33
2
1
電話號碼
28933037
55990018
營業時間
今日營業
18:30 - 21:30
星期五至日
18:30 - 21:30
以上資料只供參考, 請與餐廳確認詳情
首先,我會覺得呢間餐廳係食風味嘅,唔係食個大廚用幾出色嘅烹調方法,而係食啲材料有幾新鮮/Organic,同埋食物嘅配搭設計。其次,亦要知道餐廳係做緊鄉村風味嘅裝修,我當晚係好好天去幾有feel,但如果打風落雨就未必咁舒適。唔好Expect會係高級餐廳咁,至少係乾淨舒服,睇得出佈置有心機同精美嘅。再者,亦係我覺得刺激嘅事情——冇餐牌選擇,第一次食嘅我完全係玩驚喜。仲要我平時食得好簡單普通,好少試新嘢,所以對我黎講每道菜式都有我未食過嘅嘢⋯⋯我亦會好驚啲味道好奇怪,但因為尊重成件事,細食嘅我都竟然做到全部都清碟!食物份量唔多,大胃人嘅可能食唔飽,但女仔一般都會覺得飽。建議揀飲擇食嘅人千祈唔好去試,會浪費左廚師嘅心機,但講真,我覺得全部都食得落肚嘅,冇啲好奇怪嘅味道。非常之利尿嘅飲品,飲左一小杯已經要去兩次廁所。甜甜地,不過聞落有浸青味,我唔算好鐘意,只係飲咗一杯。前菜除咗乳酪之外,上面冇一樣嘢係我食過嘅⋯⋯我算係鼓起勇氣咁食。甘筍係醃過,有酸酸鹹鹹嘅味道幾特別,亦係脆卜卜。牛奶果第一次食。米紙組合分開食會怪怪地,但一啖放哂入口係好食嘅!菜湯係西洋菜湯咁嘅味,但係口感似飲緊西湯。生豆苗第一次食,青青地,要將佢同個湯溝埋先可以減少啲青味。麵包正常。成餐飯我最鍾意係呢個沙律,個汁係熱情果加唔記得咗,咩總之酸酸甜甜好好食!啲菜好新鮮,水果有幾樣我平時都唔會食嘅,但已經唔記得咩名,絕對唔係普通蘋果沙律嗰啲,而係似你去效野集咗唔同嘅水果返嚟做沙律嘅感覺,乜都有少少咁。主菜,薯仔好好食,切片後經過班主唔覺得好有薯仔嘅澱粉味,而係調味後舒服嘅味道。牛油果就咁食我會好驚,但係佢調味之後好食咗好多!除咗青椒入面有朱古力呢個組合令我覺得⋯⋯之外,其他都好好食,本身個青椒都好食,我諗係因為個朱古力太苦。。整體嚟講冇一樣調味我會覺得好鹹。餐飯俾我嘅感覺就係慢慢上菜,慢慢品嚐每一樣材料嘅味道,廚師精心嘅調味。。建議大家唔好摸黑行路入去(雖然今次我哋來回都係行路,因為有黎過幾次嘅人帶路),最好係坐的士去的士走。有車嘅話,一班朋友過嚟與世隔絕咁吹吓水都幾開心,店員都好熱情有禮貌笑容滿面,令人感覺舒服,同埋佢哋都好樂意服務客人咁。。推薦比食素或者唔係食素嘅人。
繼續閱讀
同以往一樣,今次都係帶埋狗狗🐕嚟,坐室外。難得撞正平安夜🌲❄️係餐廳營業日,提早就訂咗位。今次的菜式同夏季時有啲唔同,因為時令食物會隨時間變化,食物送上時/後都會由老闆娘/helper介紹食材,不過一個菜有好多材料,好難記得曬,下面淨係寫咗啲我有印象的食材😙:welcome drink🍹:薏米、巴蘭、玉竹頭盤:麒麟果、鴨腳木蜜糖、乳酪、百合湯🥣:豆苗、杞子手工面包🍞沙律🥗:羽衣甘藍、天貝、釋迦、沙律菜、熱情果醬主菜🥘:薯仔、藜麥、牛油果、蘿蔔仔、黑朱古力、甜椒、大啡菇、芝士、火箭菜、蕃茄仔、蘆筍甜品🍰:雜苺、朱古力蛋糕、杏仁天氣凍時,花園會起個火堆🪵🔥,而今次仲有個天文望遠鏡,可以睇下月亮🌝。火堆會用嚟煮masala tea🫖☕,差唔多喺食完套餐後送上。狗狗應該好鍾意嚟呢度🐕🫶🏻,因為食材係素菜,好天然,加上煮法簡單食原味,所以大部分菜式我都會share埋俾佢食,佢次次嚟都可以食大餐架🍴🥳!
繼續閱讀
非常足料嘅沙律菜單設計可見心機食材用料新鮮份量充足感恩香港有間咁純粹嘅素餐廳雖然地點比較偏僻,但為咗一試純素自然嘅OMAKASE,都值得行一趟。只要有時間我唔介意再山長水遠入嚟再食。
繼續閱讀
支持小店同本地種植 🌱🌿🍀[🍄🍯本地有機姬松茸 、蜜糖乳酪樹膠、紅石榴]新鮮姬松茸較少食到,燒到勁香,菇味濃郁!樹膠甜甜地,春夏開胃小食。[🥣🌿 本地白磨菇親子忌廉湯 (枸杞葉+枸杞子)、提子麵包🍞]白磨菇同菜味perfect balance! [🫘🥬 炸羽衣甘藍、豆餅、番石榴汁沙律菜、各種生果]羽衣甘藍炸到似紫菜,加左鹽粒脆卜卜 🤩 沙律份量好大,細食人士食到呢度已經有飽足感😂[🥔🥑 蘋果粒薯蓉、焗啡菇、芝士焗牛油果、黑朱古力黃椒、蕃茄露筍]所有食材都好新鮮,好食、好食、好食!最特別係黃椒入面加左黑朱古力 🍫,幾得意~店家好細心咁放左蚊香,惹🦟如我都冇俾蚊咬(當然事先都噴左蚊怕水加多重結界)。由於遠離市區,請做好遇見不同昆蟲嘅心理準備😂👉🏼WhatsApp訂枱,須俾訂金👉🏼只收現金👉🏼沒有餐牌,omakase veg version,不時不食👉🏼人均消費 $350-400,小朋友可以order半餐⚠️由於中間會行經過其他村屋先到店家,周邊養左好多看門口嘅大狗,怕狗人士注意。但有鐵絲網,佢地出唔到黎嘅
繼續閱讀
.°゚・ 🥗 ᴏ-ᴠᴇɢ 素苗 °゚・ ᴋᴀᴍ ᴛɪɴ//一直都知道高埔村有一間素食私房菜終於找到朋友跟我一起去這個山旮旯的地方要先預約及落訂金 建議順道到鄰近的比比書屋 渡過一個下午六點左右再過來剛剛好環境樸實舒適 我們可以坐戶外的位置這裏的素菜真的有驚喜Farm to table 配搭有創意 用料新鮮 味道清爽自然 沒太多添加絕對飽肚果腹 不會有空虛感沙律🥗有個柑桔 烘過的羽衣甘藍口感豐富烤牛油果絕對是我吃過最好的 剛熟的牛油果 🥑 烤過後香味很好//四道菜每位$350🍹 Welcome Drink :玉竹竹蔗香茅班蘭蓮子椰子水🍉 Appetizer: 麒麟果配紅毛丹樹膠🥣 Soup: 南瓜湯配豆苗青豆🥗 Salad: 石榴汁沙律🥑 Main: 大啡菇焗薯蓉及牛油果焗巴馬臣芝士甜品另外+$70🍫 巧克力米糕 (gluten free) 🍷紅酒燴雪梨//📍 G/F, 53 Tai Kong Po, Kam Tin, Yuen Long゚・*:.。. .。.:*・゚・:,。゚・:,。・:,。゚・:,。・*:.。. .。.:*➪#kafehoppinginhk2023 ➪#kafehopping_kamtin➪#kafefooddiary2023
繼續閱讀