影片
以上資料只供參考, 請與餐廳確認詳情
這一間團購是友人選購的，$168二人Charmis洋食屋日式Fusion晚餐(包加一)。什錦刺身，原本只有三款，由於下單時我表示不太喜歡魚生，店員很好人的特別多給了我款式試，擺位已有心思，刺身都很新鮮，好味，魚生不腥。蒜片辣茄汁鮮蝦意粉，有四隻大蝦，和一些如蝦米的小蝦，頗惹味，蝦新鮮，但整體不算出色，材料不多，意粉煮得較軟。可自己放糖醬的凍檸茶，茶味不算濃。星期六晚上九點多，店舖沒什麼客人，似乎生意不是太好，這裡的刺身比較出色，其他都屬普通，這一餐融合茶餐廳feel(湯和意粉、日本feel(刺身)和西式feel(凱撒沙律)，感覺頗新穎，團購價錢來說算幾抵食。
繼續閱讀
阿女系天后畫畫，放工前仲花了廿分鐘系openrice搵定地方，諗住簡單食個飯就返歸，但都無乜心水，去到同太太同阿女會合後咁啱經過呢間餐廳，睇睇menu好似唔太貴，就入咗去。入面地方唔太太，左邊前半部係吧枱式open kitchen，後面係廚房，右邊全部都係卡位，約6卡左右。係坐底睇清楚menu之後發覺佢有日本菜同意大利菜食，亦都有幾款套餐，約$200/人，但我地只係諗住食d簡單野，所以叫咗個蟹籽三文魚炒飯同一個滑蛋豬排飯。蟹籽三文魚炒飯幾好，料夠足、唔太咸，飯粒唔會"痴"住，但略嫌多油。滑蛋豬排飯好正，裡面有應有嘅菜絲，份量啱啱好，唔多唔少。而豬排係用炸豬排，脆皮好好味但唔會好油。另外再加咗d壽司同手卷，味道都唔錯。
繼續閱讀