名都小食 (已結業)

依家咩都加價..已經好少可以再搵到D平過$20既車仔麵..位於上水既e間小食店,雖然價錢微調左d,由原本$17-->$19但依然係唔會over $20, 所以係一間抵食既店!!!$19/3餸真係超值..佢既質素亦唔會相當差...今晚同BF係度食dinner, 2個人食....埋單都5洗$40..呵呵但e度有樣野5太好..就係好大陣油"億"味!!有時坐係度食完...走個陣,成日都有個陣味!!

我們做完義工，去完科學館及太空館後，便決定去哪兒吃晚飯，我們適量過後，便決定到這兒吃，因為貪這兒有菜吃。我叫了：車仔麵，有：幼麵餅、豬紅、蟹柳及生菜。（我每次來都要叫這幾樣））而媽媽叫了腸粉及煎釀三寶。我叫她不要吃這些，佢話愛吃！俾她氣壞！服務不錯，不過大家不要被那些廣告騙了，因為這兒是沒有牛栢葉吃，（那些廣告話有牛栢葉）我經常都來的！不過第一次寫這間的食評！

近排成日都好想食陳皮魚蛋,,附近又好似得呢度有得食,,男朋友買番黎比我食佢買左兩串魚蛋一串燒賣…之前都食過呢間野既茄子,,唔係咁好食,,好咸..同我想像中有d出入..呢排呢間魚蛋辣到死,,之前都冇咁辣,,好食d..燒賣就麻麻地,,感覺d粉多左d..

今日~~友人約我去教會遠赴上水的教會去完有啲肚餓，加上我一直好想食呢啲野啦所以就黎左呢到過下口癮因為我友人唔肚餓既關係......我就拎返屋企食呢度~~又加左價啦三寶:由6元4件加到7元4件啲炸魚蛋都細左囉......不過~質感無變=]一樣好食碗仔翅就唔知~~只係記得以前係10元碗仔翅我要左兩溝----魚肉碗仔翅碗仔翅兩溝13元喔!!!!幾足料啊~~雖然有啲稀木耳同冬菇好爽~~好好食魚肉佢俾既份量少左啲~如果好返D就好啦魚肉~佢打到好膠.所以好好食好過我樓下賣個啲魚肉。加左粉哈哈～～我肚餓.俾我食晒啦！！

行過見到名都小食店, 見到有三寶, 粒炸魚蛋好似乒乓波咁大粒, 十元有七粒, 六元有四粒, 忍唔住買六元左做下午茶, 今次只係買左炸魚蛋, 其他青椒,豆腐, 紅腸等等我就無買, 因為魚蛋o岩o岩炸起, 所以外面好脆好好食, 第一次食一粒炸魚蛋要分四次咬, 好有滿足感, 食緊既時候, 見人買燒賣又好想食, 五元有八粒, 粒燒賣唔同出面食o個隻, 口感好qq, 我都覺得幾好食, 可能我鍾意食小食啦~~ 其實呢間好多元化, 又有車仔麵, 又有雞蛋仔等等, 都滿足到我胃食妹

3隸野加埋都係20元正!!!咁就餵飽兩個人!!!真係抵得非常!!!三寶要了炸魚蛋::成粒野好硬!!!無魚味!!好似食緊粉咁=!但係又有魚骨!!真係利害!!!煎矮瓜:::好大件!!!矮瓜煎得好淋!!將矮瓜介開!!點多d汁!!會好好味!!! 煎紅腸:::因為太耐無食過紅腸胃!所以覺得好好味!!!但其實係現成的!!邊到食都一樣!!炸豆腐:::最好味道!!熱辣辣!!!外皮脆卜卜!!但係裹面d豆腐仲好滑!!!腸粉:::普盟通通!!!一定無另一家上水1出名食腸粉得好味!!!燒賣:::都係一般味道!!!成餐黎講都係一般!!!不過勝在夠平!!!!

係上水行街，行下行下，發現左名都小食，好開心，可以食炸魚蛋呀。粉嶺個間好好味架喎~~唔知呢間幾時開的呢?要左2件茄瓜+2件魚蛋。$6，可能流量快，夠熱夠新鮮，茄瓜好大件，，魚蛋同粉嶺一樣咁好味呀，正。食完，忍唔住ENCORE，再買4件魚蛋，屋企人見有位，坐低左食。呢間鋪位置比粉嶺個間闊落，仲有卡位架。跟住叫左罐可樂，夠凍。正正。約定下次再去食，想食腸粉/車仔麵/生菜魚肉/炒魚蛋(必食)

我最鍾意食這裏的炸矮瓜、炸魚蛋、碗仔翅及腸粉炸魚蛋﹕呢度既炸魚蛋真係好「正」剛剛炸起時真係有成個乒乓球咁大size架 d魚肉又彈牙，加d豉油及辣椒油，真係好食到停唔到口炸矮瓜﹕呢款其實無咩特別只係我個人喜好 不過，呢度既size都幾大架，嫌淨食炸魚蛋悶既，不妨試埋呢款啦碗仔翅﹕賣十蚊既貨仔，算係唔錯架喇~ 都有d木耳絲，有得咬下，有d口感，ok，收貨。腸粉﹕呢款勝在夠便宜。加埋以上果3款，$ 2 5有找，咁就可以當一餐豐富的晚餐了

o係度我食過幾件煎釀三寶同夾餅同雞蛋仔，份量夠多，入倒口，價錢唔貴，地方(好似)幾乾淨，拎住d o野食行商場又方便，好過買街邊呀

06年食o固陣最平，車仔麵3個送都係$13!!!仲要大大兜食到飽，而家睇住佢係咁加價，而家要$17啦~不過都算係好平，因為飽肚麻~3寶要$7，有4舊~o的魚蛋大過乒乓球!!!炒麵$6有一個飯盒咁多!好多人幫襯架，因為平丫麻~不過坐低食，食完個身好大陣味~所以多數都外賣。