AnyMomentCafé

營業中

休息中

上次諗住walk in去食點知摸咗門釘，餐廳原來一定要預約，於是今次好醒咁電話預約返先去！🥹入口位置都幾難搵，要喺條巷仔入去紅色篷個位上去。上到去地方唔係好大，但係入面有好多唔同嘅board games~🍽️地中海香蒜雞柳螺絲粉 $138雞柳濕潤多汁，螺絲粉帶有口感唔會過腍，每條都吸滿唒醬汁。醬汁除咗有香蒜味，仲有濃郁嘅香料味，甜甜哋好好食！細問之下先知原來香料係老闆自己種嘅，好震驚，超有heart！🫶🏻🍽️韓式牛肋條飯 $139韓式牛肋條醬汁濃稠，牛肋條煮得好腍好容易入口，而且好入味，連埋配料嘅菜同菇超好餸飯。飯嘅形狀原來每客都有機會唔同，我嗰份係貓貓勁得意！😹🍽️瑞士雞翼 $65開party之選！雞翼好大隻但好入味，好容易咬到骨肉分離，甜甜哋好開胃！🍹熱情果茉莉花茶 $59 (套餐升級+$22)花茶好抵，可以添飲三次！熱情果味濃郁，酸酸甜甜飲落好舒服。🍹布拉格浪漫 $64 (套餐升級+$22)朋友杯布拉格浪漫係用咗紅肉火龍果加雪梨製，甜度高嘅紅肉火龍果加埋清甜嘅雪梨好飲又健康。.隔離枱玩住食，我哋就食完慢慢玩，開心！🥰

Happy Friday想揾個地方relax下，朋友話去AnyMomentCafé可以揾返童年回憶之餘，仲可以傾下計、食下野，仲要無限時，而家真係好難揾到個咁嘅地方。不過，朋友特別提醒我，一定要電話預約，咁就book定位帶男朋友去感受下🤭li間隱世cafe，雖然喺旺角，不過唔識路，真係會揾佢唔到P.S. 意外發現男朋友冇我嘅童年回憶，連波子棋都冇玩過，等我教你玩la🤣⭐️挪威森林老闆人好好，沖完出黎隻杯裝唔曬，會叫你飲d，裝埋比你，真係好好呀😍，從來未試過嘅體驗。飲品一入口就係滿滿嘅火龍果同奇異果嘅味道，好好飲，好夾⭐️補氣血茶老闆見我有選擇困難，喺menu揀唔到，就另外介紹左潤喉茶、補氣血茶，睇我啱唔啱，見補氣血茶幾特別，就試左，落枱果陣老闆仲會温馨提示，浸到有d色先飲。li個茶清清地易入口，打開個茶壺蓋，見到有幾款材料喺入面⭐️拿破倫肉醬煙鴨胸肉醬意粉有家嘅感覺，而煙鴨胸嘅數量都唔少，個面仲洒左d芝士粉添⭐️韓式牛肋條一落枱就忍唔住嘩左聲，好靚呀，熊仔好可愛😍個牛好淋呀，好正，個汁嘅味道好熟悉，全部夾埋就係又好睇，又好食⭐️瑞士雞翼男朋友鐘意食雞翼，所以加多個小食，雞翼有6隻，外層上色好均勻

店名/Shop Name：Any Moment Café地址：旺角登打士街36號恆威商業中心9樓種類/Type：西式/適合朋友聚會輕食推介/Recommend芝士薯條，牛肋條飯，卡邦尼煙三文魚意粉人均價錢：$150店舖環境:有好多不同形式聚會遊戲的餐廳，好多卡game，好適合成班朋友聚會，佢仲可以預早電話預約場地，好適合成班朋友一齊約埋聚一聚，最主要係佢唔會限住你時間幾點要你走交通:旺角地鐵站行5分鐘上菜速度:⭐️⭐️⭐️⭐️⭐️服務態度:⭐️⭐️⭐️⭐️⭐️食物口味:⭐️⭐️⭐️⭐️唔會限住你時間走，適合约朋友聚會輕食的餐廳卡邦尼煙三文魚意粉鹹香嘅煙三文魚配上獨特醬汁造成的意大利粉，意大利粉爽口彈牙，加埋個三文魚都好惹味韓式牛肋條飯個牛肋條有啲中西合璧嘅感覺，都好軟腍腍，加埋個鴨仔造型嘅飯，都好夾芝士薯條芝士薯條係必食之選，薯條脆卜卜，加埋個芝士醬汁，超級鹹香，一邊同朋友玩卡game一邊Hea住傾偈，好爽皮# Any Moment Café #旺角 #旺角美食 #三文魚意大利粉 #牛肋條飯 #芝士薯條

今晚同朋友去到旺角的一間隱蔽樓上cafe食晚飯。由於樓面廚房都係老闆一腳踢 ，一定要事先電話預約。而且，餐廳相當隱密，大廈入口喺後巷裡面。地中海香蒜雞柳螺絲粉雞柳好juicy，螺絲粉軟硬度啱啱好，條條都索曬醬汁。醬汁有濃郁嘅香料味，味道好特別，細問之下先知啲香料係老闆親自種嘅，好有心機！瑞士雞翼雞翼好入味，唔乾身，不錯。秘制咖哩炸豬扒豬扒脆身唔柴，咖哩汁較稠身，聞落好香椰汁味，鍾意椰汁咖喱嘅一定要試下。芒果沙冰即叫即搾，除咗芒果，仲加咗少少檸檬汁同檸檬皮，飲落好fresh好c伏老闆好nice，好有心做，會同客人介紹菜式，想同朋友喺度慢慢坐傾下計或者成班朋友gathering，呢間餐廳係唔錯嘅選擇。

上次朋友嚟過話冇預約，所以摸咗門釘🥲 今次就醒咗，打電話預先book咗先😆 夜晚七點左右嚟到，餐廳見都有唔少人🙈 大家都開咗board game一路食一路玩🙈🔸鮮茄醬鴨胸意粉意粉煮得剛好，質感滑溜，配上新鮮的番茄醬，酸甜適中。鴨胸肉份量唔少🫣 煎得外脆內嫩，肉質鮮嫩，搭配番茄醬更添風味。🔸酥炸雞扒咖喱飯雞扒外面炸得金黃酥脆，裡面保持嫩滑，配上濃郁的咖喱汁，味道香濃。飯粒亦煮得鬆軟，吸收了咖喱的精華，整碟食落去非常滿足！😚😚😍🔸瑞士汁雞翼有成六隻大大隻嘅雞中翼 瑞士汁真係冇得輸 作為小食來講好出色🤪🔸香蕉士多啤梨奶昔係完美既texture😍 最鍾意有沙冰口感嘅奶昔☺️ 而且味道唔會死甜 啱晒鍾意水果味奶昔嘅朋友人均唔使$200就可以坐成晚玩boardgame同朋友吹水 而且老闆好好人亦都唔會趕客🥹 所以記得一定要電話book定位先🤓📍 旺角登打士街36號恆威商業中心9樓

老闆非常非常Nice！勁好人！性格好正！ 真係好值得支持嘅小店🤩場內勁多board game 供玩用😍 一入到場已經非常爆場，估唔到咁細細間小店居然咁旺檔！今次試咗牛肋條飯，老闆整得好有心思，飯團套入咗小貓模蓋，非常可愛！10分推介瑞士雞翼🩷非常好食！勁入味！去到基本上已經差唔多賣晒。另外試咗個煙鴨胸意大利螺絲粉，擺盤都非常好睇💕整體嚟講，係一個收工又好放學又好一個好好坐嘅好去處，但係淨係接受電話預約🤣老闆超級好人! 呢間大廈嘅入口有少少難搵，俾個指示俾大家🤣今日都分享到呢度🤓

每次想玩board game，都會來到AnyMomentCafé，已經來了很多次！老闆超熱情❤️一個人就打理好廚房和樓面🥹所以每次來之前都要先電話預約呀🙏🏻board game款式亦很多～🛎 韓式牛肋條飯 牛肋條肉質鮮嫩，醬汁香甜👍🏻搭配香米飯一流🍚🥢份量很充足～飯的形狀很可愛🛎 瑞士雞翼 瑞士汁味道鹹香適中～非常入味讓人一口接一口，根本停不下來！🍗🤤🛎 香蕉奶昔 奶香濃郁，香蕉的甜味恰到好處👍🏻喝上一口的瞬間帶來清新的感覺🍌🥤可以少甜或走甜，很不錯🛎 花旗蔘茶大廈門口不是很顯眼，在這小巷內面～

隱世旺角樓上Cafe推介🔥首先要推介吓佢嘅卡邦尼煙三文魚意粉，好多塊三文魚，全部都好香好新鮮，卡邦尼意粉亦都好Creamy，意粉控必叫👍👍另外推介拿破崙肉醬煙鴨胸扭扭粉，肉醬同扭扭粉嘅比例啱啱好，香味撲鼻而來，見到賣相都已經好肚餓😋😋飲品要咗杯香蕉士多啤梨奶昔，同麥冬杞子紅棗元肉茶😚最後整多個雞翼小食，份量都大，正🫶🏻🫶🏻呢間Cafe細細間，但好溫馨，因為老闆基本上係一個非常好客嘅人，同你又傾又講，而且好多唔同種類嘅broad games ，嚟到呢度人都青春啲。❤️我哋早咗到，Cafe未坐滿人，一坐滿呢度好熱鬧呀❤️要特別提吓，如果上嚟約埋朋友一齊玩同開餐，記得提前打俾老闆預約呀，如果唔係未必開門㗎！

星期六同朋友約咗嚟呢間餐廳，位置有啲難搵，我哋walk in嚟到大概7:00，暫時仲未係太多人。嗌完餐之後，餐廳準備咗啲boradgame，一路玩一路等啲嘢食，同朋友玩玩笑笑，時間好快就過，一啲都唔會覺得悶。🍖韓式牛肋條（$139）老細見我哋玩個game玩得咁開心，都有溫馨提示我哋要快啲食呢個牛肋條😂佢話凍咗唔好食。牛肋條嘅味道香濃，好送飯，個飯都整得好得意嘅熊仔樣，賣相唔錯。🍗秘製咖喱炸雞扒（$139）雞扒炸得好脆，連皮都食埋，唔會好油膩嘅感覺，咖喱味道甜甜地。瑞士雞翼🌼茉莉花茶茉莉花茶嘅杯都好靚🍫榛子朱古力飲得出唔係朱古力粉沖出嚟嘅，店主話係用黑朱古力打碎，好足料👍🏻覺得店主都好有心做，會同客人介紹菜式，想同朋友喺度傾偈同埋消磨時光，呢間餐廳係唔錯嘅選擇。

而家喺香港搵一間boardgame cafe 真係唔係咁容易，仲要係冇限時 。最低消費係至少一杯飲品 。呢間舖頭真係名正賢實既cafe，舖頭係真係有嘢食，而且都叫佢幾好食 。今次叫左鴨胸意粉，同埋煙三文魚螺絲粉 。份量嚟講都叫做幾大，飲品嘅話價錢稍為貴，但係你當係一個入場費 。飲品真係貨真價實落咗水果。店主好friendly，主動介紹我哋有啲乜嘢game可以玩，而且仲表示可以教我哋玩 。成個氣氛好warm好溫馨，亦都會問吓嘢食夠唔夠飽，有少少家嘅感覺 。除咗個入口有少少難搵，個入口喺巷仔入面，唔係咁容易搵到呢個缺點之外，都真係搵唔到有啲乜嘢缺點 。另外就係因為地方唔係咁大，真係最好預約，如果唔係真係有機會冇位或者冇開舖 。

✳️今晚同朋友去到旺角的一間隱蔽樓上cafe食晚飯，呢間餐廳座位有限，一定要事先電話預約。而且，餐廳相當隱密，大廈入口喺後巷裡面。餐廳乾淨企理，人氣都好高，仲有好多BoardGame🃏可以玩~🌟我同朋友各自叫咗個套餐：✨地中海香蒜雞柳螺絲粉 $138雞柳嫩滑，螺絲粉口感彈牙。螺絲粉吸收咗香蒜的濃郁醬汁，整體風味清新。配合雞翼一齊食，夠哂飽肚。✨韓式牛肋條飯 $139牛肋條肉質鮮嫩、夠淋，而且有少許牛筋。牛肋條醃製得恰到好處，帶有微微的甜味與香辣感。白飯造型非常可愛，係兔仔造型！✨柚子梳打 🥤（跟餐加$16）柚子梳打清新爽口，梳打的清涼感與柚子的果香相結合，為整個餐增添了一陣清新的口感。✨特濃朱古力特飲 （跟餐加$18）🥤濃郁的巧克力味道令人陶醉，飲品甜度適中，口感豐富且滑順。

約咗位年輕人旺角食晚飯，年輕人話訂位帶我去好地方食嘢，係一間樓上Café,位於📍旺角登打士街36號恆威商業中心9樓，雖然在鬧市大街，入口卻不起眼，登打士街行入後巷幾步才見到，上到去café沒有華麗裝修，但有種好親切嘅感覺，坐位好舒適，放置有好多桌上遊戲可以玩。叫咗兩個主食，韓式牛肋條飯，牛肋條炆得好入味，韓式黑椒汁惹味，個白飯以熊仔形狀上碟幾得意，後來留意到隔離枱係鴨仔同恐龍形狀嘅白飯，真係幾搞笑，食落都開心啲。 地中海香蒜雞柳意粉，雞肉嫩滑有味道，意粉質感剛好留有少少煙韌口感，用香蒜炒過好香，味道唔錯。芝士炸薯條，薯條炸得非常香脆，芝士醬甜甜地、咸咸地，調配得好好，加入薯條好匹配，超級好食。特飲全部另配名字好吸引，我地點了伊斯坦堡氣派，主要由火龍果+雪梨果肉攪拌而成，滿滿嘅火龍果肉同菠蘿結合，清新解膩。另一杯布達佩斯由芒果+香蕉制作，同樣好飲香蕉味濃。Any Moment Café絕對係三五知己，情侶拍拖食飯，消閒嘅好選擇，店內只有老闆一手包辦，同客人有講有笑好親切，café店舖面積唔大，建議大家先預訂，仲可以包場搞活動開party，認真唔錯。

好浪漫的Cafe餐廳，可以看出店家非常用心，墻紙和窗簾包括每個角落都細心佈置，有花有高塔有海洋世界，美輪美奐，沙發是淡綠色，好似行入了一個溫馨的歐式建築拿破倫肉醬煙鴨胸意粉意粉撈了肉醬後香氣撲鼻,濃郁醇厚,煙鴨胸肉細緻柔嫩,搭配意粉吃好合適！店家真是好有新意，連飲品名稱都非常浪漫詩意，看到名稱都好想每款試下，今次暫時點了兩款佛羅倫斯星夜和北海道雪人 ，下次來再嘗其它不同款。北海道雪人是波蘿+芒果，將新鮮的波蘿和芒果打成果汁,加冰塊,波蘿的酸甜滋味與芒果的濃郁香甜完美融合，清新怡人！佛羅倫斯星夜是朱古力十曲奇，香濃滑順，十分邪惡吖，中意吃朱古力和曲奇的朋友千萬別錯過了！瑞士雞翼雞翼是焦糖色，咬落緊實彈牙,帶有淡淡的香料清香,鹹香並存！韓式牛肋條意大利飯長長一條牛肋條,肉質鮮嫩多汁,散發著濃郁的韓式醬香氣。甘浪漫的餐廳原來仲可以同朋友一起玩撲克等game，電話預約都好方便，下次約朋友再來！

旺角食肆多如繁星，登打士街呢間樓上cafe卧虎藏龍，佈局有格調兼出品出色。老闆相當健談，言中得悉餐廳已開業十八年，見證旺角多年寒暑變遷，有如楊過小龍女般長情，可見老闆對飲食業的堅持。餐廳中備有不同種類的卓上遊戲，十分適合三五知己聚會，而且仲無限時，玩到幾夜都得!值得一提嘅係餐廳接受電話預約!今次點左地中海香蒜鶢柳，香蒜雞柳食落有檸檬葉既味道好多雞柳有8～9件，海量蒜片仲有薑片，意粉軟硬適中，份量多到滿瀉，飽腹感十足!餐飲叫左凍朱古力，朱古力味中透有可可香氣，香滑無比。

我間唔中都會約朋友去cafe 玩board game 😂 但年中都遇唔小 雖然有野玩 但係野食就好一般既餐廳。呢間真心唔錯，要推介比大家！首先係board game , 有好多好出名既board game 都有,平時好小見既貴board game - azul 都有 ，仲有超大型層層疊。🍛韓式牛肋條 配飯- 好有心思 用鴨仔黎做飯。個牛肋條好軟腍 ，肉質飽滿，軟到連冇牙既呀婆都會食到😄 煙三文魚卡邦尼煙肉意粉🍝濃郁滑順嘅醬配上咸香嘅煙肉,口感層次豐富,而且麵條同汁既比例都岩岩好。🍗瑞士雞翼 內嫩多汁 一d都唔乾野飲🍹 叫左一杯火龍果+雪梨 同埋 香蕉士多啤梨奶昔 健康人士可以簡生果系飲品- 呢杯會清淡啲，飲到係足料 ，真係用生果加冰打，唔係色素糖漿沖出黎。香蕉士多啤梨奶昔 😍 有士多啤梨粒粒架 ，飲到好重士多啤梨🍓同香蕉味，完全冇死甜味 ，好飲呀！一定要電話 ☎️ 預約呀！唔係full 晒 就白行😂 今日餐廳都full 晒 ，但就算咁忙，老閭都好nice ，一得閒就會同我地吹2句 ，講野風趣幽默。發現原來呢間餐廳開左好耐 18年啦 ，係老店黎！可以捱過疫情，到今時今日 ，相信係老閭既良心