太平館餐廳

營業中

休息中

今晚兩個家庭8個人去完玩。就去左好幾年無去既太平館食飯。點知2025年第一餐晚飯就奶曬野。去之前都有諗過可能質素會有落差。但真係估唔到可以差成咁。以前最愛既豬脾飯。而家變左白恰火鍋豚肉片加生抽。un到不得了。完全食唔到。叫個侍應過黎。佢話豬脾係咁架啦。話最多換過碟。之後一邊哼歌一邊拎走左。換完返黎完全無分別。之後完封不動擺係台面。其間聽到隔離枱客講：「嘩塊牛扒叫5成熟。出盡力都切唔開。點食阿。」其他野總有雞皇飯。干牛河。牛脷。乳鴿。雞翼。全部野都比一般茶記差9條街。你收呢個價錢。總好意思話收最低消費。比咁既質素客人。總有咁既服務。我諗就算你唔洗交租都遲早玩完。

Tai Ping Koon is one of the oldest Chinese Western restaurants in town. They are famous for their nostalgic and classic decor and also their monster baked soufflé. They were established in 1860 as a restaurant serving soy sauce western cuisine(localized western food) and they used to be a “fine dining restaurant” that cater famous people. They state that Swiss Wings are from them and is their most popular dish…I feel like Swiss Wings aren’t really for me but I really love their roasted pigeons,

去完大館睇「曲詞印記 - 顧嘉煇x黃霑x粵語流行曲」展覽，行經士丹利街太平館餐廳，突然好想懐舊一下😆太平館係老牌餐廳，歷史悠久，由1860至今年2024，足足有164年歷史。推開大門就由紅色樓梯上去，裝修保留懷舊風格，侍應大多上左一年紀，服務態度好。下午茶時段$126可以自選4款食物連2杯飲品🥤我地揀咗1️⃣芝士肉醬意粉🍝2️⃣咖喱牛肉撈米🍲3️⃣炸豬扒沙律🥗4️⃣香蕉班班戟🍌食物雖然份量不大，但水準甚高，非常美味又有溫度😋🥤凍阿華田🥤凍檸茶本來都好想食招牌疏乎厘，但要留肚食晚飯，唯有下次先食。加一後，是日消費$139💰

➲ 中環 太平館餐廳高級版大排檔。入座每人一個餐包，加牛油，十分港式食法。唯一不足係張枱太細，道道餸上得好快，完全冇位擺。➳ 招牌二人套餐 ⁽¹⁰/¹⁰⁾套餐好抵食，包捨：海龍皇湯、六隻太平館瑞士雞翼、煙肉炒雜菜、太平館干炒牛河、椰汁奶凍、凍奶茶。雞翼超大隻，招牌瑞士汁；湯有幾粒蝦同扇貝，蝦味唔濃；雜菜中規中矩，口味偏清淡；干炒牛河牛肉片比例好多又無乜根，有鑊氣；椰汁奶凍超級好食，軟滑入口即溶，無得散叫好可惜啊！奶茶都與眾不同，唔係茶餐廳嘅茶底，店員叔叔都話識貨！➳ 烚鹹牛脷 ⁽⁶/¹⁰⁾四大塊牛脷，質感柔軟，有啲鴨胸質感，唔夠爽口。➳ 星洲炒米 ⁽⁸/¹⁰⁾炒得好乾身，咖哩味唔夠，但勝在夠鑊氣。➳ 太平館式焗梳乎厘 ⁽⁹/¹⁰⁾超巨大，成個籃球咁大，好快塌快啲影相。外層麵包薄脆，裏面泡泡蛋白感，蛋味濃濃的，有啲甜。⤵ 太平館餐廳中環士丹利街60號地舖#hkfood #hkrestaurant #hkcafe #cafehk #hk #hkfoodie #hkfoodblogger #hkcoffee #hkcoffeeshop #coffeeinhongkong #cafeholic

百年老店當然唔洗我幫手做宣傳，係我lee d 街客怕冇位就真，當日早上訂12:30的枱，佢哋安排咗個有間隔嘅卡位俾我哋，正！今日繼續低碳飲食，叫咗鹹牛脷、羅宋湯、周打魚湯、瑞士雞翼、乾炒牛河、啫喱。用咗啲quota去食兩啖暖笠笠嘅餐包，真係要一上枱就食，之後放咗一陣再食已經開始硬。鹹牛脷非常腍，配菜簡單，貼地窩心的一道菜。炒河配余均益辣椒醬，河粉冇碎唔太油，小朋友食咗大半碟👍 瑞士雞翼脹卜卜，有焦香味，expectedly good. 周打魚湯比想像中鹹香，配餐包啱啱好，最後嘅鮮綠色啫喱加花奶係兒時回憶嘅重點，在昏黃燈光及木裝潢中像綠寶石。staff 上菜速度頗快，同我哋傾有講，餐廳到一點已經座無虛席，很高興見到老店能夠有活力地承傳落去。

突登嚟試巨型梳乎厘🥞😋Order完大概要等半個鐘 所以建議大家可以係到食晚餐 食完就可以岩岩好到時候食甜品本身我唔知要等半個鐘 食完晚餐先嚟食梳乎厘順便試埋佢地既瑞士汁雞翼 見到每隻雞翼都漲卜卜好吸引 食到好香濃 但係 價錢真係太貴 差唔多$200 先得4隻 未至於好值得用呢個價錢試講返梳乎厘先 一上枱見到 已經哇左一聲 勁巨型 勁大盤 見到都開心啊 🥳 表面焗到脆脆地 入面滿滿空氣感 幾特別 不過唔係係咪太大 食到底有少少未熟透 🙈📍太平館

訂咗枱，樓下侍應叫我哋上咗1樓，1樓既侍應又叫返我哋落地下。安排混亂要客人又上又落，係等一個扣分位置。到可以坐低後，又出現第二個扣分位。發現餐紙巾上有竟然飯粒🤢，即係話侍應見到餐紙冇表面污糟就冇重新換過，留俾下一枱客。依種衛生程度接受唔到。瑞士汁乾炒牛河係招牌菜，係幾特別。同普通乾炒牛河唔同，汁同河內分開炒。瑞士汁唔會偏甜，同河粉撈完後都幾掛汁。牛肉冧滑，唔會韌。前豬扒牛舌飯(黑椒味) 咸牛舌炆得好腍，黑椒味係港式味道。不過賣相唔係太吸引。兩個牛餐都係正常發揮，高級版茶餐廳，而且份量可能對男士唔夠。喺香港已經唔多傳統懷舊嘅西餐廳，太平館有幾間分店所有嘅舖位都係以前買落，成本已經大大減低。希望可以請多啲員工。因為樓下就得一個侍應，又要上1樓攞飲品又要顧前台，埋單又要上返1樓。見到都辛苦。。

老字號創辦於1860年歷史悠久的太平館餐廳.今次探訪鄭秀文與許志安曾經約會食豬髀飯.必須介紹所有瑞士汁嘅食物出色嘅瑞士雞翼必食嘅瑞士汁炒牛河令你一試難忘好味嘅嘢總是令人肥胖.甜品方面仲包括兒時回憶啫喱最期待嘅係巨型梳乎厘🤩嗰種鬆軟程度⭐️⭐️⭐️⭐️⭐️.有時候食物固然重要但環境和人情味更重要☺️

睇到有啲留言話侍應服務態度欠佳，但本人親身堂食發現服務十分周到，沒有遇到其他留言所講的不禮貌對待，他們都十分有禮貌和十分殷勤，不時還會問你有什麼需要幫忙，另外我叫了一個疏乎厘，他們都會就着你用餐的時間來上甜品。另外，餐廳是可以訂位的，但時間只限於晚上六時半之前。至於食物方面，食物質素正常，沒有失望。價錢略貴，但這也是可以理解的，始終係老牌餐廳。推薦的食物有乾炒牛河，燒乳鴿，焗飯和疏乎厘，這些食物都是不錯的。

太平館是傳統老牌餐廳，非常有歷史，是出名餐廳，亦是很多遊客都會到訪的餐廳。今天是平日下午約二點多三點，上到餐廳，竟然坐了很多人。平時中午都有午餐供應，份量較大，價錢相對貴，下午茶份量少一點，價錢便宜一點，但食物款式是一樣，因此，同樣可食到出名菜式。是次我們三人，點了三個茶餐，但其實梳乎厘是二人茶餐，故有兩杯餐飲。🍽瑞士汁牛肉炒河夠味，牛肉夠腍🍽瑞士汁雞翼配煎蛋飯瑞士汁雞翼有兩隻，如果午餐會有四隻，雞翼好味，配以煎蛋飯，女士們應該足夠。🍽梳乎厘巨型梳乎厘，名物，打咭必備，不是特別好味，但大大個梳乎厘端上來，感覺好開心好治癒。以上茶餐除梳乎厘外，價錢78元，梳乎厘茶餐價160元。

❀ 太平館餐廳 #中環 ❀❗️百多年歷史港式西餐廳 雖貴但值得一嚐❗️——————————————————聞名良久，終於喺前排一試呢間創立於1860年，至今已有百多年歷史嘅港式西餐廳✨一共有四間分店 ，今次嚟到中環，環境懷舊，仲有著到官仔骨骨叔叔做侍應，充滿年代感😆唔好以為西餐廳就主打鋸扒，佢哋最出名嘅係瑞士汁雞翼、干炒牛河等港式茶餐廳食品，仲有招牌巨型梳乎厘🤩不過價錢真係貴兩三倍，但味道唔錯，同埋要食佢個感覺嗎！.✷𝑀𝑒𝓃𝓊✷☞ 太平館乾炒牛河 $129 (4/5)雖然百幾蚊一個乾炒牛河真係超級誇張，但係份量的確係一般嘅兩三倍✨而且河粉好滑身。非常之有鑊氣，仲有唔少軟腍牛肉🐮不過就真係油膩少少，兩個人都未必食得晒。下次會想試埋佢哋嘅濕炒添🤣.☞ 特色套餐 焗葡汁四寶飯 $187 (4/5)聽講焗葡國雞飯都非常出名，見到套餐包餐湯或沙律及甜品及飲品，仲要係四寶，除咗雞肉之外，仲有蝦球、豬扒、牛脷，超豐富😚雖然見網上評價話大不如前，但初嚐嘅我覺得還好啵。葡汁未係最濃郁，但啲配料全部都好好味，尤其牛脷超級腍，蝦球又爽口☺️套餐嘅餐包熱辣辣都非常鬆軟，點一點羅宋湯就仲好味！.☞ 太平館瑞士雞翼 $

呢度裝修超靚呀，好似靚過佐敦嗰間呢度嘅侍應都有啲年紀 應該係做咗好耐嘅員工，睇落都有七80歲，但係好靚仔好精靈好可愛我係咁撩佢講嘢哈哈想食啲菜就嗌咗大蝦沙 白灼菜心同埋白灼雜菜 大蝦沙律嘅沙律雜果冇得走沙律醬，仲有兩件大蕃茄一支青瓜煎底，大蝦質素普通，但係不是沒有味道嘅冰鮮蝦可以合格炒雜菜有三款菜，我要求白灼走油，都可以做到！有西蘭花椰菜花蘿蔔同埋菇，我自己就覺得全部都有少少硬，最後食到好似食得太多哈哈有啲消化不良白灼菜心好大碟好抵食，因為好靚㗎好腍甜比雜菜好味好多見到隔籬嗰個就係芝士焗魚柳，啲魚嘅質素普普通通不過預咗嘅，比較嚡，好多白汁好出名嘅瑞士雞翼就普普通通，個雞好硬，佢哋話真係好少見咁瘦嘅雞翼，食食吓連我自己都覺得普通，而且個醬汁唔係太入味 $198.8隻，其實呢間嘅價錢係偏貴，係一間西餐咁呢個䱽魚勁好食，但係330幾蚊得兩片，完全唔夠喉🥹🥹🥹我哋三個人share每人食得少少咋，所以先想食魚再嗌嗰個芝士焗魚柳，但係如果情況許可我一定會瘋狂食呢個熏魚，唔會好油有煙燻嘅效果恰到好處，條魚本身唔係好重油脂啱我口味，但係佢又整得好滑不過真係太貴牛肉清湯有啲油，牛肉質素OK，有啲似生熟牛

時間： 星期六2:30等候：2-3 分鐘， 估唔到都幾多人，坐滿，還陸續有人來環境： 80年代的豉油西餐廳的風味，好有年代感，服務員都好有年紀，由於已坐滿，勉強收執樓梯旁一人枱俾我，好過等既服務：總體印象麻麻，因為多張枱漏單，包括我，等咗35分鐘都未有食物和餐飲。但有驚喜的是企堂叔叔們，見我頭看看想催單，主動幫手催，即使漏單，唔洗問我 都記得我叫咩餐……又記得每枱客等緊咩食物，勁👍🏻👍🏻 （不過嚴重漏單情況…要改善一下）食物：下午茶餐 牛脷焗意粉+熱檸茶紅茶 - 質素唔錯，夠香濃，但又唔會有苦澀味，香甜，讚牛脷意粉 - 熱辣辣，牛脷都好多件 有10幾粗條，好淋滑，意粉汁 （紅酒定呠酒）好好味….非一般的普通西餐總括：價錢唔貴（$82）味道好好，環境都合理，同朋友食飯吹水都好合適，侍應好有親切感，性價比好高。（不過唔好再漏單😩😩 ）

呢間嘢屹立多年由細細個到而家都有幫襯過遺憾地水準一路下滑不過呢度嘅裝修真係好有feel真係帶返好多以前嘅回憶提一提呢度好多以前特色菜已經唔好食得個燒豬髀都仲食得落下啲餐包，紅湯已經唔係以前嗰回事牛扒就唔建議食肉質唔係咁好同埋好多筋叫佢整五成，佢整咗三成所以如果唔鍾意太生嘅朋友建議試吓7×可能變咗啱啱好跟餐個甜品都唔係好得😣不過杯咖啡就幾好飲🤣我覺得如果過嚟食下午茶飲吓咖啡就OK 今次冇食到瑞士雞翼下次再試吓總結呢度啲嘢唔係特別平真係食懷舊風希望水準改返好啲🙏唔好嘥咗個地方

近來食左幾次太平館，但係感覺總係覺得同以前有少少差距，今日就俾我寫一次良心食評。太平館嘅午餐都算中上價錢，大部份未加一前都超過$100，所以都會有少少期望㗎。我覺得成餐飯最好係杯茶和餐包，忌廉湯比以前稀左好多，好少配料。意粉完全冇味，另外，石班塊較為鹹😭不過，粟米汁好好食。最後，餐飲我選擇熱咖啡。可惜，咖啡有點苦，我覺得同樣嘅咖啡，UCC好飲好多😭其實我早前已經試過食太平館嘅瑞士汁牛河、豬扒牛脷飯等等，可惜都覺得水準同以前有少少差距，我下次試吓第二間分店，看看有沒有改善啦。