影片
以上資料只供參考, 請與餐廳確認詳情
改左名叫東一拉麵，位置無變的d 猪頸肉好好味，有咬口，個燒汁都好好味，好夾個湯都濃味，又唔會太濃，剛剛好重緊要價錢唔貴，依個價錢食到拉麵好難揾了，又好食不過枱唔多，好多時要等位
繼續閱讀
好耐冇去屯門，當然要搵吓值得支持嘅餐廳啦。紅橋嗰邊有好多良心小店，呢間平民日式拉麵店就係其一，最平唔使四草嘢就有碗拉麵，真係邊度搵，而且質素絕對對得住個價錢有凸。叉燒拉麵（$42），湯底轉咗昆布魚湯（另外仲有地獄辣湯、咖哩湯、麵豉湯）。昆布魚湯好清但味濃，味道似用鰹魚粉開；麵底幼曲麵條，鹼水味唔重，有咬口；兩片叉燒望落以為好嚡，但食落又好淋又入味，唔錯；最搞笑有塊火腿；另外配菜好足，有半隻雞蛋、粟米粒、昆布片、蔥花。下午茶時段（3：00-5：00）仲送汽水。咁嘅價錢，味道、質素、份量合格，真係冇嘢可以投訴。吉列豬扒拉麵（$45），default係豬骨湯底，唔油膩，味道反而偏向似中式豬骨湯。吉豬即炸，味道正常。
繼續閱讀
工作忙碌 收工又冇時間煮飯想食碗麵 慰勞吓自己係屋企附近搵咗間拉麵食$50左右已經有一碗面同埋小食我同老公一人一碗麵，老公食炸雞烏冬加底，我就食鹽燒鯖魚烏冬不嬲都知依到既炸雞係好味就 啱哂口味雞好濃味 又熱 又即炸 油味唔重另外，我自己個靖魚烏冬就正常簡簡單單就慰勞一下辛苦嘅自己啦
繼續閱讀
餐廳唔算大，得4枱左右，每次去都要擔心會唔會食唔到🤣，不過我都好好彩次次~12:40pm去都有位價錢十分親民，$50都已經有個高質既拉麵/烏冬今次叫左個炸蟹鉗烏冬😍😍，加2蚊轉左個昆布魚湯底，唔好睇佢好似好清，但食落又好夠味bor$50有4隻炸蟹鉗，仲要隻隻都好足料，夠哂咬口!!咁平去邊到搵啊?! 男士們就可能要留意下，個份量就唔多，可能叫飯就會飽D，女士們就岩岩好!不過呢間餐廳就只適合快食，唔適宜同朋友坐好耐吹水gather，始終位唔太多，而且係圓櫈，坐得太耐都會唔舒服
繼續閱讀
無人講我講。紅橋餐廳雖多, 要不排長龍, 要不超出預算, 兩條友推住單車更難搵食。岡一在紅橋開張已久, 透過玻璃窗正好看守單車, 一於試試。家庭式經營的小店四五張枱, 臨近晚市陸續坐滿, 食客多隻身而來, 只為回家前吃上一頓價廉物美, 從奔波勞碌中解放, 大有深夜食堂的氣息。先端來煎茶, 然後是章魚丸, 還有咖喱豬扒飯和軟殼蟹拉麵, 可以加底, 沒有花巧的裝潢和擺盤, 一切簡單乾淨, 是很貼地的餐廳。主菜都是炸物, 香脆肉嫩, 調味恰到好處, 配菜諸如蔥花洋蔥適度點綴, 惹味得後悔沒有加底。
繼續閱讀