太平山餐廳

營業中

休息中

有很久沒有到過山頂，常常都希望再去一趟看看近年太平山頂的風光，終於昨天公眾假期約埋朋友到「紅屋仔」食飯，本打算揸車，但跳到上架15號巴士就不如直坐到終點站，一下車看到人群湧湧，尤其纜車站方向，大部份是內地遊客，其實昨天天色已不太好，我們上到去都已經6:30至七點之間，便決定行一會才找地方晚飯，上到商場，看到每間餐廳都排長龍，但反而商舖內就不太多人，大部份人都在外看夜景，約7:30左右我們便到紅屋仔，行入去已經見到不似預期多人，約6剩客，室外則只得一枱，餐廳環境其實同多年前也沒有大轉變，都算優雅；看到餐牌食物價錢都不算太高，尤其是亞洲食品，反而西餐就略貴，我們點了泰式金邊粉、海南雞飯和龍蝦湯，龍蝦湯味道都算香濃，海南雞也好滑、但油飯就偏「生米」、湯亦淡口，個金邊粉就頗多、味道略嫌重及「黏」口，整體來講非常普通，但服務態度其好、侍應笑容友善可躬，是晚體驗尚算合格。我們約8:30到巴士站排隊，人龍多到不得了、打咗幾個蛇餅，要半個鐘才可上到15號下山！奉勸各位，公眾假期都是不要到這旅遊熱點😳

The Peak Lookout, located at the summit, features a stunning green design that creates a refreshing and picturesque atmosphere. The beautiful surroundings make it an ideal spot to relax and enjoy a meal while taking in the views.I tried the fish, which was a bit on the dry side, but it was still flavorful. However, the real highlight of the meal was the dessert. The pudding was deliciously sweet and rich, making it a delightful treat to finish off the dining experience.Overall, The Peak Lookout

選了坐户外d蚊多到嚇親，服務員態度差勁！去食個下午茶叫了一杯ice latte係完全得奶水味，一點咖啡味都無，再叫一杯普通熱咖啡都係完全無咖啡味，之後叫左一個水牛城雞亦，只係炸到乾哂嘅雞亦再淋d辣椒仔汁上去，再叫左個太平山頂公司三文治，只係得d硬骨骨嘅雞肉，超薄蛋皮，同生菜，配上炸到乾爭爭嘅薯條。總結2個字"把鬼"，不會再去，只是搵遊客錢嘅地方，還有沒有泊車優惠，這餐廳不屬於商場舖的，這是政府的物業！

今日同媽咪帶左阿公上山頂兜個圈，順便book左著名既太平山餐廳食晚飯。餐廳屬於二級歷史建築，一直都好想黎試下同參觀下🤩服務方面，今晚我地book左6點，我地大約15分鐘前就去到，餐廳都俾我地預先入去影下相，坐下先👍🏻本身用餐時間係90分鐘，但係坐底左職員好快話第二輪取消左booking，我地可以慢慢食☺️環境方面，餐廳裝修好靚，保育亦都做得唔錯，衛生都唔差👍🏻食物方面，餐牌食物有一半都係以泰國、印度、東南亞為主，味道不過不失，價錢亦都唔算平😅至於氣氛，餐廳入黑之後室外氣氛好好，好適合坐低飲野傾計👍🏻總括而言，哩度我覺得點都要黎一次，食下小食飲下野都值得推薦，但食野就未必會再黎喇😅

今次嚟到 The Peak Lookout，環境一流，望住太平山景，氣氛相當放鬆同有情調，特別適合 chill住食餐飯，歎住紅酒！✨🍷📌 Butter Chicken with Rice + Garlic Naan 🍛🫓牛油雞配飯 絕對係呢餐最令人滿意嘅菜式！雞肉 嫩滑入味，醬汁 超濃郁香滑，牛油香氣十足，帶住少少蕃茄嘅微酸，平衡感做得好好！🍛 加咗 蒜香烤餅 (Garlic Naan)，焗得外脆內軟，蒜香十足，沾住牛油雞汁一齊食真係 完美組合，醬汁濃郁到想 用naan抹乾淨！😆✨📌 Buffalo Wings 🌶️🍗水準唔錯，雞翼 炸到外皮微脆，肉質仍然保持嫩滑，醬汁微辣帶酸，帶有少少美式風味，配埋藍芝士醬更加惹味，作為開胃小食好適合！🔥📌 Prosecco & Red Wine 🍾🍷飲品方面點咗 Prosecco 同 紅酒，Prosecco 帶微氣泡，口感清爽，配搭Buffalo Wings幾夾！紅酒則係 單寧感適中，酒體順滑，配埋牛油雞 味道更加有層次，飲住酒望住夜景真係幾浪漫！✨📌 總結The Peak Lookout 唔單止有靚景，食物水準都幾穩定，特別係 印度菜做得幾有水準，

今日同朋友上山頂玩，知道太平山餐廳係二級歷史建築，所以一早訂定位感受一下☺️ 嚟到現場真係好有feel，一睇餐牌仲要非常多元化！帶子蟹肉墨魚汁扁意粉真係好正，帶子大大粒，蟹肉多到條條麵麵掛住，配埋墨魚汁意粉好夾好好食！海鮮拼盤有好多款名貴海鮮，啖啖新鮮好滿足啊！之後試埋印度菜，鐵板老虎大蝦好彈牙厚肉，雖然燶咗少少，但都無傷大雅！甜品panna cotta 同crème brûlée 雖然好多地方都食到，但呢度調味同口感都好perfect，食完正餐一定要叫！總結呢度有靚景有美食，嚟山頂玩記住book枱！

細細個去山頂，都見到呢間餐廳，但一直都無試過。今晚同家人慶祝生日，想搵間靚d有氣氛嘅餐廳，就book咗呢間😊今晚天氣涼涼地好舒服，所以就揀咗喺室外用餐，感覺氣氛都好d。網上見評論室外好多蚊，好彩又無喎，我咁惹蚊都無事。-小食拼盤~~~水牛城雞翼：微辣，幾濃味，正常味道酥炸魷魚：正常發揮，可能凍咗，d脆皮一夾就甩素咖喱角：好大件，比雞翼辣小小，正常味中東包：普通薄餅，可以點d醬汁食整體嚟講，小食拼盤好普通，不過不失。海鮮闊條麵：蕃茄味，材料有蝦，魷魚，青口，味道都ok燒烤汁豬排骨：份量好多，豬排骨勁厚肉，而且唔un好鬆化。薯條好好味👍🏻又脆又惹味。香燒阿拉斯加野生銀雪魚柳：呢個好味喎👍🏻d魚肉好滑，啖啖肉Book位時同職員講家人生日，想甜品碟上寫Happy Birthday。到職員拎甜品出嚟時，幾位職員一齊唱生日歌，仲安排幫我哋影即影即有，餐廳仲準備咗親手畫嘅生日卡，將即影即有貼上生日卡上，好有heart呀🫶🏻家人表示巧高興😁我都覺得好窩心好加分👍🏻👍🏻👍🏻-人均$400左右，價錢偏貴，但有時食嘢都係包埋環境，所以都合理。

太失望了。估唔到童年夢想會這樣破滅。中秋節想同家人過一個浪漫的中秋，又想持本地老牌餐廳。又睇左YouTube 個旅遊介紹，就上左山頂一間名牌旅客餐廳。太平山餐廳。一早於佢個網站訂位，試佢個主廚介紹的主菜。點知。。。。（個人感覺）先講餐廳嘅空氣啦首先空氣非常之唔流通，冷氣唔充足，我哋個位置喺玻璃屋嗰度近門口，我明白可能係因為開咗門出入嘅關係，成間餐廳室內好多蚊。而且因因為開放式廚房冷氣唔夠，所以我哋不停咁聞到油煙味，情況係會令你不停打乞嗤。同店員反映換咗後一張枱但態度唔好，效果都未有改善。食物唔係特別出色，明白遊客區。主要諗住食個氣氛，點知成個街市咁，唔好話係其他人講野，不停有小孩奔跑，又或者係店員大聲講野（幾個粵語店員），令你覺得你係街市一樣。本來想試埋個甜品先走，但太嬲啦。食完個主菜就唔想要留。點知叫人黎埋單都等左10分鐘。講真，最好禮貌係埋單個個女仔。

太平山餐廳 The Peak Lookout🏠好有歐陸設計，百年歷史的餐廳香蒜印度烤包🫓跑2款醬汁，烤包不油膩帶香草味，真係十分好食，推介👍牛油咖哩雞🍖🍗 跟印度飯，雞都好滑，重咖哩雞汁和牛油味，而帶甜易入口再加2杯餐酒，在這環境下享受美食真好正覺得這到的印度菜好正👍員工熱情，講述餐廳歷史，好好傾。 歐陸式設計好有氣氛😃吃飯後又可睇香港夜晚🌃🏙這處也是我憧年回憶的地方。 📍山頂山頂道121號

📍太平山餐廳（山頂）呢餐飯絕對唔平😂因為要計埋搭纜車上去&落去～有冇人會特登為間餐廳而搭🚠？🤣🤣不過都好耐冇去山頂，就順便周圍行下。大家都可以行山上去㗎～-紅磚嘅外牆，入面係落地大玻璃🤩🤩可以俯視山頂下嘅風景光線都非常之好👍🏻真係好靚～-牛排肉質都juicy 但有少少筋墨汁意粉幾好食 係唔會變黑色嘴嘅墨汁意粉！水牛城雞翼就有少少鹹-#山頂 #太平山 #太平山餐廳 #中環美食 #中環 #香港好去處

𝐷𝑖𝑠ℎ𝑒𝑠 📸：1. 𝐼𝑡𝑎𝑙𝑖𝑎𝑛 𝑆𝑎𝑢𝑠𝑎𝑔𝑒𝑠 𝑅𝑖𝑔𝑎𝑡𝑜𝑛𝑖 $178意大利腸配白汁大窿意粉 𝐵𝑟𝑜𝑐𝑐𝑜𝑙𝑖𝑛𝑖 | 𝑔𝑎𝑟𝑙𝑖𝑐 | 𝑤ℎ𝑖𝑡𝑒 𝑤𝑖𝑛𝑒 | 𝑟𝑜𝑠𝑒𝑚𝑎𝑟𝑦 𝑐𝑟𝑒𝑎𝑚2. 𝑁𝑒𝑤 𝑍𝑒𝑎𝑙𝑎𝑛𝑑 𝐾𝑖𝑛𝑔 𝑆𝑎𝑙𝑚𝑜𝑛 𝐹𝑖𝑙𝑙𝑒𝑡 $358紐西蘭皇帝三文魚扒 240𝑔 3. 𝐶𝑙𝑎𝑠𝑠𝑖𝑐 𝑇𝑖𝑟𝑎𝑚𝑖𝑠𝑢 經典意大利芝士餅 $92 （🌟推薦）𝐿𝑎𝑑𝑦 𝑓𝑖𝑛𝑔𝑒𝑟𝑠 | 𝑚𝑎𝑠𝑐𝑎𝑟𝑝𝑜𝑛𝑒 | 𝑚𝑎𝑟𝑠𝑎𝑙𝑎 | 𝑒𝑥𝑝𝑟𝑒𝑠𝑠𝑜4. 𝐵𝑟𝑒𝑎𝑑 𝑃𝑢𝑑𝑑𝑖𝑛𝑔 麵包提子乾布甸 $88 （🌟推薦） 𝑅𝑎𝑖𝑠𝑖𝑛𝑠 | 𝑣𝑎𝑛𝑖𝑙𝑙𝑎 𝑠𝑎𝑢𝑐𝑒🌟𝐶𝑜𝑛𝑠𝑢𝑚𝑝𝑡𝑖𝑜𝑛 𝑝𝑒𝑟 𝑝𝑒𝑟𝑠𝑜𝑛：𝐻𝐾𝐷 $400一間山頂Fine dining餐廳💫每次經過都比佢既環境吸引住😍主菜味道中規中矩🥲價錢小貴但係甜品十分值得叫👍好出色#thepeak #thepeaklookout #central #finingdining #restaurant #foodie #foodie #foodies #foodiegram #instafoodie

❤️情人節快到啦，準備好俾你嘅另一伴感受愛嘅滋味未呢？依家「太平山餐廳」推出情人節限定套餐，包括前菜、湯、主菜、甜品同埋茶/咖啡，只需$888/位！.一定要提提大家，只要每對情侶係2月14號嚟享用情人節套餐嘅話，就可以免費獲得Kuoca禮品一份！暫時係香港只有連卡佛先有售炸🙈不過要留意啊，數量有限，送完即止！快啲嚟抓緊時間Book定位啦！💑❤️.前菜 - 日式火炙生牛肉：真係好味到爆炸啊！色彩鮮豔，炙烤過嘅鮮紅色生牛肉，外層微微焦香，內裡保持住完全嘅生狀，一睇就令人垂涎欲滴。入口即化，肉質柔軟，搭配上酸甜開胃嘅柚子汁、大蒜、青蔥同芝麻，簡直係讓味蕾瘋狂舞動！.前菜 - 紅菜頭他他：融合咗蕎麥、酸青瓜、紅洋蔥、羊奶芝士、核桃同埋酸奶等多種食材，味道清新又適中！賣相十分精緻，色彩鮮豔，紅菜頭、羊奶芝士、松子等鋪在表層，相互交織，令人一眼就被吸引。入口清新加上蕎麥嘅脆脆口感相結合，作為開胃菜真係一流.海鮮拼盤：呢Set海鮮拼盤真係太出色啦，只需要額外加$288/位，就可以食到加拿大阿拉斯加長腳蟹、淡水龍蝦仔、愛爾蘭生蠔、鮮蜆同埋大蝦啦～再配上三款自家調製嘅醬汁，令味道同口感更上一層！長腳蟹口感豐

就嚟到情人節，諗好去邊度食大餐慶祝未呢？💕擁有百年歷史既紅磚屋山頂餐廳新推出情人節套餐，可以品嘗特色四道菜晚宴☺️ 裝修以歐陸風格為主調，古典又有氣派😍 設有室內及露天座位，可以飽覽日落美景及夜景，滿載著浪漫氣氛，好啱約會慶祝❤️✨ Valentine’s Day Set Dinner ($888/ person)✧ Appertiser, Soup, Mains, Dessert, Tea/ Coffee ✧❀ Beef Tataki 🐮日式火炙生牛肉入口細嫩，帶微微焦香～以柚子汁、大蒜及芝麻調味，食落酸酸地好開胃😝❀ Hamachi Crudo 🐟薄切油甘魚油香豐富，搭配水瓜柳、芒果及檸檬等配料，酸甜清爽，食落好有層次感😍❀ Seafood Platter (+$288/ person) 🦀好豐富既海鮮拼盤❤️ 當中有齊五款時令海鮮：阿拉斯加長腳蟹、淡水龍蝦仔、生蠔、蝦及蜆✨ 長腳蟹肥美鮮嫩，龍蝦仔爽嫩又鮮甜😍 生蠔鹹鮮味突出，款款都好新鮮，配上三款自製醬汁食更滋味👍🏻❀ Pear, Leek, Potato Soup 🥣啤梨大蒜薯仔湯質感濃稠，加入蟹肉及香草油更顯鮮甜～❀ Roaste

Came here for wedding celebration with very high expectations given the price range of the place and its location.The exterior was the only thing that was good about the place, you gotta give them that. The service, however, was the worst one I have ever encountered in Hong Kong in the last 6 years.We were seated outside and we had to ask at least 5 times to turn the heaters on. Heaters weren’t working properly, I guess out of gas, so we were freezing for the rest of the evening (if you want to

每次上山頂，我都覺得依個建築好特別。於是今日特地黎依度同老婆慶周年紀念。餐廳係香港二級法定歷史古蹟, 外表係一間紅磚屋, 踏入餐廳裡面, 發覺保留著歐陸風格餐廳有室內和室外的座位, 由於室內正在佈置聖誕裝飾, 我們只可以揀室外坐。由室內推開玻璃門, 可以去到露天的雅座, ，綠意盎然，鳥語花香，令人心曠神怡。我地坐低之後, order 左幾樣野1.小食拼盤小食拼盤包括咖哩角、蝦春卷、水牛城雞翼、炸魷魚、中東包和鷹嘴豆茸，其下有些酸甜醬等供蘸點。其中要數咖哩角最好味, 咖哩角的size好大, 切開之後有咖哩同薯仔的香味, 滿滿的印式風味2.印度爐燒雞印度爐燒雞以鐵板盛上，滋滋作響已令人食指大動！燒雞件新鮮熱辣，肉質頗嫩，充滿印度香料味，惹味微辣，另有大量配菜如椰菜、生菜、蘿蔔和洋蔥等。3.慢煮西班牙黑毛豬扒黑毛豬扒表面烤得焦脆, 裡面保持倒本身的肉汁, 和著秘製果醬一齊食 味道清新而不膩值得一提的是, 侍應見我同老婆隻碟污糟, 會好主動咁過黎換碟, 值得一讚!價錢略微偏貴, 但餐廳的菜式和服務不錯, 於日落時份, 也可以係露天雅座欣賞日落, 整體值得推介