影片
港鐵西營盤站 C 出口, 步行約1分鐘
繼續閱讀
營業時間
星期一至日
11:30 - 22:30
以上資料只供參考, 請與餐廳確認詳情
食家推介
果日mammy喺附近修甲 完咗之後見到呢間秋櫻屋有好吸引嘅pancake食 又有正餐食 所以就入咗去試下我哋3個人 嗌咗2個飯set 1個pancake一個套餐配沙律、湯、主菜同埋飲品沙律啲菜幾新鮮 湯就飲得出應該係沖粉嘅 不過都唔錯我呢個蛋包飯迷一見到有蛋包飯食就即刻嗌咗喇 蛋入面包住嘅係茄汁炒飯 配埋出面嘅番茄醬好入味 豚肉好鬆軟 不過個番茄醬略嫌有啲太水呢個芝士焗飯有好多芝士 每一啖都拉到絲 好正 飯係炒底嘅 粒粒分明因為唔食得果仁嘅關係 我哋走咗果仁~ 不過都冇咩大影響日式pancake嘅特別之處係會比較厚身 而且仲好鬆軟 同香蕉同埋焦糖醬嘅甜味 超夾！！Overall嚟講都幾抵食 大家可以去試下
繼續閱讀
近排個個都去K11食pancake, 我未去試勒, 唔敢點評住, 但其實香港唔止一間餐廳專門食日式pancake的, 半山都有間好好味的pancake餐廳, 隊長專程去食左2次!見到半山唔駛甘驚, 而家MTR通左去西謍盤都好方便, 又或者喺金鐘搭巴士上般咸道亦可.每客pancake都係即叫即做, 甜食pancake一客有3塊pancake, 份量大, 絕對可以當正餐食. 我第一次去食左個綠茶味pancake, 坦白講, 綠茶味唔濃, 有點失望, 所以第二次係叫番原味, 反而覺得更好食, 兩款都整得鬆鬆軟軟, 唔會好似美式果種厚到爆, 食完滯足一日.唔食甜食, 有咸pancake, 或 飯/意粉選擇, 男士唔駛怕無野岩食~ 第一次都有Order一個咸既試下, 其實都夾既, 因為佢塊pancake唔係好甜, 唔會話夾埋又咸又甜怪怪的; 第二次, 有朋友未食lunch, 所以叫左個set, 好大份, 仲要跟埋一塊pancake, 好抵食!食完如果兜番去嘉慧園後面, 仲有一間書卷味極重的書店, 不妨去碰碰運氣睇下有無開, 然後去扮下偽文青!
繼續閱讀
和風pancake聽來吸引，直覺值得專程試試，位於大學附近，店內懷書卷氣。招牌香腸pancake，賣相和風，食物排列整齊乾淨，份量平均，奶白色的芝士醬份量豐富至蓋過pancake，又無碰到伴菜，長條型的香腸烤至皺皮，入口香脆煙靱，pancake軟熟，芝士醬香，口感香軟，不往此行。
繼續閱讀
數月前從雜誌得知，有家日本人開的東洋風班戟店，位於般咸道，近月久久未有brunch，正好今日去試試。似乎主力甜點，但亦有鹹點，午餐晚餐供應蛋包飯及意粉。餐單簡單明快，選擇不多，亦已足夠，店內環境配合，簡約舒適。專程跑來必試pancake，中午空肚未能嚐甜，選了香腸班戟（配蘋果意大利芝士醬）$85 （3.5/5）菜式名字跟賣相配合，見到已經垂涎欲滴。色香味俱全，白色的芝士汁滿蓋班㦸，令本來已經加了Ricotta Cheese的班㦸芝士香更濃，用小刀輕輕切斷班㦸小片，感覺鬆軟，入口軟棉對辦，但又沒怎樣，未有想像中的與別不同，據說用上日清麵粉及雞蛋製造，就是材料上乘而已；兩條長瘦形之香腸煎至香脆，味濃惹味肉質實在；伴菜有生菜、青瓜及番茄，用酸甜醬汁調味，合口味；沙律亦不過不失，想起蘋果，不見蹤影，可能是用以芝士醬之調味。總括來說，班戟鬆軟但未至印象難忘，蘋果芝士汁有些特色，清新不腻。食伴選擇了燒黑豚肉奄列飯（番茄醬）套餐 $95 （3/5）套餐包括沙侓，餐湯及咖啡或茶，價錢公道。坐在窗邊位，看著街外人來人往，閒聊地先喝一碗熱粟米湯，寫意人生。粟米湯熱騰濃郁，並無過度creamy，粒粒粟米口感，甜甜適口，滿意。鴨胸沙律，蔬菜新鮮爽口，鴨胸微鹹肉不嚡，薄薄兩片，出色在調味之沙律汁，酸甜合道，開胃。蛋包飯份量足，脹卜卜，伴以大量番笳醬，醬汁鮮無過酸，蛋滑飯入味軟棉濕潤；黑豚肉香煎有肉香。食品味道並非突出，但材料及賣相討好添分，價錢合理，服務可以，靠近大學，不難成為學生之選擇。也許我都會重臨嚐嚐甜味班㦸，嚐真一點。
繼續閱讀
有好幾個月沒來了, 特然想食pancake, 專登搭車過來. 店的對面就是西營盤地鉄出口, 今天又是開通日, 人流特別多, 好彩不須等位.隨即叫了什莓忌廉Pancake+coffee.三大片班戟, 份量算多, 疍味夠. 最初以為有幾粒新鮮什莓食, 原來只是什莓醬, 有点失望. 什莓醬微酸可中和忌亷的膩感, 再加入朱古力醬是不錯的甜品. 咖啡是我喜用虹吸壺泡製的, 香醇又回甘, 一杯實在不夠喉!
繼續閱讀