新潮軒 (已結業)

叫左個甜豆鵝肉炒飯即叫即整味道就一般似咸魚雞粒炒飯但冇咁惹味版純粹係填飽個肚唔知佢Ｄ鹵味會唔會好食Ｄ呢

我又出動搵野食, 今次係灣仔試下呢間打冷, 專登點"香蔗薰鴨", 要等成半粒鐘, 等就等. 上台香嘖嘖, 有誠意, 係即制唔係番熱就算. 色,香ok, 味道食落有肉質感, 唔會因為急凍/冰鮮搞到肉質太林, 唔油膩, 咸味剛好, 不會過份, 值得介紹. 再加碗白粥, 煲得唔錯, 唔會爛晒, 食到有米粒口感, 有風味.

搬回灣仔住已快將三年了，不知不覺間灣仔除了多了許多新的建築物外，街上的店舖都有著很多的改變，都怪租金不斷的上升，但又有好一些店舖是維持不變的，要說的是自從尚翹峰落成便開業的新潮軒，在一個不用煮飯的星期五，我和老公二人到了新潮軒吃晚飯。點了三個餸如下：1. 上湯浸潮白這個餸的賣相很吸引，有紅色的蕃茄、白白綠綠的小棵旺菜、粉紅色的豬肉碎、和橙色的蝦米，浸於上湯中，味道方面，鮮味而清新，味道淡得來不寡，淨食都可以餸飯，非常好的一道菜，下次在家中也要試一下這樣煮。2. 炸普寧豆腐炸普寧豆腐散發著獨特的咸香豆味，豆腐的表面很脆身和乾爽，吃下來一嚿接一嚿都不會覺得油膩，這道招牌菜果然做得出色。3. 甘蔗醺鴨最後來的甘蔗燻鴨也是招牌菜，煙燻的味道是有，但就是嚐不到哪裡有甘蔗的味道，鴨肉是比較乾身，這個侍應在我們點菜時已有提醒，這個偏咸的餸用來餸粥還算可以接受的。埋單大約260蚊，以食物份量和質素而言，是值得的，下次光顧的話會試一試其他的菜式。

全間餐廳得一兩檯，唔使等位，貪座位舒服有冷氣。點知....方魚肉碎蠔仔粥：味道好咸，成窩水多果粥。鵝片： 都ok, 一般貨式。韮菜鵝紅：呢個超咸！鵝紅鞋口。清炒疏菜：明明清炒標價$48, 指明要清炒芥蘭，埋單侍應話要收方魚炒芥蘭價錢，好取巧又唔寫明。兩個人連加一晚餐要$307，但質素同服務極差。侍應無禮貌，決定無下次！（順提一下，門口貼的二人晚餐$168侍應竟然話係6點前先有，完全感覺非常取巧！）

去完醫院探婆婆，跟住一家三口晚飯。滷水鵝片拼豬大腸 - 鵝片一般沒特別，大腸做得不錯稍入味。可是滷水是潮州滷食之精髓，沒特別 = 差。椒葉醬爆雞片蝦球 - 味道過濃，來的時候已經不夠熱；螿爆菜色跟日本味噌湯一樣，冷掉會味道過咸；另外雞肉很硬，味道有少許雪味。八寶豆腐煲 - 點菜時服務員細心提示，潮州八寶豆腐跟一般的不同，有些人可能會不習慣；其實意思是豆腐會有點煙燻的味道，不知道的人會以為是否"膿"了~ 豆腐不錯很滑，配菜其實跟一般八珍豆腐煲差不多。胡椒酸菜豬肚湯 - 胡椒"太充足"，湯味道過辣，完全沒其他味道。白飯2碗 - 全晚最得係呢個，偏硬合我胃口。金銀蛋浸通菜 - 本來點了一個芥菜煲，最後通知我們沒芥菜所以轉了這個，這個菜味道很難做得差，不作評論。但也因這個菜引出了題外話。埋單時候媽媽檢查帳單，發覺下的還是芥菜煲的名字及價錢(浸菜$68, 芥菜煲$88)，叫櫃面大姐(初初以為是老闆娘)過來問一下，她說因為經理不在，所以不能改單，剛才的金銀蛋浸通菜已特別改大以補回$20的價錢差距。我們免得理論所以照單付帳，但是我想：1.) 為何不在通知我們沒芥菜的時候同時通知我們有這樣的安排，而是

一點鐘喺灣仔搵位食飯真係好辛苦，又要排隊，坐得又唔舒服，食野時間又短，重要加一服務費，所以都係外賣自取最化算。今日小弟揀左試食潮州野。手持一張新潮軒舊年所派發既外賣單，諗好要食個濕濕地，又有米氣o既蠔仔粥。打電話同個姐姐仔落單時，心想價錢應該會因最低工資而貴左啦，但意外地價錢冇變，重唔洗加盒錢添，cheap精XO仔o既心情頓覺興奮。姐姐仔叫我十分鐘後自取，在下計準時間，落到去果然已經準備好，加埋收錢找錢全套服務，絕對冇浪費客人半分鐘時間，效率真係高。方魚蠔仔肉碎粥：公司同事初時估計一碗粥o既份量為一隻大飯碗左右，應該食我唔飽。點知我攞到返公司，打開個盒，見倒咁多料，咁多米，同咁多湯，大家都話$38好抵食呀。大家小心睇熱呀！ＸＯ第一口差Ｄ辣親條脷。潮州粥好似泡飯咁，米比較硬身，所以唔可以食得多，容易滯住滯住。新潮軒個蠔仔粥雖然多飯，好彩足料同夠湯，比例掌握得好好，我個胃都冇投訴。蠔仔嫩滑肥美，肉碎唔嚡，整體唔油膩，味道唔會咸或腥，大家不妨一試。細食o既朋友可以考慮兩個人分一碗，再加碟滷水鵝送粥。（請留意：因為冇逗留喺菜館度食，所以唔可以為環境同衛生作公平評分。）

午膳於灣仔新潮軒，一行二人需和其他食客「搭枱」。午市套餐含例湯或餐飲一客。是日例湯紅蘿蔔豬肉湯，食材味道不算濃郁鮮甜，一貫茶餐廳例湯水準。小菜生炒骨肉質頗腍，有點似煲湯豬肉，無骨，都幾好食。鮮蝦水瓜烙煎得幾香，水瓜夠嫰，但鮮蝦則唔係幾鮮喇！餐飲凍奶茶，茶奶味一般，不到茶餐廳應有水準。

因為中秋節，我與家人一早訂了位、預留了朋友介紹的必吃推介，在新潮軒開懷大吃一餐。實在太滿足了，所以不得不在這裹讚一讚：1. 最愛是店長介紹的紅燒龍躉。我全家都愛吃紅燒做法的小菜，但從未嚐過如此新鮮味道、而且恰到好處的火喉，入口一刻大叫精彩。如此矜貴的鮮魚，只收$200多，好抵！2. 鵝片是必吃的一道菜，肥廋適中，沒半點羶味，鹵水汁鮮味濃郁，很久沒有吃過那麼優質的水準。3. 一向鍾情煎炸的蝦棗、蠔煎、糖醋麵，師傅做得不油不膩，碟上不見半滴油，所以吃過不停口。糖醋麵是一个特製的可愛心心形狀，我的仔女看得笑呵呵呢！4. 店長見我們有老有嫩，介紹了一個健康好味的蕃茄湯浸苕菜，意想不到的鮮味，下次一定再叫。5. 最後的甜品反沙芋和綠豆爽也是好味過人，甜味適中，又是一個鮮！難得在灣仔街市找到如此好味抵吃的潮洲菜，伙計招呼超好，環境乾淨而尚算寬敞，我們吃得＋個滿足！

昨晚下班後到灣仔《新潮軒》試吃廣告推介的四大皇牌之一「古法手打魚蛋粉」！ 到達時已接近晚上八時，便問店員有沒有「古法手打魚蛋粉」供應？女店員回答今天(i.e. 30/08/2010)是最後一天特價供應，便order了一碗。 河粉的份量足料，沒因$13.00一碗已減少份量。有兩片魚片及三粒魚蛋，間中發現有小魚骨，也很彈牙！值得一讚是配料，有數條白菜仔、冬菜、方魚塊，很入味！沒有令人失望。 我也外賣了一碗，給家人試吃。他也說不錯，湯也很入味！ 根據昨晚的生意額，應該有80%-90%的入坐率，有些是老街坊熟客，也發現有兩位年青男士的上班一族，像是初次幫襯，坐在圓卡位中間位置。 話說回來，昨晚是首次在食店內遇見毅力兄，有點意外！

回家吃飯, 家人都歡喜吃鹵水掌翼, 就以去了一間比較有名的專門店來嚐試.買了 3 隻大的鹵水掌翼 @ 18 + 4 件$10鹵水豆腐鹵水汁好香濃, 吃起來也有一點花椒八角味, 令到掌翼同埋豆腐看起來也很吸引.大掌翼果然夠大隻, 多肉, 外皮還帶點爽口. 掌尖的指甲刴去, 平凡中有一點細心.豆腐比較實淨, 如果可以嫩滑一些那就最好了. 不過它是很有豆味的.

係灣仔返工 同事提議黎呢間生潮軒試下入到去坐低 一般茶餐廳咁的裝修睇睇餐牌 一位同事點了招牌菜鵝片飯我跟另一位同事叫左生炒雞絲飯事頭婆話炒野要等4~5個字心想20分鐘都還可以吧結果叫鵝片飯的那位同事食完了我地個生炒雞絲飯都未黎但就見到隔離枱遲過我地30分鐘入黎湯都未飲完佢地就已經有碟炒飯上枱!!我地問返事頭婆點解佢地重快過我地佢就淨係識話炒野係要等4~5個字結果我地等左足足9個字先有得食! 碟飯黎到諗住佢慢工出細貨啦結果一食落去 D飯濕O既!雞絲得果三幾條又難食本來人肚餓的時候應該食乜都會覺得好食D但呢碟野真係冇得加分裝修差, 服務差, 食物差三差竟然賣到$38一個午餐絕對冇下次囉

來自潮洲家庭，對潮洲菜有一定的要求。今次到灣仔街市側的生潮軒午膳，刻意點了最傳統的幾樣菜式，試試此店鋪是否能烹調正宗潮菜。先來當然是滷水鵝，滷水味道香濃，此店用獅頭鵝作材料，肉質鬆軟香滑，風味十足。第二道菜是水瓜烙，餅煎得外脆內軟，而且餡料與餅料比例適中。再來的是一碟香噴噴，熱辣辣，鑊氣撲鼻的欖菜四季豆，豆是短切的，欖菜是店製的，欖菜的咸香配合四季豆的清甜，與白粥同吃，家鄉情懷，口中盡嘗。最後來的是與滷水鵝一般經典的川椒雞，川椒醬份量適中，鑊氣十足，配上翠綠通透，脆香可口的玻璃珍珠菜，色香味俱全。最後，不可不提的是此店竟有奶茶咖啡供應，而且咖啡是即磨的，凍飲熱飲，香濃可口，值得一試。

個日行過去，見門口大大個字話二十蚊條鵝頸，見啊爸每晚都會買D野黎送酒，今次經過咪買小小野番去"乙水"下佢囉…點知…遇到黑店入到去話買鵝頸，唔夠十秒，個老闆娘話三十蚊，我奇怪喇？門口明明雞咁大隻字寫二十，入到黎收我三十？？我問點解，個老闆娘話：二十個D賣晒，得番三十…之後我話咁我唔要喇，個老闆娘又話：咁收你二十五喇！嘩！嘩！嘩！你係真唔係啊？？三十賣唔出，收二十五都得，咁點解你一開始唔收我二十五呢？？最後諗住話唔要，個老闆娘話：切左喇，無得唔要…咁都得，明屈！！NO NEXT TIME....

Our 2nd time visiting this place; no disappointment again - we were very happy with the services of the very friendly boss - may be we spoke the same language - Chiu Chow dialect. The boss-friendly gentleman gave us special attention 9we got a special pot of 功夫茶) and his staff were all very attentive. We met the celebrity writer/TV host for foods program, Mr. Au Yeung there again. This time, we ordered special cold fish plates including 琵琶蝦 (from $100 a piece), 海烏頭 - we were told this was differ

夜更的士朋友帶我到灣仔食飯, 兜來兜去都唔知食咩野好, 可能灣仔實在太多選擇喇!泊低架車, 一行三人去左灣仔道”搵食”, 行行下去到呢間, 門面好似一般茶餐廳, 貼左d 明星相介紹囉! 膽粗粗入去試下, 叫左中既鹵水鵝片, 鵝肉都 ok, 冇咩肥肉, 蠔餅都好食, 咸菜豬肚湯就一般, 方魚芥蘭同埋反沙芋條, 其中呢個芋條有驚喜, 好好食, 外面沙糖好乾身, 包著芋條, 又唔會太冧! 晚市可能客源唔同, 見到好多枱都飲紅酒, 好多熟客幫襯, 但係位處街市既街尾, 感覺係茶餐廳既外表, 想做得高級d, 但係做唔起果個感覺!