，XO醬就正常味道。腸粉質地正常。 🤔 髀翼雙飛豬油撈飯 撈埋附上嘅豬油，醬油，同埋啲辣辣地嘅榨菜，就幾香口。如果唔怕的話，仲可以食埋啲豬油渣。幾香口但邪惡嘅豬油撈飯。 至於雞髀就好燶，燶到唔係好想食果種。都算入味，有啲椒鹽味，但太燶了。雞翼冇咩特別。 環境： ★☆☆☆☆ 食物： ★★★☆☆ 推介度： ★★★☆☆

🅷🅾 🅻🅰🅽 🅹🅴🅽🅶 🐔裝修走型格路線，以閃爍嘅霓虹燈作燈牌，中西合璧嘅風格，餐具使用中式公雞碗，除咗裝修同餐具別樹一幟，食物方面都好有特色，大量特色調酒，今次主要想試吓「蘭王」溫泉蛋ꜰᴜꜱɪᴏɴ特製菜式，呢個係同日本養雞協會合作推出期間限定ᴍᴇɴᴜ: 🍳🥚紹興雞油松葉蟹肉配法式幼滑薯蓉🧡日本蘭王溫泉蛋 $188 ᴄʀᴇᴀᴍʏ ᴍᴀꜱʜᴇᴅ ᴘᴏᴛᴀᴛᴏ & ᴏɴꜱᴇɴ ᴛᴀᴍᴀɢᴏ ᴡ/ ꜱɴᴏᴡ ᴄʀᴀʙ ᴍᴇᴀᴛ, ᴄʜɪɴᴇꜱᴇ ʏᴇʟʟᴏᴡ ᴡɪɴᴇ & ᴄʜɪᴄᴋᴇɴ ꜰᴀᴛ 日本蛋真係特別唔同，本身蛋黃色澤呈橙紅色，蛋汁充滿香氣，再撈埋薯蓉松葉蟹一齊食，可以令到整體口感更加豐富，食呢個菜式味味有少少食賽螃蟹嘅感覺，但完全唔酸，松葉蟹自帶海鮮味，再加埋超級幼滑薯蓉，yummy! 上面仲有羽衣甘藍，味道只係微苦，唔會太澀，加左羽衣甘藍🥬令到呢個菜式多咗些少變化，呢個菜式設計都有心思。 ❤️🐷24小時慢煮伊比利亞叉燒 日本蘭王溫泉蛋，紅洋蔥漬，香噴噴香蔥豬油撈飯 $198 ꜱʟᴏᴡ ᴄᴏᴏᴋᴇᴅ 24 ʜᴏᴜʀꜱ ɪʙᴇʀɪᴄᴏ ᴄʜᴀʀ-ɢɪᴜ, ᴘɪᴄᴋʟᴇᴅ ʀᴇᴅ ᴏɴɪᴏɴ, ᴏɴꜱᴇɴ ᴛᴀᴍᴀɢᴏ ᴡ/ ᴀʀᴏᴍᴀᴛɪᴄ ᴘᴏʀᴋ ꜰᴀᴛ ꜱᴘʀɪɴɢ ᴏɴɪᴏɴ ᴏɪʟ ᴀᴋɪᴛᴀ ᴋᴏᴍᴀᴄʜɪ ʀɪᴄᴇ 賣相方面：以一個砵仔裝住呢個叉燒飯，除咗叉燒飯仲有其他配料，當然仲有重點溫泉蛋，呢隻蛋汁混入咩菜式都會好食🤤 講返個飯先：叉燒好食，肉質肥瘦均勻，某部位充滿脂肪香氣，入口肥美豐盈，原來叉燒經過24小時慢煮醃製，外皮再經過烤香，略帶焦味，仲加咗少少蜜糖，肉質唔會太韌。 珍珠米煮嘅飯🍚再混合邪惡豬油，食落去有甜甜地嘅豉油味，混搭咗一啲日本嘅食材，酸嘅醃製紅洋蔥漬，芽菜，味道變得相當豐富，但個飯味道啱好，唔會過鹹！ 🤍甜品 🍮中國白腐乳，法國白芝士焦糖燉蛋配西班牙鬆脆包，無花果醬及綜合野莓🫐 ꜱᴜᴘᴇʀ ʀɪᴄʜ ᴄʀᴇᴍᴇ ʙʀüʟéᴇ "ᴄʜɪɴᴇꜱᴇ ꜰᴇʀᴍᴇɴᴛᴇᴅ ʙᴇᴀɴ ᴄᴜʀᴅ, ꜰʀᴏᴍᴀɢᴇ ʙʟᴀɴᴄ ꜱᴛʏʟᴇ" ᴡ/ ᴄʀʏꜱᴛᴀʟ ʙʀᴇᴀᴅ, ꜰɪɢꜱᴄᴏᴍᴘᴏᴛᴇ, ᴍɪx ʙᴇʀʀɪᴇꜱ $148 表面嘅焦糖脆片烤得好香脆，入口脆卜卜，燉蛋裏面混合咗中國白腐乳，增加咗少少酸酸嘅味道，但出奇地夾，可能只係加入小量，兩者唔會覺得太兀突，質地方面燉蛋超級滑溜，蛋、糖比例啱好。 最驚喜係西班牙鬆脆包，第一次食咁脆嘅包，上面仲加咗甜甜嘅煉奶，咬入口勁脆，配搭燉蛋食一流。 甜品仲有藍莓、黑莓、紅莓同士多啤梨，銀箔作為裝飾，全部生果都新鮮可以入得口，並唔係只係裝飾，可以一食！ 🍺 飲品~鬼佬涼茶 🍊𝕊𝕚 𝕃 𝔻𝕒𝕟 𝕀ℙ𝔸 🍺 是𝕃但 $𝟠𝟝/𝟜𝟝𝟘𝕞𝕝 ℍ𝕠𝕡𝕡𝕪/ 𝔽𝕣𝕦𝕚𝕥𝕪/ ℂ𝕚𝕥𝕣𝕦𝕤/𝔸𝔹𝕍 𝟞.𝟟%/ 個介紹係咁 ：「第一啖飲出嚟嗰隻松葉味同柑橘味，就好似經歷一場啤酒花大冒險一樣。口感清爽，大啖大啖飲都冇有怕！」 雖然我就飲唔出松葉味，但係整體非常之有果香，順滑容易入口，夏天飲真係覺得好清爽，仲好似有少少花香添，推薦！ 🖤🤎芝麻花生湯圓 $125 ꜱᴇꜱᴀᴍᴇ ᴍᴏᴄʜɪ (ꜱᴇꜱᴀᴍᴇ ᴡʜɪꜱᴋᴇʏ ᴘᴇᴀɴᴜᴛ ꜰᴏᴀᴍ ) 以「萬壽無疆」杯裝住勁吸晴，係一款又可以打卡又好嘅𝐂𝐨𝐜𝐤𝐭𝐚𝐢𝐥，好似飲緊一個好甜蜜嘅芝麻花生糊，成個口都充滿香甜花生味，店員建議先飲兩啖再食湯圓再飲兩啖，如果唔係湯圓會變硬就唔好食，雖然容易入口，但酒都帶少少辣，正！ ✨試咗以上幾款🥚🍳新品都幾唔錯，8月20號開始發售，期間限定供應，唔好錯過啦！(๑´ڡ`๑) 另外要讚呢度員工全部服務態度都好好，潮≠串，全部都靚仔靚女，點菜上菜都有介紹，如果朋友聚會都可以再過嚟飲返杯🍸🍹！(´▽`ʃ♡ƪ)" 🥢何蘭正 (中環) ℌ𝔬 𝔩𝔞𝔫 𝔧𝔢𝔫𝔤 📍中環雲咸街29號LKF29 2樓 -

早兩日和朋友去何蘭正吃生日飯 發現佢地又出了新Menu 😍 同日本養雞協會🇯🇵🥚合作推出期間限定日本蛋推廣menu 由8月20號開始限定發售🩷 用日本優質「蘭王」雞蛋設計一Set Fusion 菜式出來！ 果然真係日本蛋何蘭正 （好撚正）😋😂！ 每道菜的雞蛋蛋黃色澤呈橙紅色，色澤飽滿鮮味可口！ 🐔紹興雞油松葉蟹肉配法式幼滑薯蓉，蘭王溫泉蛋 （HKD 188) · 前菜比較清淡啲 ·整體上有很多蟹肉、吃得出很鮮甜 ·薯蓉配上「蘭王」雞蛋吃下去很滑身濕潤 🍖24小時慢煮伊比利亞叉燒，蘭王溫泉蛋，紅洋蔥漬，香噴噴香蔥豬油撈飯 (HKD 198) ·最出名的一道菜🔥🔥 ·叉燒煮得很夠味很好吃！超級香！ · 配上「蘭王」雞蛋吃下去口味更豐富！蛋味濃！ ·吃法一定要似韓式拌飯撈著吃！🫶🏻 🧀中國白腐乳，法國白芝士焦糖燉蛋配西班牙鬆脆包，無花果醬及綜合野莓 (HKD 148) ·腐乳、芝士味重 ·同平時食的焦糖燉蛋更濃味更滑身 ·超級建議要配搭附送的西班牙鬆脆包吃，將口感更上一層樓🥰 🥃龍眼蜜氣泡蜂蜜酒 ·是其中一款限定啤酒 ·看上去好普通！喝著有種回甘、甜甜的！ 🍶椰青龍井冷泡茶 ·是椰青愛好者必點的！極重椰青味🫶🏻 當晚是我朋友生日！ 所以餐廳安排了Birthday Happy Shot 給我們 由調酒師安排 😂 是菜蜜特製酒🥳 飲下去很特別🤣🤣🤣 亦有在甜品中準備蠟燭跟生日牌🥰🥰 何蘭正 (中環) 📍：中環雲咸街29號LKF29 2

經過尖沙咀見到好吸引就同朋友入咗去 冰室嘅門口同室內嘅裝修充滿80年代港式茶餐廳風格，一入去就好似返番細個咁～ XO醬牛柳粒好香口，用辣椒炒過牛柳粒，唔會太乾身，配埋豬油撈飯好邪惡😈生炸雞髀有手掌咁大，切開好Juicy，配埋雙蛋黑椒汁食👍🏻👍🏻👍🏻黎到舊式茶餐廳一定要飲一杯紅豆冰，配埋甜品雪糕菠蘿包！菠蘿包烘到熱辣辣，加埋一球雪糕喺入面🤤 🔸 XO醬牛柳粒豬油撈飯 ($98) 🔸 生炸雞髀煎雙蛋飯配黑椒汁($63) 🔸雪糕菠蘿包（$38） 🔸紅豆冰 📍保頓冰室
地址: 尖沙咀亞士厘道20A號地舖

🌟經過亞士厘道，俾呢間餐廳裝修吸引左。超懷舊五六十年代風格，好懷念的感覺😆 🌟餐廳門口有個麵包櫃，有新鮮出爐面包，係馳名港式蛋撻同菠蘿包啊！ 🦐招牌蒜蓉蝦豬油撈飯 細個成日聽媽媽話小朋友果陣好窮，就係靠豬油撈飯飽肚👍🏻現在變左邪惡美食。職員會遞上醬油同豬油，自己落幾多都得。熱辣辣的飯淋上豬油，又香又滑！蒜蓉蝦超級香，蝦肉都新鮮彈牙。仲有香葱，炸蒜，天婦羅粒粒，洋葱，辣椒，全部撈埋一齊食好惹味。 🐷生炸雞脾煎雙蛋飯 果然係金牌飯，生炸雞脾外皮夠脆，入面的雞肉嫩滑有肉汁👍🏻仲要好似我手掌咁大隻。配左兩隻流心煎蛋好juicy😋仲有四款醬汁自己選擇。 🍨雪糕菠蘿包 新鮮菠蘿包夾住兩球雪糕，菠蘿包外面幾脆，包軟熟，配上冰凍雪糕好夾😍 🍌懷舊香蕉船 真係夠晒懷舊😆有兩條香蕉，雪糕，忌廉，朱古力脆脆，回憶的味道👍🏻 🍍菠蘿冰 係新鮮菠蘿加雪碧，好清爽。 🌟叫左幾款餐廳招牌食物都好地道好食，值得推薦👍🏻

🍊 餐廳名稱：保頓冰室 (尖沙咀)🐝 味道：8/10 環境：8/10 整體分數：8/10 💰人均：$60-120 ——————————————————— 用左舊式香港茶餐廳嘅裝修，播住九十年代流行嘅廣東歌，keep住老一派嘅菜式，真係好值得大家一食。 馬蹄煎肉餅煎蛋豬油撈飯 💰 88 豬油撈飯真係既邪惡又興奮嘅美食。成碗盤被厚厚嘅肉餅&煎蛋蓋住，肉餅煎到表面香脆入面好juicy，加埋豬油香真係一啖接一啖。 常餐A 💰48 一份專屬香港嘅味道，食嘅係情懷同回憶。出前一丁沙嗲牛肉公仔麵加煎蛋腸仔多士，呢個組合唔洗我多講，畢竟係陪住每位香港人成長嘅味道。唯一要講嘅就係沙嗲牛肉好濃味，牛肉唔會醃到啲肉無口感。 雪糕菠蘿包 💰38 呢個組合係無得頂，冰火交融，層次分明但味道相投，而且外面無幾間有得食！ 菠蘿冰 💰 跟餐+$8 紅豆冰 💰 跟餐+$12 🗺️ 尖沙咀亞士厘道20A號地舖 🔍#FlavorforToday尖沙咀 🚆 尖沙咀站L3出口，步行約3分鐘

大角咀真係有好多低調高質餐廳‼️ 呢個「有鑊氣」小炒一直都聽朋友推介話好好食， 今晚終於都可以嚟食喇～～ 不過大角咀泊車真係唔容易，坐低一陣就有人抄牌！ 好彩老闆非常警覺，通知得切我哋 見到每檯都必定會叫「酸菜魚」 or 「冰鎮咕嚕肉」 我哋就2樣都order哂 「老壇酸菜魚」 酸菜金湯好好飲，酸辣味道好balance， 唔會過濃，飲完唔會口渴 鱸魚肉質好細滑，唔會有幼骨， 食嘅時候好輕鬆 仲有寬粉、花菜！ 「冰鎮咕嚕肉」 放左乾冰係低，散發着仙氣，忍唔住要影下相！ 有外在，亦都有內在喎❤️ 入口真係外脆內軟， 外面有啲似冰糖葫蘆，但又唔會好硬好痴口， 味道甜甜酸酸勁開胃 醬汁唔會太多，岩岩好包住每一粒咕嚕肉 裏面嘅肉係爽軟，唔係果啲軟到冇晒口感嘅肉， 呢個冰鎮咕嚕肉真係好有驚喜 呢度仲有豬油撈飯 已經唔係好多地方可以食到

路德圍新開的 懷舊feel 最吸引我的係有豬油撈飯🤩 果然加左豬油 d飯更加 酥、脆、润、滑😍 跟住我膽粗粗問 「有冇豬油賣」 竟然都可以賣 真的益街坊 $25一大兜 真的瘋狂爽🤟 再有醉蝦🦐 7-8隻左右 好新鮮 好爽脆 我連醉蝦d汁都飲埋😄 最後普普通通的腐乳菜心都一試難忘 唔知點解腐乳有酒的香味😀 仲有好多好多我都想試 不過已經凌晨了 未有下次🤪🤪🤪 2300-0100 凍熱飲FREE 大家一起重振香港🇭🇰 Yesssssssssssss

呢次要同大家介紹中環其中一間我最鍾意嘅餐廳💖餐廳主打創意港式Fusion菜，成個環境同裝修都係充滿舊香港特色✨尤其入夜後嘅霓虹燈係超靚✨今次餐廳同日本養雞協會合作🇯🇵20/8起推出期間限定特別菜單，選用日本優質蘭王雞蛋，為每道菜注入濃郁的日式風味🍳 🌟紹興雞油松葉蟹肉配法式幼滑薯蓉，蘭王溫泉蛋 $188 薯蓉上面鋪滿一絲絲松葉蟹肉，鮮味十足，記得撈勻橙黃色嘅蘭王溫泉蛋一齊食，口感超級軟滑，而且蛋香味好香濃！ 🌟24小時慢煮伊比利亞叉燒，蘭王溫泉蛋，紅洋蔥漬，香噴噴香蔥豬油撈飯 $198 呢個叉燒飯喺餐廳多年嘅招牌菜😎半肥瘦嘅叉燒經過二十四小時慢煮，口感軟嫩得嚟蜜汁調味啱啱好，令豬肉嘅香味更出✨豬油撈飯就更為出色，每一粒米飯都充滿醬油香，而且粒粒分，配上蛋汁同叉燒一齊食簡直絕配🥹 🌟中國白腐乳，法國白芝士焦糖燉蛋配西班牙鬆脆包，無花果醬及綜合野莓 $148 呢個甜品都係世界級好食🥹❣️面層焦糖好薄身，第一啖食到焦糖香，然後白腐乳配上芝士嘅鹹香味充斥成個口腔😍鬆脆包加入咗煉奶，可配燉蛋一齊食，不過個人就覺得就咁食好味啲🤣 🌟話梅酸波本 $125 基酒用咗whiskey，上面仲灑上話梅粉，入口香滑，而且超重話梅味，整體融洽度高，係超高質嘅cocktail! 🌟Pineapple Paul 450ml $85 嚟到何蘭正，當然要試本土手工啤酒🍻呢杯Yardley Brothers出嘅Tap Beer前調係菠蘿，仲帶有熱帶水果同芒果嘅香味🥭入口果味濃郁，夏天飲夠晒清爽👅

見到尖沙咀有間裝修好復古嘅茶記，一直都好想過嚟打下卡。菜式都係復古風味，最出名嘅就係豬油撈飯。 A餐 椒鹽豬扒煎蛋豬油撈飯 💰88 用料好豐富，且份量都好大。有一大塊剪好嘅椒鹽豬扒舖係面，跟住一粒太陽蛋🍳。可以食幾塊豬扒，之後加豉油同豬油撈飯，好有滋味😋 鐵板C餐 西冷牛扒 💰138 牛扒火候啱啱好，上檯仲係熱辣辣嘅狀態。牛肉可以食得出肉質鮮嫩，而且冇咩筋，份量都唔少。配菜係薯條，炸的好香脆😋 食茶記點都要嗌杯紅豆冰🫘菠蘿冰🍍 咁先有港式風味😋 順帶講下，店員嘅服飾到餐廳裝修，都好有心意，百分百還原到以前八九十年代嘅香港feel，都有好多遊客過嚟打卡。 📍尖沙咀亞士厘道20A號地舖

哩個名聽咗好耐，終於都book位去食喇🤭 大排檔係時代嘅回憶，餐廳裝修還原度極高，同細個媽咪帶我去嘅差唔多，不過而家有冷氣舒服好多🌬 👑楚撚豬油撈飯 $25 好少喺出面見到有哩隻飯，一定要試吓！砵仔飯當然有別於一般白飯，好似煲仔飯咁多咗啲焦香，飯粒亦更加粒粒分明，加埋豬油同豉油就更香更滑，就算知道好邪惡都抵擋唔到😈 ✨七味黃金炸一口金磚豆腐 $78 一上枱就見到粒粒金黃色🤩 外皮香脆內裡豆腐滑捋捋，一口size夠方便，一啖一粒😋 加埋七味粉同椒鹽調味，味道一流👍🏻 ✨古法涼瓜炆魚雲煲 $138 涼瓜炆得好入味而且唔苦，份量都唔少，可惜魚雲有啲啲乾，美中不足。 ✨香煎黑松露手打蓮藕墨魚餅 $118 一咬落去就係香濃黑松露味，墨魚餅好彈牙，入面仲有粒粒爽脆蓮藕粒，口感豐富🤤 ✨蜜椒薯仔牛柳粒 $118 牛柳粒肉味香夠腍滑，薯仔一樣好入味，黑椒味濃再加少少甜味，食多啲都唔會膩😆 ✨家鄉炒銀針粉 $86 係我好喜歡嘅銀針粉，唔係好多地方有得食。份量唔少，炒得好香好惹味，我自己食咗半碟🤭 🔍整體感覺：裝修好有氣氛，還原傳統大排檔感覺，環境乾淨衞生，仲重要哩度係有冷氣嘅大排檔😌 上菜速度好快，食物質素同味道都好好，餸菜夠鑊氣，份量仲幾大碟，仲有糖水送💜 紅豆沙中嘅陳皮味香濃，食落仲好沙，超正😍 性價比超高👍🏻

蔡瀾推薦嘅一家中菜館，已經開業33年啦，啱好路過梗唔可以錯過，味道水準十分唔錯，里面更有蔡瀾題字🤩據聞喺哩度食飯好容易就可以遇到明星，唔少明星都嚟幫襯過哦😉 🧆招牌炒豬雜 蔡瀾都話好食嘅招牌肯定唔可以錯過，真係好多唔同部位，而且好入味，連薑都爽脆冇很重嘅薑味🤩 🥣老火例湯（細煲） 老火湯嘅魅力有別於日常外賣嘅例湯，有句話“寧可無菜，亦唔可無湯”，步入秋季，不妨嚟上一碗，火候十足嘅老火湯，有種阿媽嘅味道🤣 ⚠️上嚟開蓋依然滾燙，小心d哦🤭 🐮蜆蚧炒牛肉 牛肉加入蜆蚧醬、薑、蔥等調料爆炒過更加鮮香，口感柔腍多汁，一d都唔老，非常好送飯😍 🥦XO醬鮮蝦帶子炒西蘭花 食飯梗要有綠色啦😋西蘭花保持清脆嘅口感，更系同蝦和帶子及XO醬更加協調配合，大人小朋友都鍾意😘 🍚豬油撈飯 呢個都系本店特色哦～可以點一桶大家分，或者一碗自己嘆，比起普通白飯好味多啦，油而不膩，實喺太香啦🤤 老細都好nice，忙完出嚟會同大家吹下水，好奇問也會和我哋講下各位明星到嚟嘅場景，牆上嘅鏡子有唔少明星嘅簽名🤣 以粗茶淡飯作為📢，地道香港風味、傳統嘅廣東小炒更有能打動我，鍾意呢d有人情味嘅地方🥰

一家人到了大榮華食晚飯，叫了一個六人餐，換來店員一個不友好的回覆…後來封左一封利是態度就好轉了。 ⭐蟹肉竹笙燴生翅 無乜味的羹，大圍餐都預左。 ⭐蜜汁叉燒 半肥瘦叉，調味唔錯幾好食。 ⭐香茜梅子燒米鴨 鴨肉軟嫩入味，細細隻幾好。 ⭐田園翠綠蔬 豬油炒菜心，香口。 ⭐陳皮豆豉爆生蝦 鹹香帶陳皮香，幾好食喎。 ⭐頭抽浸本地雞 豉油好味，但雞味欠奉。 ⭐XO醬西芹花枝片 無乜XO醬味，西芹太淋，一般。 ⭐鮮陳水檸蒸烏頭 檸檬香口，但唔係用元朗烏頭，無魚味又無魚油。 ⭐燒乳鴿 乳鴿特價就加左兩隻，無乜味，勝在上枱時仲熱。 ⭐豬油撈飯 大榮華名物，但唔啱我口味😅 ⭐精美糖水 糖水有紅豆沙，但忘了影相。 呢圍食左千五蚊左右，二百幾蚊人頭ok啦，志在有個位坐下傾下偈。

🇳🇱何蘭正 - 中西Fusion菜體驗😍 呢間位於中環雲咸街29號LKF29 2樓既何蘭正一直都係小編打咭list既頭幾位🥢🍴。呢間餐廳將唔同國家既特色料理同食材同本地風味菜式融合，特別之餘仲好好食。另外，餐廳有live band表演，環境係勁岩一大班朋友一齊飲酒食好西🍺🍺 推薦必食 1️⃣沙薑風味脆香雞翼： 雞翼層皮炸到金黃酥脆，入面就多汁鮮嫩，沙薑味勁出😋 2️⃣西冷安格斯配陳村粉： 安格斯牛配傳統陳村粉。牛肉係超Juicy又唔靭，陳村粉就Q彈爽口🥩🍜 3️⃣慢煮叉燒配蔥香豬油撈飯： 慢煮叉燒肉質好Soft，配埋個香蔥豬油撈飯真係勁正Must try🥹 4️⃣咸檸西瓜沙冰 Super fresh😍鹹檸檬既酸爽同西瓜既清甜完美平衡，勁解膩🍉🍋 5️⃣芝麻花生湯圓 聽落係傳統甜品，但其實係野飲🤣🤣。芝麻味勁香濃，不過飲落就有d飽🤭 🇳🇱何蘭正 中環雲咸街29號LKF29 2樓