14
4
5
| 餐廳: | Dorsett Café |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
港鐵大窩口站 B 出口, 步行約8分鐘
繼續閱讀
電話號碼
39966338
營業時間
今日營業
07:00 - 23:00
星期一至日
07:00 - 23:00
公眾假期
07:00 - 23:00
公眾假期前夕
07:00 - 23:00
以上資料只供參考, 請與餐廳確認詳情
有關獎賞計劃
用app book咗檯，夜晚來食個便飯有折扣。西冷牛扒🥩(10oz) $288本身order前會擔心西冷牛扒比較瘦，食落會好韌，同埋佢冇寫牛扒出產地。但整間餐廳只係得西冷這一款牛扒選擇，所以揀無可揀就order了。碟西冷牛扒一來到就感覺份量好足，牛扒🥩好厚好大塊！雖然本身order咗7成熟，但佢整到幾乎全熟。雖然佢幾乎全熟，但係食落竟然唔覺得韌，完全冇黐牙，仲好有彈性添。本身塊扒嘅黑椒味都好香，唔駛點汁都好食。我覺得唔鍾意食生嘢嘅人就算order佢全熟，都可以享受到一塊正牛扒了🥩。泰式石鍋虎蝦冬陰功湯 $88用石鍋裝住個湯，賣相同誠意唔錯。可惜虎蝦得兩隻，湯內仲配搭咗啲奇怪配菜例如西蘭花、紅蘿蔔🥕，唔係正宗嘅煮法。湯嘅味道偏酸。話晒都係酒店Cafe，服務ok。今次用app訂座有折扣，食得超值，幾開心。下次如又有優惠可以再嚟encore
繼續閱讀
食物質素差：我很失望地說，帝盛酒店半自助午餐的食物質素並不理想。菜式的味道和質量都非常普通，沒有什麼令人印象深刻的東西。與其他酒店的自助餐相比，這裡的選擇也相對較少。衛生環境差：我也注意到，帝盛酒店半自助午餐的衛生環境並不是很好。餐具和桌子的清潔程度都不夠令人滿意，這讓我對食物的品質和安全感到懷疑。地點不太方便：帝盛酒店的位置相對較偏僻，並不是非常方便。如果您不住在附近，專門前往酒店用餐可能會有些不划算。總體而言，帝盛酒店半自助午餐沒有什麼特別之處，如果您不住在酒店附近，我不會建議您專門前往此處用餐。
繼續閱讀
同小朋友嚟staycation ，夜晚廢事周圍走搵食，決定落地下餐廳食，價錢唔算貴。我哋叫咗3個主菜肉醬意粉 $98 大碟抵食埋肚之選，唔會太鹹，調味唔錯照燒雞扒 （包前菜、湯）前菜係泰式辣汁口味，如果有唔辣揀就更好，南瓜湯好味🤤，照燒雞扒絕非茶餐廳級數，扒無雪味，味道唔同一般個d得鹹蒜味，肉質Juicy，老公讚不絕口，好少有。而我叫咗牛扒10oz （包前菜、湯） $198,呢個價錢好抵，所以我對塊牛扒都無乜期望，但求飽肚，結果都煮得好好，個汁嘅調味做得好好，讚。
繼續閱讀
今日心血來潮想食半自助餐午餐，原來在疫情下很多自助餐都冇開，特別是酒店餐廳，在幾經搜查下，發現此店仍有半自助午餐，所以立刻過來止渴。到達時間是1:20pm, 只有兩台食客，侍應安排我坐係另一枱側，我即要求坐遠一點，都唔明點解只得兩，三台客，又於疫情期間，為何仍要坐得咁逼？餐廳不大，食物亦不算多，相信餐廳亦放少了食物，因為參考之前的食評，應該有中式糖水，但今日唔見有。點了意大利雲吞，牛扒，主菜超快上，末食完沙律就上主菜。食物中規中距，牛扒有牛味，但就細塊咗D,雲吞就幾好，個汁好味，又大件又多，呢個主菜性價比高。南瓜湯太淡，西瓜唔甜，雪糕亦有溶過雪番跡像. 唯一攞分的是煎堆內有豆莎及雪糕有西柚及紅豆味。
繼續閱讀
呢間酒店係openrice 訂位有折，一路都想試下，咁啱外遊回港用過某平台睇到有83蚊嘅semi lunch buffet, 好抵喎，咁話晒酒店，咁嘅價錢就好吸引，咁就中左伏。某平台個plan只包A set, 但條link官網係有5個吾同menu，即係你吾會知邊個menu, 除非打去問。今日去到，menu A set 係炒麵，嘩，83蚊食炒麵，咁鬼遠黎到無理由叫吾想食嘅，咁咪即係一定要加差價叫第樣，但其他係最平都155，175至2百幾，朋友就話無所謂叫返個A 餐，我叫左個馬來西亞咖哩雞飯，另外一個朋友叫軟売蟹意粉。個炒麵真係油到你睇到都會肥左， 咖喱飯味道ok 但飯好少，軟売蟹吾脆，但意粉都好味。出面嘅buffet 有沙律，湯，麵包，甜品有小啫喱，小旦糕，自動pancake機，dreyers 2款口味雪糕，生果有西瓜，菠蘿，蜜瓜，咖啡，紅茶，蘋果汁，橙汁。沙律菜，同已拌嘅沙律各有3款，味道一般，甜品差，旦糕好難食，雪糕櫃太凍? 紙杯周邊結冰碎，紅豆口味好甜，咖啡勁難飲，紅茶濃到好似茶膽，奶壺無晒要通知佢加，埋單要走出去揾人😞總之吾似一間酒店，只可當一般西餐廳，埋單補差價，正價加一，每人大約170蚊，好似openrice book 85折仲平d, 咁我吾駛經某平台啦，不過其實點都係吾值。唯一係環境靜靜地，人少少，傾偈都舒服，當買個寧靜嘅星期六。
繼續閱讀