影片
港鐵尖沙咀/尖東站 B1 出口, 步行約5分鐘
繼續閱讀
營業時間
星期一至日
12:30 - 23:00
以上資料只供參考, 請與餐廳確認詳情
#throwback to Mid Autumn, don't you know that OT is a must during one of the most important Chinese festivals?Instead of spending time with family, I have decided to work in the office with my colleagues. Before we go back to the office and work our ass off until midnight, we have decided to have a Korean dinner for a quick research. GimbapTheir gimbap is pretty basic with a firm texture from the rice and crunchy texture from the shredded carrot and cucumber in the middle. The almost bite size gimbap was just on point but the taste was pretty predictable. Korean fried chickenIt was quite disappointing as the batter was way too thick while neither the batter nor the chicken was seasoned well. It was dried and tasteless. It was just not too enjoyable in short. Beef potKorean beef is generally sweeter in taste while this one makes no differences. The beef was thinly sliced and the pot was prepared with loads of bean shoots, corn, spring onion and more. I think that the pot was a little bit too savoury to me. Kimchi tofu soup Their kimchi tofu soup was comparatively better in taste but again nothing really surprising to me. The tofu was pretty soft and that's about it.
繼續閱讀
又到五月 又有五月天演唱會睇啦一早約好JM 六點多份紅館附近食d野先去Rock !!突然想到這裡有條韓國街 有許多野食 離紅館又不算太遠去到呢間門囗 見寫住蔡蘭最愛嘅去嘅150間之一 於是便入去試試秀坐位不多 坐下看看menu 隨便order 咗辣海鮮湯粉絲同炸泡菜餃子(4pcs) 無洒不歡嘅我 order 咗原以為係draft 嘅beer 點之上枱後原來係大罐裝嘅beerOrder 後waitress 送上前菜 有薯仔 唔係好淋 中間有點硬 菠菜同大豆芽菜 呢個好脆同開胃甜辣青瓜 本以為勁辣 點知係甜 kimchi 味道剛好 唔太辣 辣海鮮粉絲唔夠辣 湯亦比較清啖 唔係好夠濃唯粉絲分量極多 海鮮足料 食極都食唔完咁炸泡菜餃子 呢味ok gei 炸得夠脆 加上特制嘅甜汁 唔會好多肉 但係唔夠熱 相信唔係即炸一試無妨 如果要排隊就唔好啦
繼續閱讀
幾年前同朋友黎過，嗰時仲要排隊等位。今次黎都無咩人，一入去就即刻有位坐。點左豆腐湯，雞肉炒粉絲，還有一個泡菜餅。之後加左個檸檬燒酒。豆腐湯不過不失，正常水準！雞肉炒粉絲炒到好油，可以用難食形容！泡菜餅又酸又軟，完全放唔入口。。。好失望！好彩，檸檬燒酒還可以，有點fresh既味道！
繼續閱讀
韓國街餐廳眾多,轉手的餐廳也多,但秀韓國餐館已吃了應該最小有2年了,一向有保證,但座位空間較細,所以只適合最多4位朋友飯聚,用餐時間也只得90分鐘...大大盆的,其實部隊鍋我認為每一間餐廳也大同小異,但我就是喜歡大家一吃夾夾夾醒胃,惹味,煙韌
繼續閱讀
貓兄上星期去完沖繩自駕遊, 當然要第1時間出來派手信啦~~~呵呵呵呵... 我嘅紅芋批, 你要等我呀)))原本講笑話去將軍澳食嘅, 不過貓兄想食韓國菜, 始終尖沙咀可靠D...今個星期係公司做到虛脫, 為求可以準時放工, 全日開Turbo II, 放工時虛上加虛, 軀殼已不屬於我...靜靜雞講比大家聽, 我呢, 咁大個人, 第1次行入金巴利街o架咋, 嘩!!! 成條都係韓國街, 好犀利呀!!! (又玩大鄉里出城, wakakaka)估唔到, 竟然我最早到, 最慘係要企定定排足45分鐘... 7點正已經大排長龍... 排隊安排混亂嗎?!! 嘿, 係"零"安排... 我到達時已經有2幫人在店外流連, 我入店內向店員表示4位, 佢叫我出去等, 大家要注意, 無登記過的... 出返店外, 唯有問企係店外的女士係咪等緊位, 佢答係, 咁我就企係佢後面(如圖)... 重點... 跟住有個女仔走入店內等, 死都唔肯走返出來, 被趕出來時竟然棟係我前面個女士前面, 即相中白柱位, 嘩!!!!!! 咁仲成世界嘅!!! 著到身光頸靚, 學人打尖!!! 排第一個女士竟然唔出聲, 咩人o黎o架?!! 我忍唔住同個女仔講"我地排緊", 佢答"我唔知喎, 店員同我講有位", 我話"我頭先都入過去, 店員叫我企係門口等", 之後個女仔都有無奈去後面排隊... 其實店員係有問題, 不過佢都無可能行出來問都唔問就插係隊頭, 有蓄意打尖之嫌...事情擺平後, 貓兄及龍媽終於來到... 我指住門口張通告同佢地講, 呢度話有第2間分店, 行3分鐘就到... 排第1的女士發現新大陸, 急急同朋友轉地步... 我地就傻更更咁繼續等... 而家寫Blog時開始有D後悔唔轉地步, 因為終於發現幸福中心2nd店原來大好多靚好多, 前菜款式都正好多...多得貓兄分享沖繩趣聞, 轉眼間就等咗45分鐘, 終於可以入座... 店內只有5張4人枱, 半邊梳化半邊木圓櫈... 枱與枱之間的距離大家有眼見啦, 張相都已經影咗大半間鋪嘅喇... 店員會放低壺唔暖唔凍的水比大家自己斟...紅芋批, 紅芋批, 呵呵呵呵... 貓兄, 我愛你... 為咗大家可以一直喪飲喪食落去, 飲杯勝嘅!!!韓式梨子粒果汁 / 韓式葡萄粒果汁 / 米粒汁 $15 -- 好細罐, 好甜, 好好飲... 離開時KaKaMa係隔離間士多上咗好多貨... 前菜-- 賣相不佳, 味道是勉強合格的, 不難吃... 右下角外表火辣辣的青瓜同泡菜, 出奇地完全唔辣... 蒸泡菜餃子 / 炸泡菜餃子 (4件) $45-- 炸泡菜餃子... 勝!!! 蒸泡菜餃子清淡D健康D味道都OK, 但炸泡菜餃子就香脆D, 嘿, 連一向都推崇蒸o野最怕食炸o野嘅我都覺得炸泡菜餃子好味D... 煎泡菜餅 $74-- 太厚, 又腍又濕, 完全唔脆, 口感欠佳, 味道唔突出但未至於難食... 炒蘑菇豬肉粉絲 $74-- 醃豬肉好好好味呀, 食到唔停得口, 最正係夠厚又少肥膏, 正!!! 炒粉絲都好味, 夠香又有彈性... 年糕炆牛肋骨 (2件) $158-- 炆牛肋骨係全晚最好味的, 香甜軟腍, 非常入味, 好味到唔停得口, 正!!! 紅蘿蔔就差咗少少, 完全無炆腍, 見到白蘿蔔感覺有點奇怪, 年糕都係奇怪組合, OK煙韌但唔入味...是夜亮點...招牌雜錦泡菜鍋 $240-- 貓兄早年幾前已經經常將部隊鍋掛係口邊, 今日終於一試, 大開眼界... Junk Food大本營?!! 我自問長期都有1罐腸仔同1罐午餐肉放係屋企看門口, 真係齋"看", 打10號風球我地都超躝去太古城飲茶, 永遠唔到過期日都唔會開o黎食, 今日居然要比$240來食, 唔值得... (茄汁豆我就經常食) 味道唔差, 越食越辣, 最後都清晒, 勁!!! 其實係屋企都好易整, 根本都唔係煮, 鋪好晒D材料就開火, 滾起就食得, So Easy!!! 材料包括火腿午餐肉、香腸、金菇菜、豆腐、泡菜、雜菜, 下次打風時等我Turn On "地獄廚房Mode"煮比Honey食先, 嘿嘿... 食到呢度, 突然女侍應殺出, 拋低咗句"Five Minutes"... 嘩!!! 咩事呀?!! 入座時都無講過時限... 貓兄話好似限時90分鐘, 初時我地自己都以為咁快就個半鐘, 點知屈指一算, 只係用咗65分鐘, 7:30PM入座, 而家係8:35PM, 喂, 我地食得快少少啫, 仲有2塊午餐肉仲未食o架, 洗唔洗咁快趕人走呀?!! 結果我地8:50PM比人清枱埋單... 離開時門外的人龍更恐怖...店內3位女侍應都非常年青, 快手快腳, 態度不差, 只是沒有笑容, 沒有兇悍阿豬媽坐鎮, 總欠點味道, 嘿嘿, 被虐待狂!!! 侍應們無所事事時, 有2個會坐低休息, 都幾家庭Feel...張枱好細, 擺滿食物後, 連放低碗筷的空間都無...9:00PM都未到就要散水, 真係唔慣, 想轉場去K11嘅Smile Yogurts, 不過C9級又點會錯過餐廳隔離間韓式士多, 一於入去掃蕩一番, 發洩一下剛才的鬱悶...
繼續閱讀