栢檔極品海南雞飯

營業中

休息中

在某網購平台，見到做緊推廣，$49一個海南雞飯套餐。套餐包一碟海南雞、油飯或白飯和湯。D相影得幾靚，舖頭地點又近屋企，就買了兩套海南雞飯券和朋友去試試。去到餐廳，d阿姐好快掃咗套餐QR code, 過無幾耐，兩個套餐就到。個餐真係幾豐盛。先講個湯，夠熱，清甜又香，紅蘿蔔豬肉夠腍，好正。再講飯，我地叫咗白飯，大大碗一定食得飽。再講雞，好滑好嫩，都幾多件。最初，我仲驚生有血水，但冇喎。個餐性價比高，已經回購encore!

都差唔多九點，咁妟又唔想食飯，諗住買半隻雞jap吓。雖則啲雞係滑但真係無咩雞味，揀可無揀就係咁囉。。我企喺收銀大概一分鐘，收銀姐一直dup低頭應該忙app嘢。好，我等。到有人走埋去叫收錢，佢收完應該到我，佢叫我等等。。我嬲到轉身走。心諗：舖面有客唔接忙app嘅嘢。。食物不見出色，態度又差，我真係唔想再去 😒題外話：好耐之前試過呢個收銀姐找少錢，一啲歉意都無仲笑。西唔係一日嘅事，係年月累積 😑

已經不是第一次買外賣,第一次買外賣嘅時候,可以將雪米糍放在碗熱湯上面,回到家已溶化今日第二次再買,買了一個二人餐一盒元蹄飯,已經問佢哋是否包齊外賣,好肯定話已經包齊,回到家可以成盒雞冇包到,打電話去仲可以笑住講,唔怪得知多咗盒雞,一點兒歉意都無,本人不是住附近,來回要花廿多分鐘車程,再回去取,回家時食物已經凍曬,咁嘅服務質素,食物再好食都冇用,更何況又唔係真係咁好食,只係合格,大家如果要買外賣真係要諗清諗楚,唔明白點解一定要人哋最少要畀一粒星

今日我地三個人黎到拍檔海南雞食飯，叫左二人餐同一人餐。🫕紅蘿蔔粟米南瓜湯：南瓜煲到融曬，幾種材料都好清甜，成個湯都幾好飲～🐓海南雞：嫩滑海南雞配上三個Standard海南雞醬，唔錯🐟魚香肉餅：煎到脆面既魚香肉餅，幾香口幾好食🐷元蹄：整得幾霖，味道唔錯

餐廳位置喺淘大商場裏面，非常容易搵位置。座位好多卡位坐得舒適，侍應都好好招呼。我同老公叫咗份二人餐，二人餐都好抵食包半分海南雞，豬頸肉/滷水元蹄/香煎手刴魚香肉餅三選一碟，白飯或者油飯2碗，無味精湯或者係飲品兩杯，特色小食及油菜一碟。海南雞值得推薦，啲肉質好滑啖啖肉，廚師處理得唔錯冇乜骨頭要吐，套餐附上三種沾醬，雞肉配埋佔埋醬料味道再上升一個層次。另外一份餐叫咗豬頸肉，份量超多，肉唔會太鹹，而且啱啱煎好肉質香脆，配埋佢個泰式甜辣將簡直一流。佢個無味精湯放好多蘿蔔同南瓜🎃，所以個湯甜甜哋好入口，飲完不口渴。如果下次再嚟一定會再幫襯。讚讚讚👍🏻👍🏻👍🏻

淘大嗰邊有好多嘢食🤤不過唔熟嗰區，真係好難揀見到呢間「栢檔極品海南雞飯」門口寫住佢啲雞係無激素，無抗生素，仲拎咗好多獎，入面坐滿晒人，仲要門口有人等外賣，應該無咩伏，所以就入咗去試吓！我哋點咗二人餐 $220👑皇牌冇味精靚湯見佢再大隻字寫住冇味精，一於試吓🌟粟米南瓜湯，個湯好濃，好足料，好有住家湯嘅味道🌟肉骨茶（+$10）太好了，可以加錢轉👍🏻我最鍾意多款式🤭肉骨茶的藥材好足好夠味，我食到新加坡嘅味道🤤🌟 極品海南雞半隻必點👍🏻暫時係我食過最好味嘅海南雞全部起晒骨，食得好爽雞有雞味，肥瘦適中再配埋3款醬汁，簡直Wonderful！不得不讚碟薑蓉，磨得好細緻！🌟 滷水元蹄滿滿嘅骨膠原，炆到好淋，又係無骨配埋個酸汁食好夾👍🏻🌟 特色小食-香麻辣鳳爪呢個有麻辣味，但唔會好辣最估唔到係，呢個都係冇骨嘅😮🌟 生菜翠綠生菜👍🏻🌟雞油香飯可以揀白飯或者油飯，梗係揀油飯啦😂 🌟迷你雪米糍估唔到個餐包埋甜品細細粒剛剛好👍🏻呢餐不停咁一啖肉一啖飯，份量超大，好多餸，食得好滿足🤤十分推介👍🏻👍🏻👍🏻👍🏻👍🏻除咗海南雞，一定要試靚湯

舖頭位於住宅區，其實唔係太起眼，不過經過就諗住試吓…見呢個品牌有幾間分店應該唔會伏！ 自己都幾鍾意食…覺得呢一間嘅海南雞份量合適，雞又唔會鞋.覺得唔錯！呢張相係半隻海南雞（$93），如果兩個人食就要食一隻！ 海南雞有三隻醬點～ 甜豉油、酸辣醬、蔥油我自己就鍾意每一啖都點晒三隻將🤣有唔同層次呀嘛！另外，仲有老火湯飲！（加$8）湯唔會好油膩.飲完唔會好頸渴～舖頭講明係冇味精，所以可以放心成碗飲晒！見佢假日都有套餐叫，下次叫埋屋企人一齊嚟食先😘

同朋友去淘大行街行到攰，周圍搵下有咩好野食，見呢間海南雞都多人幫襯外賣回家加餸，就揀咗呢間，餐廳座位都舒適，餐牌亦頗多選擇，同朋友一齊揀咗個二人套餐 - $220，勁多野食，皇牌無味精靚湯（南瓜、粟米、紅蘿蔔、豬骨），有兩碗靚湯，飲得出無落味精，個湯煲到好濃郁，鮮甜，而且有湯渣可以食下，真材實料，栢檔極品去骨海南雞（半隻），二人套餐有栢檔極品去骨海南雞（半隻），好大碟，份量足半隻，好抵食，果然係海南雞專門店，雞皮薄，雞肉嫰滑，即使係雞胸部分也滑溜，雞皮和雞肉之間會有透明的啫喱精華，全部已去骨，每一口都啖啖肉，味道剛剛好，不會過咸，而且配上海南雞三色醬，令到雞肉的味道更豐富，秘方滷燒豬頸肉，主菜三選一，我地揀咗燒豬頸肉，有好多塊，豬頸肉外面燒到微焦，很香口，內裡的肉仍保持軟嫰，有肉汁，健康翠綠時菜（跟蠔油），生菜顏色翠綠，新鮮爽甜，即使不點蠔油也好食，麻辣豬耳仔，豬耳仔口感爽脆，味道有點麻辣，但可能我食得辣，所以感覺不算很辣，但頗香口惹味，雞油香飯，食海南雞就當然係揀配雞油香飯，雞油均勻地沾上每一粒飯粒，但感覺不油膩，熱騰騰，香噴噴，二人套餐最後仲有兩粒迷你雪米糍做甜品，為這頓豐富的晚餐

假期同媽咪去街街 順道吔個靚飯飯～餐廳主打無激素、無抗生素同味精即刻心心眼😍.柯打一人一個套餐🫶🏻套餐包括主菜、菜、雪米糍、飯、湯/飲品❛ 極品海南骨雞❜咬落無骨啖啖肉真心正❤️！！雞肉好嫩滑 皮唔肥又爽口 油飯仲好香配上黑醬油、酸辣醬、薑蓉都巧岀色🤤❛ 香煎手剁魚香肉餅❜肉餅已經預先切好 好貼心🥹外面煎到香脆 口感鬆化 又幾特別啵～仲有陣陣魚香味 真係超好送飯😶‍🌫️❛ 豬頸肉❜另追加左個豬頸肉😂同樣煎到香口 肉質又𝚓𝚞𝚒𝚌𝚢肥瘦仲巧分明 唔會油膩點埋酸辣醬 真係一級棒！！值得一讚係員工好𝚗𝚒𝚌𝚎♡下次嚟一定要試埋無味精老火湯🤭

間唔中都想下偷懶，出街食飯，煮少一餐，不過都想比小朋友食得健康啲！行完淘大商場，行到攰攰地，又係時候醫肚，見到栢檔極品海南雞飯，主打無激素、無抗生素去骨海南雞，價錢都好大眾化，而且佢哋平日星期六日都有一人、二人套餐選擇，好豐富有主菜、飯、老火湯，仲有迷你雪米糍做甜品，下午茶時間仲有下午茶餐添！～佢哋主打海南雞飯，當然要試試啦！我哋叫咗一人套餐、加多個滷水元蹄飯，仲有烤豬頸肉～一人套餐 $83極品海南雞飯 配 雞油香飯翠綠油菜凍檸茶 (凍飲+$6)一人餐包埋一碟油菜，食返啲菜夠均衡！黃油雞皮顏色睇見都想食😍，雞皮唔會有層多餘肥膏，有少少啫哩狀包住雞肉，食落嫩滑啖啖肉，連雞胸都好滑。最緊要冇激素，食埋雞皮都食得安心。而且份量好足有九件雞咁多！雞油香飯，食完唔會成個碗底都係油，有淡淡椰子香味，三色醬有甜豉油，酸辣醬和薑蓉，樣樣都點下黎食，特別滋味😋！滷水元蹄飯 $64滷水元蹄層皮唔會太多肥膏，可以連皮都食埋，滿滿膠原蛋白。元蹄肉質夠腍，豬皮爽爽地有咬口唔油膩，有大量醬汁撈飯都好正！加埋三色醬一齊食消除油膩又好開胃+$8 配 皇牌栢檔無味精靚湯好似返咗屋企飲啖靚湯嘅感覺，足料南瓜香甜，滋潤返晒

由細食到大嘅栢檔極品海南雞飯，咁多年都保持到水準😎 二人餐仲超級抵食，其實份量夠3個人食!!二人套餐 $220皇牌無味精靚湯極品海南雞半隻滷水元蹄/豬頸肉/香煎手剁魚香肉餅健康翠綠時菜/特色小食迷你雪米滋雞油香飯/絲苗白飯個人好鐘意食海南雞，但實在太懶唔鐘意𦧲骨🙊 所以特別喜歡栢檔嘅無骨海南雞，啖啖肉超級正，肉質又夠嫩滑，雞味仲好濃🐥二人套餐仲包括滷水元蹄/豬頸肉/香煎手剁魚香肉餅，必點香煎手剁魚香肉餅，淡淡咸魚香，鹹香同鮮味都提升了，軟嫩有嚼勁，撈飯一流👍 小食方面揀咗麻辣鳯爪，同樣係無骨，大人小朋友都啱食!!

今日諗住同朋友聚餐，而咁啱佢地又好鍾意食新加坡菜，我就發現依間栢檔極品海南雞飯拎過中國飯店金馬獎，2013年我最喜愛食府等等，所以我地就去聚餐啦，真係好滿足啊！我地叫咗兩個二人套餐，每個套餐都有皇牌無味精靚湯，兩個小食，半隻雞，甜品同飯而靚湯可以免費轉其他飲品，或都加10蚊轉肉骨茶，肉骨茶味道剛剛好，唔會太濃味然後，主菜就係極品海南雞半隻，好嫩滑，啲醬汁又好好食，配埋佢地嘅雞油香飯，一絕！主菜之外，鳳爪，豬耳，豬頸肉都好好食，簡值係必食，再配埋健康嘅翠綠時菜，真係好平衡🤤🤤最後，甜食係迷你雪米糍，食到好滿足😍😍總括黎講，呢個二人套餐真係好抵食，而且份量又夠，好岩晚晚嚟呢度食啊！

放工唔想煮飯又想食到飯菜仲有明火靚湯，去呢度就岩喇～🤗🔆同老公每人叫左個一人套餐🟡極品海南雞飯一人套餐🟡🟡肉骨茶一人套餐🟡🔹️套餐除揀主食外，還有：▪︎皇牌無味精靚湯▪︎健康時菜▪︎絲苗白飯/雞油香飯▪︎迷你雪米糍湯夠足料，有紅蘿蔔、粟米、南北杏等等，海南雞整得十分嫩滑，跟飯既特制辣醬好香，沾飯沾雞都好開胃😃額外加既香麻辣無骨鳳爪好岩我口味，唔算太辣又夠麻，件鳳爪啲軟骨夠哂嚼口😋食完正餐食番個雪米糍，係朱古力味，由於個餐一黎已經放左上碟，有少少溶左，好似食心太軟咁，啲朱古力醬流出黎 😂

落咗九龍灣donki行下行完之後好肚餓咁岩就見到呢間 栢檔極品海南雞飯😗≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣我哋今次叫咗兩個一人套餐，主食叫咗極品海南雞同魚香肉餅，而每個套餐都包左翠綠時菜、皇牌無味精靚湯仲有一粒糯米糍一人套餐 $83 x2主菜🐓極品海南雞雞肉肉質好細嫩✨除咗雞髀之外其他都起左骨😗雞皮入口即化 勁香雞味！加埋好香嘅油飯一齊食令到雞肉嘅肉汁味更加突出有3種點醬: 甜豉油、酸辣醬、蔥油雞肉點完酸辣醬之後 酸酸地辣辣地 好開胃好好食一人餐份量好多🤤海南雞太好食下次想試吓叫半隻😆😆😆😆🐟魚香肉餅肉餅切到好整齊🥰賣相好靚煎得非常香脆 咬開好香魚肉味 裡面嘅肉質同魚香味道濃郁外面脆入邊好彈牙分量比想像中嘅多•配菜·🥬翠綠時菜生菜好新鮮同好脆配咗啲蠔油俾我哋點唔食蠔油嘅我覺得好貼心🥰🥣皇牌無味精靚湯好清甜湯底好濃郁湯底有啲肉碎同埋紅蘿蔔好足料好有營養好好味🤤食完之後唔口渴，真係冇落味精！🍡糯米糍咬開係朱古力流心甜度岩岩好食完個set之後食甜品好滿足🥰≣≣≣≣≣✿≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣≣另外仲叫多咗個肉骨茶，因為見到隔籬好多枱都有

1️⃣一人套餐極品海南雞，雞份量多，好大塊雞又滑，個皮肥美。有蠔油菜，健康d。但個油飯可以再重味d，老火湯好足料，夠濃味又多湯渣。仲有粒雪米磁做收尾。💰HKD$832️⃣輕量元蹄飯其實輕量都夠食，咬落非常淋，醬汁超多，個皮好肥美。💰HKD$503️⃣細肉骨茶好重藥材味，入面好大舊豬骨同有d豆腐卜💰HKD$184️⃣香辣鳳爪食落唔算好辣，普普通通💰HKD$18加凍飲$8份量真係多，食到好飽👍🏻