御苑皇宴 (已結業)

We came here for lunch on Sunday. First, the price is hugely different and so it's more like 200 per person. You can find much better dim sum and Chinese bbq restaurant for this price or even cheaper. The service wasn't great but not rude either. Food was quick to arrive but it seemed cold and didn't taste good. We ordered the BBQ pork, rice roll, truffle & mushroom dumpling and a noodle dish. only the dumpling was worth it.

原先訂左位星期六中午飲茶，打電話訂枱，職員俾埋booking number我。去到星期六，門口職員好粗鄙話我哋，叫我哋排隊等位，酒樓無得訂枱，好似我哋尊登欺騙佢攞位，極藐視我哋6個有老有小。食嘢填點心紙，有幾碟點心變左外賣上，仲話係我哋叫外賣。。。就算幾少油少盬，味道有幾好，真係食得好唔開心。明明內部溝通出錯，點解都係客唔啱。

昨天和媽媽中午1:00光顧飲茶，點心紙更新了，選擇小左，價錢又貴左，優惠都減少了，連下午茶也消失了，我們也點了個有苦味的金絲脆麻花，超難食以往都有幫襯過，可能地點不太方便和Mega Box有很多酒樓選擇關係，之前星期六全日有六折優惠，星期日都好似有七折(不太記得)食物質素都ok 的，事隔2個月所有都變得差勁，聽都其他食客都問點解冇左下午茶，茶錢仲要$14元，坐低左就算，我諗冇下次，這個價錢貴過其他地區，以後不用轉接去這裡飲茶了

今日晚餐時份，心血來潮想吃中菜,經過mega box，決定去御苑皇宴。星期六晚上既mega box 人流不算太多，所以御苑都不需要等位。環境唔似其他酒樓咁嘈,環境唔錯！見到北京片皮鴨半隻都係$68，所以叫左半隻試下。平時d片皮鴨都係得一兩隻醬，但御苑既片皮鴨就多了一款柚子醬,隻片皮鴨同呢款柚子醬出奇地夾，可以中和片皮鴨既油膩,真係令人回味無窮！另外我地亦點了一個是日靚湯🥣🥣。今天個湯係粟米甘筍煲唐排。飲得出個湯真係無落味噌，好好味

因為已經9點, 見夜特登問清楚last order (10pm)同closing hour(1130pm). 落單個陣姓郭既服務員已經唔係太好態度,不過都無乜所謂, 小事. 到上菜,我地叫左個雲吞雞湯,郭服務員準備將個煲拎上來點知俾經理叫佢幫我地分湯. 佢塊面本身已經黑, 聽完個order之後對住我地張枱細細聲講左句xx老x. 我屋企人其實都無乜所謂, 明白佢唔係發我地脾氣. 無乜大不了, 只係佢個人比較無乜修養, 呢類型既酒樓唔可以expect太多. 到十點, 我地見其他人走哂,都想盡快食完走. 見d staff忙緊無茶我地都自己加, 廢事阻人收工. 到1015, 我地起身, 郭服務員就準備推架車準備清潔. 但因為我地有兩個小朋友, 3個月大同兩歲, 好多嘢執,所以慢小小. 郭服務員就講左句xx老x, 推開架車行左岀門口.我都知服務行業唔好做, 俾人阻收工就更加燥. 但對自己工作既基本尊重都無, 客人就受住氣咁食餐飯,都唔知為咩. 希望管理層可以留意下!

公司在這間酒樓舉辦週年晚宴, 事前需要跟這酒樓洽談各種事宜, 例如佈景板, 桌子擺位等等幫我跟進的經理, 三不五時就對我發悔氣. 問她們什麼時間可起菜, 她們回覆我: “你鐘意啦!” 這答案令我真的無語.還有另一經理, 我試佈景板, 叫他幫我試播什麼什麼,他用那木口木面的樣子回應我 .請問以上種種是什麼服務態度?當天晚宴前幾小時, 又見到了幫我試佈景板的經理. 叫他幫我試什麼什麼, 咀臉又是奔喪的樣子.但, 當我拿出紅包給他, 態度即360度的轉變過來, 他終於開聲, 笑容滿面問我點稱呼, 有什麼問題即管找他等等.原來想要紅包, 一早跟我說0麻! 當天食物是不錯的, 只是服務態度問題.

星期日想同家人外出飲茶 真的有點困難，等位要等好耐，所以每次我哋一家人都會走遠啲啲，走去megabox，每次都係去御苑， 其實飲茶都係點心~點心同埋點心，但今次坐低後見到有一個套餐，非常之抵食“週日午市套餐”八位用都只係608蚊，我哋九個人剛剛好，套餐有一個湯，三個餸，六個點心及兩碟炒粉麵我哋差不多1:00先到，所以老火湯沽清，轉飲粟米羹但係都好飲食物上枱，原來份量不小，而且味道不錯，認真超值低食3另外一提，跟茶位嗰碟小食酸菜都好好味

同阿媽去飲早茶,唔想行得太遠,所以就去咗附近嘅megabox.今日就揀咗依間御苑皇宴,其實一路都有去開,發覺點心嘅質素真係每況愈下. 幾鍾意食懷舊點心,所以叫咗個燒腩卷,真係大失所望.啲皮又實又韌,完全唔鬆軟,只有隔咗夜嘅包先至會有呢種質感,其實就咁望落去都已經睇到.裏面嘅燒腩仔乾爭爭,而且非常細嚿,真係非常差.粉果嗰層皮厚到呢,而且一夾上嚟就黐實對筷子.加上因為皮厚而破壞曬質感,裏面嘅餡料又頗為清淡,可以話係冇嚟聞味.總之食落去就係一塊冇味嘅厚皮加上冇味嘅餡料.如果合埋眼食完都唔知食咗乜.奇怪喇...腐皮卷明明浸著湯㗎喎,點解食落去會覺得又乾又嚡嘅呢,上面變咗色嗰撻嘢係咪因為曬傷咗?依一碟蜆介鯪魚球竟然就咁樣上枱,係咪原本一家四口,其中一隻鯪魚球唔生性離家出走?算,圓形嘅嘢碌嚟碌去係正常物理現象,雖然我從未見過咁樣.點解可以炸得咁唔靚,咬落去真係冇炸過嘅感覺㗎喎.仲有,蜆蚧點解可以稀釋到好似1比99咁,唔通廚房搞緊環保. 老實講,通常一間餐廳就算食物再差我都總會搵到1,2個優點,老闆都係搵食啫,又唔好講得太盡.阻人搵食猶如.... 我一向係咁諗嘅.但係今次咁差劣嘅食物質素實在令我不吐

Megabox 都有幾多茶樓 今日星期六 大部分茶樓都做全日嘅特價 即係唔會分早茶時段 或者下午茶時段 咁我地就大概一點半坐低咗😗環境幾光猛 坐得都幾舒服 不過冷氣就有啲大🤧 身體麻麻嘅我覺得吹到有啲唔舒服 下次都係帶返件外套出街穩陣啲鳳爪排骨煲仔飯 一打開 嗰條菜是旦放咗喺中間 賣相完全唔討好 廚師都幾求😥 而飯嘅份量都足夠嘅蜆芥鯪魚球 外層都脆脆地嘅 但係就細粒咗少少🐟丹麥皇冠叉燒酥 味道正正常常 但係我就食唔出丹麥皇冠嘅感覺啦🐷韮黃鮮蝦腸粉 層腸粉皮有啲散 一夾就爛雪菜火鴨絲窩粉絲 得一個字 大 份量好大 但係味道完全唔得 火鴨絲得好少 仲要十級韌 個湯亦都好淡 非常唔好食🤮如果下次再去megabox 飲茶 我應該唔會揀呢間 大把其他選擇好過呢間😥

想訓練耐性同EQ既朋友，歡迎你黎呢間茶樓。叫左5樣野食，最後黎左3樣，結果要去其他地方填飽果肚。最搞笑係追佢地2樣等左半個鐘都未黎既野，佢地check完話果2樣賣晒，完全無通知，我地齋等左半個鐘，咁唯有取消果兩樣野，但我地叫左取消之後就出現。叫左取消埋單，d伙記好似無視你既要求就走左去，最後要躁底鬧人先可以埋單走人。野食方面：蝦餃既皮好難咬，皮超厚，有成5mm，連豬肚都仲易咬過佢。一間食唔飽又唔比走又考牙力既茶樓，歡迎大家去挑戰!

星期日同屋企人一齊飲茶食飯 Mega Box有好多選擇 今次食左御苑 佢既點心都好有水準 全部熱辣辣上台 另外 蝦球蛋白炒飯 好新鮮 蛋味浸左係成個炒飯入面 蛋黃炸魚片都好香口 可以一試

今晚2個人去御苑皇宴食晚飯，平時飲茶經常來呢間食，但晚飯就今日第一次來食一坐低侍應就拎大呢碟前菜上來，酸酸地，都幾開胃瑞士汁乳鴿，做緊特價，平平地就叫左1隻試下！味覺中規中矩，都唔差半隻燒鵝，份量多，而且賣相都幾靚味道唔會太咸，再加上唔係好肥

第一次差評，問下有冇BB櫈第一次吾應人，問多2次先問番我要幾張，落單又係舉勁耐扮睇你唔到，D服務員姨姨反應好散慢⋯點心好睇唔好食，我知間間口水雞都唔同但佢D汁有點怪，紅豆沙頭幾啖係冇乜野，之後都係有點怪，假甜的味，後悔冇睇清楚評價

食物及員工態度粗劣👿😓😡😡😡1. 不要前菜，侍應便黑面說：「咁你唔好叫有優惠價的菜式。」😑😑😑咁小家🙄😨態度又差😡☹️🙁2. 京都肉排$98vs 京都骨$88:落單前已經問過，京都骨和肉排的分別，職員話肉排大部分是肉，所以我才叫肉排，給小孩和老人家，但實際上卻來了一堆好似黑炭又柴的京都骨🤭🤮🤮🤢😪侍應話今天只有這種貨，幫你在電腦改番京都骨囉🙄👻（但埋單時根本就沒有改到）👻👻🤡🤡👺👺有個侍應都忍不住問太燶，換過碟啦？？我話算吧😐她就說送糖水。3. 埋單時另一侍應問無前菜點解有糖水？員工無溝通，竟然如此問客人？？？🙄🤔🤔🤔最後，他們竟然收番D糖水😝🤣🤣🤣老闆真要好好訓練這些無禮又小家的員工。 真心話💕從來未試過如此令人反感的服務態度（包括經理及一班侍應）😡😡😡😪😪😪 無禮、欠缺溝通又小家，比難吃的食物更無法令人接受🤮😤😤😤😤😤

每個星期日指定節目就係同屋企人一齊飲茶， 我哋成日都會周圍去試唔同嘅茶樓， 一嚟又可以多啲人試多啲唔同品種嘅食物，另一方面又可以一家人聯誼下。 今次我哋去到megabox嘅御苑皇宴， 食物方面都唔錯， 一入到去侍應們仲安排咗張大枱畀我哋， 不過叫咗好多點心都已經賣完了。燒賣肉質有啲散， 味道一般！蝦餃唔錯，皮薄餡靚入面隻蝦大大粒啖啖肉! 潮州粉果我冇食到所以評論唔到!黑椒牛肉撻，黑椒味好濃，但係撻皮就比較凍！蜆蚧鯪魚球入面嘅鯪魚肉打得好滑， 配埋蜆介醬好好味！炸蝦角嘅蝦亦都好大粒！春捲雖然係炸物，但係一啲都唔油膩！鮮蝦腸粉既腸粉皮好滑，蝦肉新鮮爽口！牛肉球一般冇乜特別。大包入面嘅餡料做得比較硬身，感覺上唔夠熱。魚肚好大舊，夠足料！雲吞大大粒好好味!總括嚟講食咗咁多嘢， 埋單都係415蚊都算好抵食！