坤記煲仔小菜

營業中

休息中

星期六同後生仔去食煲仔🍚⋯⋯去咗西營盤。下午5:30剛開門已經要排長龍🥲，等咗一個鐘頭⏰…終於入座啦。舖頭地方好細，要搭枱；氣氛好好👍🏻叫咗兩個煲仔🍚田雞白鱔臘味雞煲仔飯等約45分鐘，好味😋質素高⬆️，值得等啲。D飯一粒粒，乾身軟熟，飯焦脆卜卜。佢嘅田雞焗得好滑、同埋好嫰🙌🏻白鱔焗得好靚、入口溶化👍🏻👍🏻👍🏻👍🏻個豉油味道少少甜、咸度恰好🫶臘味雞飯：臘肉，非常好食唔韌又唔咸。潤腸都唔錯，臘腸就比較普通。滑雞🐔就醃得恰到好處椒鹽九肚魚🐠👍🏻👍🏻👍🏻外脆內軟。蒜蓉炒芥蘭普通。當日都好多遊客幫襯，#生意唔錯。

我係煲仔飯狂，秋風起，勢必食煲仔飯滿足吓一年之中嘅願望，平時食係冇咁和味嘅。朋友搵咗呢間坤記，佢6:30去到排隊，係要企定定排隊嗰隻，卒之排咗一個鐘零20分鐘，我哋叫咗兩個煲仔飯，等咗廿幾分鐘，已經好肚餓，就叫咗個豉椒炒蜆，啲蜆肉有一半甩晒出嚟，即係炒得過火，所以啲蜆肉偏硬，食完個蜆已經坐咗50分鐘，又再叫多個欖菜肉碎四季豆，偏甜，但過得去啦，還記得我是煲仔飯狂嗎，以我咁多次嘅經驗，未試過要等50分鐘，卒之一個鐘頭加15分鐘之後，個煲仔飯卒之出現，我食嘅係鴛鴦腸排骨煲仔飯，排骨都有好多舊，但質素麻麻，臘腸好食，潤腸就唔推介啦，另外個飯底係要考驗你嘅牙力，牙力唔夠，千祈唔好去，另外飯焦底，全部都係油，嚇死我。卒之成餐飯，由6:30食到9:30 ，食法國大餐加埋飲紅酒都夠時間，離晒大譜！！！

朋友話呢間煲仔飯好食，所以佢帶咗我嚟食，見排長龍就自然會覺得佢一定好好食啦！兩個人等咗大約45分鐘左右入座，先嚟咗個椒鹽鮮魷都算幾好，再嚟個西檸雞😅但味道比較清淡唔夠酸、冇乜檸檬味而且唔脆但啲雞好滑😅最後滑雞煲仔飯，我就覺得冇乜飯味，但佢啲火控制得好好，有飯焦而唔係燶嘅👍我相信臘味煲仔飯應該會好啲😋

7點排隊排了半個鐘入座，煲仔飯話要等45分鐘，其實半個鐘左右都ready。門口同餐廳都貼左最低消費每人100，點菜時，服務員會push你嗌多啲嘢，你唔即時嗌多D，服務員嘅態度係哂塊面同語氣度。講真，去呢D地方食嘢本身唔計較D乜，食個飯啫！其實睇你自己想食乜，佢push又唔係一定要夾硬點。豉椒炒蜆：味道ok，偏咸，不過不失臘味排骨飯：臘腸好好有香玫瑰露味，潤腸ok，臘肉可以，排骨一排，最好都係個飯，飯焦白鱔滑雞飯：白鱔ok la，雞夠滑肉偏咸，飯ok，呢煲飯焦燶左少少。

食個煲仔飯，搞到我第一次寫食評，只因受到極差對待。朋友從英國回港，佢話掛住幾年前食嘅坤記煲仔飯，所以幾日前特登同佢出港島食，回味一下。出發前已經預咗要排隊，因為朋友話佢幾年前食都要排少少隊，加上而家有米芝蓮光環，所以我哋預多咗時間去排隊。由於店舖非常細，所以我哋排咗一個鐘頭先入到去。都預咗要同陌生人夾枱坐，但冇諗到佢安排一張好細嘅圓枱，但就要六個人逼住一齊坐，迫到基本上我對手係郁唔到咁滯。所以我哋打算快啲食完就走，點知我哋落單後成一個鐘頭都未有得食，反而同枱另一對情侶，遲過我哋落單，但快過我哋有得食煲仔飯。所以我就主動問店員會唔會係漏咗單，點知個店員西我哋面，態度唔好地覆我哋：「等吓啦，整緊」，亦都冇解釋點解人哋遲過我落單反而快過我有得食。之後仲不斷俾說話我聽，同枱有人食完走咗，入咗一對新嘅情侶，佢哋叫咗炒生菜，店員好快就拎咗炒生菜俾佢食，仲大叫「嗱呢啲就上得快啦！」，好似俾說話我哋聽咁。其實當時覺得好嬲，而家係咪想跟進吓有冇漏單嘅情況都唔俾？？有米芝連光環就可以咁差態度？朋友食完都覺得好失望，佢話幾年前食唔覺得態度有咁差，但今次食完覺得唔會再幫襯。客觀啲講，佢嘅食物質素係好食，但味道

天氣熱，最好食煲仔飯☀️☀️☀️連最人多嘅坤記都可以唔使排隊✌🏻5:30開門，5:45已經入座，可以坐定定，慢慢揀叫咩煲仔飯食 👍🏻埋單盛為$250，已經大滿足，煲仔飯天花板 😋😋😋

終於食到間唔係過分吹噓嘅米芝蓮舔舔脷，啲comment係堅嘅，最好食的確係有雞嘅白鱔煲仔飯，老闆坤哥親自主理，食得出嗰幾十年嘅功力👍🏻我6:15pm到，排第三等15分鐘有位，等煲仔飯嗰40分鐘期間食咗個椒鹽鮮魷都好正，值得排雙雞(田雞)煲仔飯都出色總括就係煲仔飯重點，米飯煙靭啱啱好，飯焦又脆又香，配合埋一個形容唔到咁好味嘅豉油。個飯焦係食到尾都係脆嘅，雞皮嘅雞油好香，雞好滑，白鱔肥美，贏晒堅尼地城嘅嚐喜

坤記煲仔小菜冬天梗係想食啲熱辣辣嘅嘢, 今次就試吓西環呢間馳名煲仔飯店, 佢係米芝蓮必比登推介黎架🤩大概六點半去到已經見到一條超長嘅人龍😓等咗超過半個鐘先可以入座坐低, 見到氣氛好熱鬧全間舖頭都係煲仔飯嘅香味!————————————————感想:❆ 白鱔煲仔飯 Claypot eel rice $115 上面係大大件白鱔, 肥美加埋肉質鮮嫩, 白飯乾身又吸咗白鱔嘅香味🥹飯蕉煮到好脆又唔會過分硬身,成個煲仔飯啖啖肉，撈埋啲甜豉油一齊食超級香同入味! ❆ 椒鹽鮮魷 Salt and pepper squid $118等待煲仔飯煮完嘅時候, 我哋就首先嗌咗兩樣小菜填飽個肚先, 魷魚新鮮,好脆有咬口! 食落唔會覺得炸粉太厚, 幾好幾好🦑❆ 椒絲腐乳通菜 Chili shredded fermented vegetables $70有鑊氣, 但嫌佢有少少多油😬同朋友兩個人嚟食，嗌個菜就可以中和上面兩樣嘅少少油膩感! 咁成餐就食得飽之餘又唔會太膩!✌🏻P.S. 今年冬天我一定要再去呢間舖頭試吓佢其他嘢煲仔飯同埋小菜!————————————————整體:✦ 價格: 4.0/5✦ 味道: 4.5/

夏日奇蹟。坤記無龍。聞說平時幾十人。守在門口唔輕鬆。五時廿分到。做先鋒。即刻有位確唔同。搵食返深圳。人仔唔心痛。無人爭。少群眾。白鱔拼滑雞。煲仔喜相逢。材料係好。米飯不工。飯焦十分香脆。豉油未建奇功。鱔片如春風。食咗肚更空。京都肉排好好食。滋味濃。可惜冇酒送。糖醋味道。難弄。國人瘋。想佢死呀？四書五經加小紅。遇見傳奇寸嘴服務員姐姐。果然凶。指手劃腳。脾氣漸控。坐得不從容。枱太密。走唔到。行唔通。

呢間餐廳應該出曬名排長龍，每天晚上六點前就開始排隊，今次好彩朋友朋友提前訂枱。我哋四個女仔點了羊腩煲送上一份生菜，另外點了兩個煲仔飯，一份椒鹽豆腐，人均180💰羊腩煲非常入味，份量不算多，腐竹完全吸收了湯汁，我們還加點了一份🌟🉑煲仔飯的選擇多達20幾種口味，價錢從 80~105都有，如果想吃雙拼還可以另外加點臘腸、雞蛋、潤腸、咸魚等‼️煲仔飯只在晚上才供應‼️店裡提供汽水啤酒，可自己帶來紅酒，免開瓶費。始終都係小店，環境服務就唔會expect太多，似室內大排檔坐得迫少少，店員都係啲上咗年紀嘅叔叔嬸嬸，態度尚算唔錯。電話預約嘅話，聽講下午四點到六點打電話好像比較容易，總店的質素好似比分店好，大家可以試試。

一直都想試下呢間煲仔飯，因為有時經開，都經常見到大排長龍，好似好好食咁！大家都明白，睇到餐廳排晒隊咁，未食都先「加分」吧。不過不知道是否冬天❄️的關係，大家都會選擇煲仔飯。。。可能已接近夏天關係？人流少左。所以，這一天，竟然不需要排隊！太好了！我們很快便可入座，女侍應問我想食咩？我話諗諗先。女侍應提我，之前好多人的時候，要等45分鐘！剛好今天不算好多人，大約等30分鐘左右。（今晚大約等了25分鐘便可以）另外也多點了一個「椒鹽九肚魚」。先來煲仔飯！熱🔥辣辣咁！一打開蓋，都是香噴噴的！都充滿期待😚！可是，一睇到個飯，未食已經有點失落感！因為，食開飯都知，飯🍚最重要是「粒粒分明」又飽滿吧！這間「出名」的煲仔飯的飯，一食落口，感覺「好碎」，飯斷開細細粒，好粉的感覺！完全冇飯應有的軟糯感，口感！因為如果有如此高「評價」的煲仔飯，我認為每一個細節都應該是「到位」才對！「飯」都是煲仔飯的靈魂之一。絕對不容忽略！除了「飯」之外，飯面的排骨和白鱔都係新鮮，都好食！ 醬油都是ok!!椒鹽白飯魚都好食。但不大條。不過勝在粉漿夠薄，算酥脆，不錯👌！不過，食過一次之後，我覺得夠啦！😉

排隊等候的多數是外國人。圖中的女服務員態度惡劣。男服務員還好。女服務員安排客人到桌子A後, 然後安排客人到桌子B。客人坐下後，再次安排客人到桌子C。後來女服務員安排另一客人到桌子A, 吃了一半要求客人到桌子B。客人明確表示不想換，因為該桌子對於他們來說太小。女服務員仍然要求客人換桌。經常叫不同的客人換桌子是什麼樣的用餐方式?另外, 餐具頗為骯髒。剛給客人的湯匙有別人吃完的飯漬。客人禮貌地要求換一個湯匙, 並告訴他們因為湯匙有飯漬。女服務員不情願換。客人再次要求換。女服務員將髒湯匙放回容器中，供下一位客人使用。再者, 廚房和餐廳環境有待改善。看圖片作為參考。坐位太擠逼，用餐時被撞到不下十次。每人最低消費為港幣$100或以上。總有一天那女服務員惡劣的態度會趕走所有顧客。我不會再回到這家餐廳，也不會向任何人推薦這家餐廳。Most of the customers waiting in line are foreigners.The waitress in the picture has a bad attitude. The male waiter was ok. After the wai

朋友從英國回來，反而他推薦我必須要吃坤記煲仔飯。毛毛雨的晚上，仍然有好多人排隊，雖然燉煲仔飯的時間比較長，但是材料非常豐富，我與朋友分別點了臘鴨臘腸滑雞煲仔飯，我見隔籬枱點了小菜海鮮，都非常出色，下次再試試其他小菜

推介依間米芝蓮煲仔飯，堅好食！！😝火喉控制得啱啱好，D飯唔會太淋，唔會燶得滯，又食到飯焦！！😍😍 佢地嘅煲仔飯仲有好多唔同配搭，有油鴨，田雞呢D比較少見嘅組合😝。。白鱔滑雞煲仔飯都係熱門，多人叫😍

Does this Michelin Claypot Rice worth the hype❓The Answer is YES😋This place always has a long queue so better to go on weekdays to avoid the crowd. All claypot rice are freshly made upon order, so my personal recommendation is to order a few other dishes so that you don’t have to wait for too long on an empty stomach😛Here’s what I got🥢🐟Deep Fried Bamboo Duck Fish ($108)🐄Beef and Egg Claypot Rice ($103)🐓Chicken and Preserved Duck Claypot Rice ($115)🐖Spareribs and Preserved Meat Claypot Rice ($110