Amaroni's New York Italian Restaurant & Café (又一城)

營業中

休息中

要數九龍塘又一城歷史悠久的餐廳，主打美式意菜的Amaroni's New York Italian Restaurant & Café 由1998年開業至今。內裡高樓底甚有空間感，大型雕像加上吊燈及牆上的藝術掛畫，富有格調。餐牌供應一系列傳統意大利菜，配以美國菜一貫的oversize，由即日起至2024年8月31日還有夏季限定新菜式。入座後就會奉上烘得暖暖的麵包籃，拌以黑醋和橄欖油。蕃茄芝士薄餅 $165 自家打發的餅底是簡乎超薄和厚批之間，吃起來有點像麵包般鬆軟柔韌。這款長青不敗的經典口味Margherita材料非常簡單，番茄醬配上柔軟香滑的Mozzarella馬蘇里拉芝士，灑上羅勒香草作點綴，芝士可以造出拉絲效果。經典意式芝士雞扒 $190作為一道經典的意大利菜，裹著金黃炸粉的雞扒以半溶的Mozzarella芝士舖面。大件厚肉的雞扒已經去皮去骨，沾滿酸酸甜甜的番茄醬中和炸物的膩感。現烤意式南瓜鬆餅派配雲尼拿雪糕 $80夏日限定甜品，鐵鍋上桌從頭吃到底都可保持溫熱，配上一大球焦糖醬雲尼拿雪糕，一熱一冷，衝擊味蕾。利用南瓜的保水性與濕潤度，使鬆餅組織柔軟，口感類似蛋糕，將南瓜的天然甘甜

成日行又一城都經過依間意大利小餐館，一直都冇機會入去試吓，前幾日放工同朋友喺又一城行吓，晚飯時間睇吓有咩食，見到小餐館裝修唔錯，夠闊落坐得舒服，可以同朋友傾吓偈，決定試試！Ravioli Duo (Small) $168————————————意大利雲吞真係好正，入面嘅餡好綿好入味同好豐富🥟依個Dish有兩隻口味嘅Ravioli，分另配上兩款醬汁。乳清芝士同菠菜餡配松露忌廉汁，真係有粒粒松露架☺️另一款嘅餡就特別啲，係茄士、烤蕃茄同巴馬臣芝士配青醬忌廉汁，兩款Sauce都好Creamy，Mix埋食都好夾！Pan Seared Hokkaido Scallop with Mashed Potato $238————————————北海道刺身級帶子煎得香，煎出嘅油香落入咗薯蓉，仲配埋炒菇同煎邊豆，夠晒豐富，薯蓉份量好多好夠飽☺️Garlic Prawn $168————————————份量夠多，而且隻隻蝦都幾大隻，去咗蝦頭，方便啲食🤣重蒜香🧄非常惹味，個底夾咗兩塊吸收晒蒜香同橄欖油嘅Garlic Bread，勁入味！Pumpkin Biscotti with Vanilla Ice Cream

想說這家的餐前面包好好吃… 蒜蓉面包不得了，我和朋友一致認為一定要吃。如果不是怕吃不下正餐，我們應該會refill，因為真的好好吃。燒迷迭香雞棒（$1️⃣4️⃣5️⃣）選了一個感覺沒有那麼熱氣的，雞肉焗完後仲保到到肉汁，但直接吃有點寡，加了檸檬汁之後會好吃很多，也不會膩。經典意式芝士雞扒（$1️⃣9️⃣0️⃣）以前在其他店吃過這個，所以打算試試他們家的水準。一共有2大塊，還配有一些薯菜（番薯最好吃了！）。有些店會用雞胸肉，不過他們用雞扒，所以肉比較嫩滑也入味，如果芝士可以再放多點就好了。海鮮扁意粉（$1️⃣9️⃣8️⃣）老實說，有點其貌不揚，但味道有點驚喜。海鮮很新鮮，蝦和帶子也很彈牙，沒有雪藏的口感。青醬味道調校得很好，讓人忍不住一啖接一啖，是口全場最佳。平日來說，這家店的人真的挺多，而且服務當日遇到的侍應姨姨很不錯，超熱情超好人。

之前經過幾次都覺得呢間餐廳既裝修好靚好吸引，今日同朋友慶祝生日亮諗住黎試下，本身諗住散叫但款款都好似好吸引所以都係叫set算🤣首先登場係意式烤雞沙津，首先雞肉已經有D驚喜雞肉外皮酥脆但又保持到多汁的口感，沙津清新爽口微酸的醬汁，係個滿分既前菜炭燒小魷魚筒，魷魚外焦裡嫩，散發著淡淡的煙燻香氣，搭配芝麻菜的微苦口感，形成了奇妙的對比。之後係8安士的西冷牛扒，肉質鮮嫩，熟度恰到好處。每一口都充滿了肉汁，薯條夠曬脆。經典同時展現了餐廳對於肉類料理的用心。海鮮意大利飯。米飯煮得恰到好處，吸收了海鮮的鮮香，讓每一口都充滿海洋的味道。配料新鮮，蝦仁、貝類的搭配讓這道菜色彩繽紛，口感豐富最後意式芝士蛋糕呢，奶酪綿密滑順，甜度適中，這道甜品令人回味蜜核冰茶清新的茶香與微甜的口感，夏天飲就岩曬呢間餐廳真係無令人失望，而且服務態度好好岩曬過黎慶祝生日既朋友仔

我同老公今晚返城大上完堂之後行又一城，途經一間意大利餐廳，俾佢既時尚格調擺設吸引，加上燈光柔和氣氛浪漫，就入去試吓。坐低之後，侍應捧上熱辣辣香噴噴麵包籃，蘸黑醋橄欖油，食落好香。點了個季節限定的意式釀花菇做頭盤，餡料應該用了菠菜、蒜蓉加麵包糠做釀料，上面脆，下面冬菇軟淋，加上有啲蕃茄沙沙夾埋一齊食，幾好味，一共6個都唔少。再點了個海鮮意大利飯同麻辣雞肉薄餅2個share 食。海鮮意大利飯海鮮有蝦、魚、帶子、青口，都係正常類別，不過份量多。每口飯都係有海鮮加上大量新鮮蕃茄肉，幾難得。個汁調教恰當，食落唔太酸，我哋都滿意。麻辣雞肉薄餅呢個同樣係季節限定，有8件，感覺份量超大。味道方面，麻辣味好有四川既感覺，食落嘴唇係麻既，d麻辣同雞肉好夾，加上芝士同洋蔥，食落好香口，難得唔油，絕對推介。個薄餅底外脆內煙韌，有嚼勁。士多啤梨芝士餅雖然好飽，但都要食甜品。美式嘅食物果然份量超大。雖然已經點了細份的，同樣好大件，比出面一般既餐廳大起碼半件有多。香濃軟滑芝士加埋香脆可口合桃碎餅底，加上甜酸士多啤梨醬，真係幾飽都要食。

餐廳主打美式意菜，餐牌有意式頭盤、小食、主菜，仲有甜品及餐酒，選擇豐富🥂環境休閒舒適，適合朋友、家庭聚會裝潢以至一枱一櫈都充滿濃厚意式風情，每個角落都係打卡位📸🎈餐前麵包落單後店員送上餐前麵包，微暖蒜蓉包及意式香草包配上橄欖油、黑醋，簡單好味🥖🎈 野莓沙律 野莓沙律配料豐富🥗雜莓、士多啤梨，仲有烤雞肉、梨同核桃，菲達芝士，紅莓汁帶有清甜果香，清新無負擔🎈經典紐約薄餅Pizza🍕配料有自製意大利肉腸、青紅椒、洋蔥、馬蘇里拉芝士，以蕃茄醬調味，金黃香脆，2-4人分享都好足夠🤗口感豐富，越食越開胃🎈經典意大利芝士蛋糕 餐廳招牌甜品🍮 真係好有水準蛋糕手指餅濕潤帶酒香，芝士口感軟滑，可以話係入口即化，整體甜而不膩，味道層次豐富

呢間🇮🇹意大利餐廳係九龍塘又一城開左好多年，裡面都佈置得好有🇮🇹🌼意式風情！🍕🍝菜式又多樣！我地叫左個$685二人餐，有齊🍞🥖餐包、🫒前菜、🥩主菜、🎂🍰甜品、🍸野飲，野食味道好，份量都好大份，👍非常推薦！🍞🥖侍應直接將🫒橄欖油同黑醋倒係🍽️大碟上，餐包烘到微暖，質感幾鬆軟好食！前菜-🥗意式烤雞沙律、🦑炭燒墨魚筒配芝麻菜🥗沙律好足料，有🧀芝士、🌰核桃、🍅蕃茄粒、香烤雞胸肉，🫒橄欖油灑滿新鮮嘅🥬生菜上，每啖都油香滿溢！🦑墨魚筒帶有些微焦香，配搭🍋檸檬汁及蛋黃醬食味道更佳！🥩八安士西冷牛扒配🍟薯條及🧅洋蔥燒汁🥩西冷牛扒好厚身，煎到五成熟剛好，🐄牛肉味突出，肉質帶點韌勁咬口，拌菜都好豐富，有薯條、番茄仔、🫘鷹嘴豆！🦐🐙🦑🦞海鮮意大利飯口感偏軟嘅🇮🇹意大利飯充份吸收左🦞海鮮湯嘅鮮味，再加入了🌿香草、🥫茄膏及🧀芝士調味，酸中帶鹹，香濃可口！Tiramisu🍰呢度嘅招牌甜品，層次分明，其中以🍾酒味與🍫可可味較為突出，浸透係蛋糕之中。

呢間喺又一城既餐廳大家應該唔會陌生！ 鍾意呢度高樓底，仲有掛畫、雕塑、好有格調！ 整個氛圍都好好，坐低先點杯sparkling wine. 隨即送上麵包籃，特別鍾意蒜蓉麵包條，又香又軟！ Wild Berry Salad食西餐都鍾意點份沙律！ 呢份感覺好balance既野莓沙律除左雜菜沙律、士多啤梨，仲有烤雞肉、鮮梨、琥珀核桃，加埋feta cheese 、紅莓油醋汁有果香又開胃，好fresh! Garlic Prawn一手上檯已經聞到好香蒜味！ 用欖欖油煎香，外殼沾滿香蒜辣椒粒，香香辣辣，好惹味。 以前成日黎食Rosemary roasted chicken 🐔! 今次試下石榴陳醋烤嫩豬排骨，細份都約有9條骨，分量並不少石榴果香陳醋令豬肋肉質更香鬆化，豬排骨一切離骨，口感嫩滑juicy，醬汁恰到好處，無黏立感！ 配埋烤蔬菜平衡一下。Limoncello Tiramisu 成日食傳統既Tiramisu，試下變奏版- 檸檬酒芝士蛋糕，酸酸地。面層開心果碎、內層仲食到檸檬皮，果味清香最後點壺解膩養生茶4款花茶選擇，獨愛洛神花，冲泡出寶石紅茶色，天然味道酸酸地，調配杞子 、蜜糖，口感温和又好

Amaroni's New York Italian Restaurant & Café 屹立於又一城多年 屬於一間傳統式嘅意式大利餐廳Menu上會有兩款價錢 一款為Solo Yum 另一款為Sharing is caring 前者為一人份量 後者適合Share食 份量較大以下既款式全部都係Solo 但我自己覺得已經好大份😹Spaghetti Nero seafood 海鮮墨魚汁意粉 $195配料分別有番茄仔 魷魚 蝦 散發陣陣蒜蓉檸檬香氣 原來加上咗檸檬皮同白酒份量頗大Rosemary roasted chicken $205 4pcs以烤焗style製作 迷迭香味道突出 肉質偏硬實少少 整體味道唔會太重Margherita $165有分大同細size 質感較近似麵包質地 食落有Basil 同蕃茄味道 面層亦有大量半溶芝士 素食者可以點

又一城分店的帶位職員服務態度差，佢多次叫人都冇人理（除上菜，待應外）扮睇人唔到，連埋單都冇人理，連眼尾也不望，甚至企起身都冇人理，未見過一間服務勁咁差嘅餐廳，永不會再去。

👩🏻👦🏻一去到嘅感覺係好似去咗歐洲咁。環境好靚好古典，好適合約會！🍕麻辣雞肉薄餅 $168餅底厚身同有啲咬口。麻度辣度都唔高，但麻辣雞肉🌶️加埋芝士🧀味道勁夾。鹹鹹辣辣嘅味道好開胃。好味到諗起都流口水。🌟香煎北海道刺身級帶子配薯蓉 $238帶子煎得啱啱好，口感彈牙又唔會韌。仲有好多煎香嘅菇菌。最估唔到係薯蓉份量勁多，雖然食得出冇咩牛油，但飽肚感仍然超強。我哋覺得會飽過一個主菜😂。🍄‍🟫意式釀花菇 $138爽脆多汁嘅花菇釀入芝士🧀、蒜蓉🧄、麵包糠，口感味道都好豐富。配少少番茄🍅味道冇咁膩。

久唔久就會想來呢度食西餐，係因為佢真係有西餐嘅風味，唔似港式那種唔中唔西嘅牛扒餐。今次係食平日set lunch，食物質素係一般，部分真係幾好食。服務亦一般，時好時壞，但係佢哋係畀到食西餐嘅感覺。只係整體感覺係大部分工作人員都係工作態度冷淡，沒有積極態度。例如食牛扒，你係可以叫5成熟，不過通常都係over done，厨師做得唔好，侍應都俾人話佢哋服務好差，這點真係要澄清一下，香港人嘅標準服務水平就係冷漠，同埋唔想做。這𥚃的侍應其實起碼係分兩種，一種係有禮貌，知道自己是侍應的，畀到中上嘅服務態度。另一種係同你有眼神接觸時會扮睇唔到，拎轉面，上菜時係掟落枱的。所以你遇到嘅服務好唔好，係睇你好唔好彩。

叫左條鱸魚，都吾expect有啲咩味，但你可以小小鹽都吾落，乜d鹽好貴咩？之後再叫左個雞鎚，我係食緊西餐，唔知點解會食到薯仔炆雞翼既感覺。。重點來了！千層麵！係我見識少定點？千層麵落雞蛋？廚師係咪未訓醒野食難食都算，我坐低左個令鐘，跌野跌左3 4次，班waiter吾夠力就吾好懶型一次過執晒成枱野走啦食一次都覺得比多左佢bye no next time

貴價版花園餐廳- 服務態度: 椰林閣級數 直迫花園餐廳 大部份侍應生都黑口黑面感覺很累 日- 坐位安排:非常混混亂,排緊隊都可以被打尖 - 備注:遇到個樓面明明就識中文,用廣東話同佢講野.佢就話:"Sorry?" 轉頭見叫用廣東話同同事講野😂. 唔係唔識講英文,係搞唔懂乜野心態- 食物: 味道賣相一般，上菜隻碟有少少污糟，碟底油淋淋- 價錢: overpriced- 睇完咁多關於呢間餐廳嘅評論之後我覺得大部份嘅負面評論都非常中肯

兩點左右睇完戲經過餐廳，唸住好耐無食過而且又有位就入去坐底啦。點知全間餐廳職員態度都非常冷漠，我地落完菜，之後想再落飲品叫一個職員幫手落，他望一望我地就走開，後來想叫職員加包，她又話包未焗好之後俾我地，但到最後都無俾過，食完埋單又係叫咗好耐，叫咗三個人先有反應。全個餐廳所有職員都好似好忙噤四圍走來走去，但其實餐廳唔滿又唔多客人，唔明佢地係到忙咩，個個都非常冷漠同扮忙唔理客人。至於食物就比以前差，味道比較淡，呢個價錢可以有更好既選擇。總結係以後都唔會再幫襯。