影片
電話號碼
29613340
特色
包場派對
營業時間
星期一至日
07:00 - 22:30
以上資料只供參考, 請與餐廳確認詳情
驅車到養和醫院，既不想將車子停泊其內，又不諳門路，最佳的處理方法自是於英皇駿景酒店享用晚膳，順道把車子交托於酒店門前彬彬有禮之代客泊車人員。 英皇駿景酒店之中菜廳享負盛名，貴為米芝蓮推介餐廳，其四川麻辣火煱，水煮魚等都讓食客一試難忘。只是咱們倆小口子卻難吃下這麼多的菜式，遂選擇光顧位處一隅，四樓幽靜雅致的咖啡廳。 閒日晚上的咖啡廳人跡稀少，除了咱們，就只有另一檯食客。與經理閒聊，他居然表示今天已算人多。昨夜暴雨，餐廳連一檯食客也沒有。小的數度重臨，其實餐廳出品非常不錯，在酒店能以百多兩百元的價錢享用套餐美食，絕對價性比高。只是咖啡廳被樓下中菜廳「駿景軒」之風華掩蓋，又沒有作甚麼的推廣宣傳，遂變成了滄海遺珠，要像小的這個識途老馬始知門路。 晚市套餐有西式及亞洲美食以供選擇。老伴推蔫小的享用羊架，小的卻知他偏愛鵝肝牛柳。為免一餐食肉太多，咱們揀了後者，與及港式風味的焗豬扒飯。 西式套餐由於價錢較貴，故配有前菜。而這一道白酒浸三文魚青露筍沙律配青檸汁可謂絕無花假，剩看賣相已屬一流。以麵粉打造的銀絲卷雖然淡淡的沒有甚麼味道，卻提升了視覺觸感。三文魚小的其實較鐘情刺身，不過以白酒浸薰亦是別具特色。在魚腥之中透出淡淡的酒香，最適合小的這酒鬼品嚐。底層鋪上沙拉菜並在一旁整齊地排列著一條一條的露筍，既清新又突顯廚師在餐碟佈置上的功架。 鵝肝牛柳份量也不少，二百多元配有前菜餐茶著實超值抵食。鵝肝非屬吝嗇型的小小一片，只可惜味道方面則略嫌偏淡，入口有點兒鬆散，質素一般，非屬老伴與小的所愛不健康式的焦燶香脆。 至於牛柳的質素則尚佳，軟軟綿綿很好入口。比之在FCC外國記者會裡所嚐那又小又乾又硬的澳西蘭牛柳絕對有天淵雲泥之別。而置於牛柳底下的配菜項目繁多，西蘭花、椰菜花、小甘筍、鮮冬菇林林總總。即使是大胃王也不怕填不滿肚腸。除了蔬菜，伴碟更有數顆炸薯仔球，比一般薯條薯粒更顯心思。這一碟鵝肝牛柳的賣相同樣極美，菜肉鵝肝層次分明，大廚還特意在碟邊利用醬汁描畫點綴，砌成一副錯落有致的藝術圖畫。 中式焗豬扒飯則付有例湯，聽到中湯乃老黃瓜瘦肉，這麼滋補清潤的湯水又豈能錯過？餐湯的質素不過不失，雖則有點似茶餐廳的例湯，但相對地材料便要豐富一點。 焗豬扒飯有大大塊的厚切豬扒，小的吃完一件又一件，彷彿是吃不完似的。茄汁的酸甜度做得恰到好處，屬真真正正香港口味的酸裡帶甜。這麼優秀的醬汁小的又怎會覺得足夠？由於醬汁未夠豐盈，未能做到完全包裹著每一粒米飯，對超愛醬汁的小的而言便略為不足。但對老伴來說則是剛剛好矣。 吃到一半的時候，另一檯食客已結賬離座，變成咱們獨霸整家餐廳。店員大概等著咱們收工了！於是咱們也是匆匆的吃完便走，以報答他們殷勤周至的服務。
繼續閱讀
這是時昌第二次到英皇駿景酒店搞員工派對. 主要原因是服務質素一流, 食物好味,賣相好． 尤其是香草羊扒及芝士蛋糕，十個同事吃後九個讚好．很快就被一掃而空．餐廳內環境整潔衛生，有卡拉OK提供， 員工又吃又唱又玩，個個都好開心, 大家都盡興而歸!在此要特別多謝服務員的殷勤服務, 希望英皇會嘉獎此等好員工!
繼續閱讀
跑馬地不嬲都唔係搵食之選，因為地鐵唔到，位置又隔涉，今趟哩駿景，純粹因為信用卡優惠，有6折喎，精選晚餐$188-$258，其次個餐單選擇又幾吸引嘅，否則，再平都未必嘥時間走咁遠哩試啦！因為第一次哩，睇定地圖確定吓位置，都近電車總站，搭新巴都方便，所以唔難搵。一晌以哩，對酒店嘅coffee shop嘅印象都偏向高檔次、有格調、有氣氛個種，但搭電梯上到哩，完全兩回事，地方細細，座位唔多，全場得36個位，枱凳、燈光、整體環境都比MacCafe更普通。一個侍應睇晒成個場，可見依度對佢自己生意額有幾多「信心」，實際上今晚又真係無乜客，哩到之時有一枱客，但得一個人，我哋係第二枱客，其後晏D有第三枱客，一家人成5個人，直到我哋差唔多九點走，都未再有人哩！更搞嘢係，晌近水吧位裝咗部大電視，播緊無線，未有落單或上菜時，連個侍應哥仔都睇埋一份，真係估唔到此情此景發生晌酒店嘅咖啡室，有點點屋村茶餐廳個種家庭味道，當然我都唔介意個環境，不竟我哩係食好嘢，唔係食環境，咁樣反而令我少咗份拘謹，唔使講咩餐桌禮儀之類添，爽呀。香芒蟹肉沙律沙律打頭陣，清清味蕾兼醒醒胃，芒果肉香甜，蟹肉鹹鮮，沙律菜清爽，油醋汁酸溜溜，整個沙律就係咁簡單，無花巧，但食出材料質素及鹹甜酸爽嘅配合。野松茸菌忌廉湯跟住細細個嘅香草麥包，配一個濃湯，睇色澤知佢唔係行貨，野松茸菌味道甚濃郁，每啖都真係感覺到佢嘅精華，湯底又做得夠滑身，唔會水汪汪，又無話杰撻撻。而且，食完個沙律都要等好一陣先上個湯，所以，覺得佢唔係話一早煲定一大煲當例湯咁，可能有D工序做定，有單到就再加工咁！炭燒三文魚柳伴老虎蝦配天使麵太太鍾意食魚，所以主菜佢揀依個天使麵，係唔係真係炭燒就唔係好肯，因為食唔到個種炭嘅香燒味，不過件三文魚就做得好外皮香脆，內層又出奇咁嫩滑，而且大大件份量十足，好有睇頭；老虎蝦雖然得一隻，但一樣大大隻，去晒殼，可以豪氣咁一大啖食落去，蝦肉爽口，不過唔算好彈牙；天使麵煮得啱啱好，果真柔軟如天使髮絲，最怕煮到「爛pat pat」，所以，幾樣食材都做得咁好，令到整碟天使麵都表現出高水準。燒紐西蘭羊扒配洋蔥炒薯角平時少食羊，所以主菜有得揀就要揀食佢喇。燒紐西蘭羊扒一客有三件，每件都唔細，所以過足癮，當然都要件羊扒好食架，咁確實D紐西蘭羊扒真係幾正，豐富嘅羊味唔太羶，軟熟食落無渣；配上炒洋蔥同薯仔角，再沾D燒汁同食，一流呀！掛住食，無影相添，仲有，睇住電視哩鋸扒，除咗晌屋企，出街未試過，嘻嘻。 香蕉班戟伴芝麻雪糕嘆完主菜，我哋都抖咗一抖。輪到甜品登場，班戟餡料無得揀，指定係香蕉班戟，但勝在班戟皮煎得好夠薄，香蕉肉又熟得夠透，無生青味，而忌廉落唔太多，咁女士都唔怕肥啦；至於雪糕同樣都係得芝麻味無得揀，芝麻味香而奶味唔重，應該唔係貴價品牌嘢。賣相做得麻麻哋，隨意咗D，要挑剔係個雲喱拿汁，落得少之餘，唔見有雲喱拿籽，明顯係用香精做，不過都算係小事一椿！ 即磨咖啡食完個味美西餐，嘆杯即磨咖啡，又係估唔到飲落幾醇香、幾滑身！食咗一餐好嘢，真係令人幾身心舒暢。個個星期都會轉菜單，所以今日唔知聽日事，有心去最好問問有咩食，通常主菜會有海鮮、牛和羊三揀一，視乎食咩主菜收咩價錢，可惜，做咗一轉信用卡優惠依家就無再做，單睇價錢感覺就唔係咁抵試喇！希望第時見到佢出多D優惠啦！
繼續閱讀