殿糖級 (已結業)

天后殿糖級嘅甜品一向都好高評價，今次去開天后，即刻去試一試，今次點左朱古力疏乎里及懷舊香蕉船配雪糕，疏乎厘外脆內軟，好好味，香蕉船有三球雪糕可以配搭，佢哋餐廳仲有好多其他唔同種類嘅甜品，下次經過再試吓

今日經過天后，去咗一間好出名嘅甜品鋪叫做殿糖級食甜品，佢哋嘅甜品選擇好多，今次點左天使冰同埋朱古力梳乎利，佢哋嘅天使冰分量足夠，食落去有種入口即溶嘅感覺，配料仲有粟米片、棉花糖及Oreo 餅碎，非常好味；梳乎利熱辣辣，軟綿綿，同天使冰一冷一熱，簡直係絕配

行完年宵想食d甜野令行程更完滿所以搵下附近有咩甜品舖唔洗周圍睇啦😂因為間間都要等位，見到呢間殿糖級毫不忌諱😂開多左好多枱係條街，應該好快有位，所以就食呢間叫左杯雪糕涼粉冰，雪糕係用左Dreyer’s 所以好穩陣但杯野就好淡味，而涼粉本身又冇咩味，所以成杯野靠哂雪糕既甜味...另外叫左雪糕心太軟，可能真係太多客啦⋯⋯等左20分鐘左右，問一問店員先知....佢漏左單所以都等左好奈先有得食😂不過唔緊要，本身都係想搵個地方食下野傾下計，但個心太軟可能太趕...所以個賣相就真係差d但食落都ok ge🙈不過下次都係等冇咁旺先黎食會好d

本身唸住入去食碗糖水甜下自己啦，點知道入到去要乜沒乜，仲要態度差到爆炸，一肚氣，點訝姨沒文化真可怕，講嘢唔正仲要上錯糖水二次，一聽到話要寫差評就立刻出來阻止、當時真係笑了！

第一次食甜水食到咁火，要乜冇乜，態度超差，好似我食拒既野係我地汁到咁，要西瓜冰冇西瓜冰，要梳乎厘冇梳乎厘，仲要大大聲講到理所當然咁，最後仲要有個女人超瘦既，出黎大大聲凶我話叫我望真啲個menu 先好order wor , 話自己個廚房好忙，叫我望好左先好order ，真係超吾開心，建議大家吾好黎呢間，啲人超兇又惡！！！真係覺得好差，又難食，啲料又少，擺盤又核突，又吾夠人手但仲大條道理咁講到自己吾夠人是好應該咁，完全吾覺得自己冇問題。自己間公司吾夠人手關我地啲客咩事？俾野又俾錯，叫西瓜冰就上紅豆冰，上錯2次野，oh my god ?! What's going on ?

糖水店來好, 好大間, 都幾企理. 我只想食河粉, 問了侍應除了芒果, 還有沒有其他. 侍應都耐心回答. 最後叫咗個火龍果蜜瓜西瓜河粉, 朋友就叫咗個榴槤班戟. 都好快就有了, 唔洗點等. 我個火龍果蜜瓜西瓜河粉都OK, 好過隔離街明記好多啦算係. 雖然河粉薄D, 生果粒細咗D, 但都入口爽口, 生果都算新鮮.  朋友個榴槤戟一上枱, 係勁黃, 黃到有點熒火...哈... 好多cream...裡面既榴槤就..都OK啦.... 原來用佢地charge電機可平$20, 大家下次可留意!

今晚與朋友們食咗晚飯無所事事，加上天時暑熱，想吃一點甜品，品嚐一下凍冰冰、涼浸浸嘅感覺！ 我們去了位於天后的殿糖級！一入到去，覺得環境很舒服，很光猛，很鋪面很光鮮感覺！我叫了一碗蜜瓜西米露！本身唸住可以即時降温，但很失望呢！碗蜜瓜西米露沒有蜜瓜打汁，只是得幾片切片而沒有蜜瓜味的蜜瓜配上沒有椰汁味嘅西米露！而且成碗甜品又不夠凍，西米露又舔住了，真的與想像中的蜜瓜西米露天淵之別！最攪笑我朋友叫芒果汁又沒有！但叫芒果西米露又有！

買左簡單嘅甜品35蚊，卑左一百蚊，找返六十五蚊，但有一張五十蚊爛左個好大嘅洞，人地都唔收。我住緊附近，永遠不會再買了。甜品都唔好食，心情也唔好。never come again!!!

夜晚去殿堂級食嘢。梳乎厘好好味。都整得好靚。食芒果西米露仲有小丸子送。啲員工服務態度都好好。嗰老闆都好靚女嫁。價錢都唔貴。其他fd都話好好味。推薦大家都可以去試下。

原味梳乎厘，嘔心味道，食到成舊蛋白，咬住成口砂糖。。根本就係食緊熟咗嘅原材料。。沒有最差，只有更差。咁樣嘅水準根本就唔開得鋪！不知所謂！浪費食物。。。將啲食物搞成咁， 不如唔好開啦。

服務態度真的好好，糖水都好好食，料足份量大，朋友介紹食梳夫厘甜度適中，食完一個好想再食多個，之後再試埋個榴連千層糕榴連味好濃香，真的是齒夾留香，鍾意食榴連的你值得一試，芒果千層也不錯，皮薄饀靚，可以叫幾款幾個朋友一齊分享下，地址好方便，天后A2出口直行就到，會同朋友再去的

空間夠大，適合成班fd聚埋一齊，吾使就住就住逼埋一齊坐員工服務態度都好好，值得一讚。最重要嘅系，啲甜品都好好味極力推薦呢間嘅榴蓮千層，真系真材實料！榴蓮味好香好重，啱晒鐘意食榴蓮嘅我哋我朋友叫咗個芒果班戟，平常出面食d芒果都帶d酸，而呢間嘅芒果就冇咩酸味又甜又多汁，一食就知好新鮮！價錢合理，份量足夠，甜品種類又多，中、西式都有，就我所知，開張不久，環境衛生都幾好，又近天后地鐵站A2出口！下次都會揀返呢間

聖誕節又是到朋友家開party 的時侯、吃飽飯玩了幾個回合switch 煮了無限回的洋蔥蕃茄湯、離開後肚餓感又來了。在天后地鐵站附近有幾間糖水店、殿糖級是其中一間比較大和有規模。原個椰皇燉3.6牛乳 $45 熱騰騰以原個椰皇送上、一送來已經聞到好香的椰子味、燉牛乳非常幼滑、奶味香濃、暖暖的冬天吃十分適合。楊枝甘露 $32 看上去好足料、有不少芒果及西柚粒、好多芒果醬較杰身、做得不錯。此外這裡甜品選擇亦多、不難找到自己喜歡吃的啊。

殿堂級甜品店，其實有好多分別，今次路經此地，即管走入去試一試，嘩，原來很多款甜品可選擇，今次決定叫咗芒果拿破崙，果然有驚喜，賣相已經相當吸引，酥皮夠脆，芒果亦好甜。下次一定要叫多幾個朋友試下唔同種類的甜品，值得再食。

我幾乎成了天后殿糖級最忠實的粉絲。連鋪頭的人幾乎認識我，點解我會獨鍾一間，態度好是其次，真係好食，滴甜品真係越做越好。第一推介：雞蛋仔第二推介：酥皮拿破崙。可選生果（芒果、草莓🍓、榴槤）第三推介：熱辣辣天氣食：雪花冰，多口味，爽快第四推介：楊枝金露，榴槤玉露，爽口。第五推介：芒果、榴槤河粉，又香又滑第六第七第八........好唔好食，真係試過先知道，夥計都真系好好人，有問題直接穩她們，即時解決，有歉意，好難得。一個字