住家菜 (已結業)

小弟一向有味精敏感症，通常吃一些落「師傅」落得重手的菜式，我都會感覺得到，最大劑是會呼吸困難，所以我出街吃飯都會很小心挑選。現在有很多餐廳都標榜無落味精，當然，很多醬料及調味料其實都同出一轍，吃得多也是沒有甚麼益處啦。路過北角，見到有間小店「住家菜」，是地道茶餐廳 feel，我就是被它門前寫着「唔落味精」吸引入內。揭開略為殘舊的餐牌，七款選擇一律$33免加一，以今時今日出街食飯冇$40都落唔到樓，$33收費算便宜，我自己就挑了「金針雲耳蒸雞」。先來的「青紅蘿蔔例湯」，一看就知對板，沒有揸流攤，湯渣多得誇張，味道清甜，喝得出沒有下味精，的確甚有住家 feel。「金針雲耳蒸雞」上場，附上大量蔬菜，有點令我喜出望外，娃娃菜只用鹽及水略煮，甚健康。蒸雞的調味也不錯，雖然略為多油，但就真的很 Mama taste，是簡單的用豉油糖豆粉醃過就蒸，好下飯。這天看見小店內食客不絕，看來實而不華及收費公道的食肆，仍是大家的至愛！

是日用膳時間十分充裕，可以到不同地區開餐，先前想去吃漢堡包，可是卻又改變主意，先去吃一個無味精的住家菜。之前去過尖沙咀分店吃午餐，感覺上不錯的。今天人在北角，也正值用餐時間，不如來個簡單的客飯，而且價錢也相對便宜，又可以吃到無味精的例湯，何樂而不為呢？京都豬扒可算是京都骨的變奏曲，但是京都豬扒卻沒有彎油炸，只是香煎了豬扒，再加上了酸甜醬汁，而醬汁裡也有關少量的菠蘿。吃一口豬扒，當然沒有炸過的香口，只是入口鬆軟，蘸上酸甜芡汁，也覺醒胃。京都豬扒亦有其肥肉在內，使肉質不至太嚡。而伴碟的椰菜，也沒有落鹽的炒，味帶清淡，猶如白灼般淡口。例湯為赤小豆扁豆粉葛煲排骨湯，是一盅老火靚湯，湯料也十足。喝一口帶有濃郁的味道，不單有赤小豆及扁豆味道，也有強烈的粉葛味，而且完全沒有下過味精的例湯。整體來說味道不錯，倘若豬扒如京都骨般汏炸過，相信味道更好，而例湯亦有水準。

大約七時與太太及女兒在北角行完街，想找些好嘢食，見話住家菜沒有味精，有卡位便坐下，突然聽到碰碰的撞擊聲，原來有食客在玩大話般，剛點了菜，但我們已經想離開，我們仿似置身酒吧一樣，每格一兩分鐘又「碰」！感覺很差，但店主並沒理會，真難理解！叫了三個餸，其中叫了推介肥牛粉絲煲，並改了金菇做冬菇，粉絲煲到了，不見任何菇類，只見牙菜及肥牛！肥牛質量之差勁前所未見，三口子都覺得很難吃（趙不下），算了，心想他們只是揀錯肥牛而已！追了跟餸的二碗白飯一次...二次到最終只是來一碗，三口子只吃了一碗飯！買單百六，似老板娘的女子，話錢照全數付，因飯是跟餸的，不會扣的，我當然知道，不過做生意之道，難道要我教你麼！算了！走出英皇道見到榮式燒雞，再行過健威花園，見到各式各樣的食店，我們真極度後悔！(^O^)

之前係頭條日報定唔知邊份報紙見到"無味精、住家菜"已經好想試聞名不如見面，琴晚就同男朋友仔去食@@嗌左一客西檸雞同埋西蘭花炒斑片,每個小菜配一個白飯&一盅湯or熱飲凍飲加$2.檸底加$2我要左一盅例湯(菜乾合掌瓜)男朋友仔要左檸檬茶小甜.d餸好快就到齊.個湯好好飲,真係無乜味精味.檸檬茶唔洗小甜都得!服務態度都唔錯,可能係晚市既關係,環境尚算清靜下次會再黎!!西檸雞個汁好好味,好香檸檬味!!D雞炸到卜卜脆好正西蘭花炒斑片真係會番啅西蘭花煮到好林好好味,易入口斑片都好林,好好味,整個餸都好正*而且有個位係for10個人座既@@幾舒服架!而且門口都有得泊車

見係新開，同同事食午餐，就來試吓，$32叫咗「乾炒肉片河」加熱檸茶，食物好快到，可惜勁油，有色水但不夠味，要加辣椒醬，食三份一已經不想吃，水準一般，地方不大，茶餐廳格局，很嘈，不只是人聲，加上電視聲，還有餐廳特別加大聲量嘅電話聲，侍應不細心，午餐時間坐落都無比午餐餐牌，尚算勤快。