影片
港鐵銅鑼灣站 F1 出口, 步行約4分鐘
繼續閱讀
營業時間
星期一至日
07:30 - 17:30
以上資料只供參考, 請與餐廳確認詳情
每日返工必經之路，小店不會像大型連鎖餅店很多人！雖然此店麵包種類不算多，但每個麵包都足料及抵食。小店在橫巷附近一間店，一般人不會知道它的存在。滿滿大大個新鮮出爐麵包，進入眼簾，超級香噴噴！毎天都促使我再光顧～今日買左2個麵包.菠蘿包$7及雞尾包$7，現在普遍都是縮水又細件！此店真材實料，菠蘿包鬆脆又美味。大大個熱辣辣的菠蘿包真的令人滿足。雞尾包又是我的最愛，入面超滿椰蓉經過烤焗後鬆軟又正料。還有白芝麻在麵包上，立即更香口。
繼續閱讀
上網網友介紹呢間餅店，話好味兼價錢超值！今日特別去買來試下！去到只係一間好細嘅店，門口用雪櫃欄住，無座位，因為去到都已經接近8點，淨低嘅西餅唔多！連我想試嘅荔枝玉露都無了！想買一件西餅、一個布甸！雪櫃後坐了個後生女店員，比較散漫，愛理不理咁！我落單後佢慢慢將西餅及布甸放入個紙袋！最後一件嘅紅豆抹茶蛋糕：綠茶味忌廉唔算濃，幾滑，紅豆唔多！夾層蛋糕鬆軟！合格的！焦糖布甸：其實我好懷疑呢個係呍呢拿味布甸，因為我見雪櫃焦糖布甸係淺黃色！呢個係白色，中間夾雜呍呢拿籽！而無焦糖味！當店員攞呢杯出來，位置唔係焦糖布甸度攞，係另外一個位攞出來！比較遊魂，如果以呍呢拿味來講，唔係濃，亦唔算creamy!一分錢一分貨，價錢相宜味道亦一般！唔算吸引！
繼續閱讀
路過見到個樣好吸引，點知好睇唔好食買了一磅的栗子蛋糕，外表真的很吸引，水果顏色艷麗，不過很酸，表面的栗子忌廉硬硬的，有點像小時候吃的花塔餅上的糖果，感覺很特別還有下面的蛋糕太結實，雖然蛋糕層之間有頗多栗子蓉，但味道不會太甜，配合蛋糕來吃剛剛好但因為小妹比較喜歡軟綿綿的蛋糕，所以只能好睇唔好食了。
繼續閱讀
晌「南龍冰室」食完一個蝦醬炒公仔麵、一個芝士撈公仔麵及一客金磚焗咖喱雞扒飯，雖然身處冰室，照樣有精緻嘅飯後甜點，當然唔喺講緊普普通通嘅布甸、啫喱、忌廉蛋糕……等等。而喺對面「壹餅房」嘅出品，真喺估佢唔到，原來晌南龍可以點壹餅房嘅蛋糕 。壹餅房除供應甜品、蛋糕俾南龍冰室外，當然有做零售，仲有個裝大大個嘅蛋糕賣，大可賣嚟慶生日之用。再細看「南龍」個甜品餐牌，前後兩頁，一共有10多款甜點，有件裝凍餅，亦有杯裝甜品，定價一啲都唔貴，都喺廿零蚊左近。最窩心喺，跟熱飲$25，跟凍飲先至$28，如果你揀最貴類別嘅蛋糕（$22），即喺加$3有杯熱飲，加$6有杯凍飲，仲唔抵到暈 ！不過，依個甜品供應時間只由2:30pm至9:00pm，午飯喺黃金檔期，做埋甜品估計應付唔嚟，雖然南龍收11:00pm，但供應到9:00pm完，何解？因為壹餅房收9:00pm嘛，有心食就唔好磨咁晏。我哋都好晏先點甜品，所以，有啲款式都無咗，可以嘅話，點定先，讓店員先放晌南龍依邊嘅雪櫃 ，咁就多重保險食到想食嘅款式，咁就唔會一餅難求！ 紐約芝士蛋糕 $22 幾款蛋糕中，紐約芝士蛋糕喺小弟最欣賞嘅一款，消化餅底做得非常薄，僅僅夠托起件餅已OK，而中間忌廉芝士餡夠豐厚、濃郁，挺身而柔軟，絕對落足料 ，而面層嘅酸忌廉亦恰到好處，酸香得平衡一下忌廉芝士嘅濃味 ，喜歡芝士味甜品嘅人，值得試吓佢。 意大利芝士蛋糕 $20 做法比較平實，無任何花巧或修飾，就只有咖啡酒蛋糕、馬卡風芝士及唂咕粉，$20以言，味道真喺不俗，蛋糕濕潤有咖啡酒香，芝士打得十分幼滑，唯一問題喺落得太多唂咕粉晌面。 情濃朱古力慕絲蛋糕 $22 雖然個層次做得唔夠靚，下層個朱古力海綿蛋糕太薄，中間層又做得太厚，但個朱古力慕絲實在夠情濃，朱古力味極之香濃，少甜而甘苦，柔滑度都OK，加埋餅面輕抹一層嘅特濃朱古力漿，成件事就喺情濃滋味，只賣$22，值得推介 。 薄荷朱古力蛋糕 $22 薄荷朱古力雪糕食得多，但蛋糕印象中應該第一次食，估唔到效果都唔錯喎。朱古力海綿蛋糕夾住上下兩層薄荷慕絲，慕絲中又滲入好多朱古力碎碎，形成有點薄荷綠嘅雲石花紋。薄荷慕絲幾清新，有種涼快嘅感覺 ，久不久咬到朱古力碎糖，口感上添加趣味，可以不妨一試嘅選擇。蛋糕嘅水準暫且難跟酒店嘅去相比，至少賣相仍有段大距離，但喺佢哋走嘅喺平實路線，唔搞太花巧嘢，感受到用料唔「求其」，有質素，所以出品亦有一定水準 ，再者，區區只賣廿零蚊一件，其實喺好抵食 。
繼續閱讀
周末往南龍冰室晚膳，在門外見到以下的張貼提示，說只要惠顧冰室任何食品或飲品，均可以 $15 換購壹餅房的西餅或甜品，於冰室內進食，比原價平了$5-$7左右：步入冰室，被侍應安排上二樓坐窗口卡位，隔著玻璃窗，清楚地見到壹餅房在營業中，那時候大約8pm，不少路人幫襯，生意應該唔錯！看看餐牌，確有多款選擇我揀了紅豆抹茶蛋糕及荔枝玉露：紅豆抹茶蛋糕抹茶加紅豆，是最佳配搭，抹茶慕絲幼滑，綠茶味濃郁，紅豆呈粒狀，但腍身，帶豆香，再加上topping的抹茶粉，整件蛋糕十分對味，甜而不漏，水準之作！荔枝玉露外型討好，頂層以忌廉花喞及荔枝肉作點綴，果肉新鮮，多汁；荔枝奶凍口感滑溜，可惜味道偏淡！
繼續閱讀