影片
損友自遠方來，不亦樂乎？本人也是在呢區返工之後第1次與以前第二度識落的網友午間飯聚兼吹下水，今次行遠少少，在合和中心對正有請帖街之稱既利東街相會，為了確保過程順利，特意訂個靚位。開盡Turbo 腳，都係要遲到五分鐘，來到後，個格局唔係咁似茶餐廳，但午餐要做爭取生意額，冇計。的位都幾窄，夜晚應該會好少少，坐落之後，還等了十分鐘，他們陸續到達，出面都有公司客及學生歌外面排隊，然後懷有身孕的侍應有少少不耐煩說：「遲多五分鐘要放番俾佢地，我地不嬲都冇訂位。」大家都係要搵食，算。唔計Chef's Recommendation，共有六個餐，自己叫了煎龍利柳飯，初頭的汁以為係洋汁，食落去至知係肉醬意粉汁，還有香草碎，有少少香味，令到本來冇乜胃口，也頓時覺得快樂了許多。魚煎得雖不香，冇乜油留下來兼不會好鬆散，唔錯唔錯。湯我只會只飲紅色(羅宋湯)，不會飲白色(忌廉xx湯)，點解？HeHe......，湯只係有甜味兼冇乜渣，凍飲杯似足今朝哥杯。至於的損友，也叫了黃咖喱飯、燒雞沙律及蜆肉扁意粉。咖喱飯都幾辣，但自己食得辣，當然不覺得什麼一回事；沙律既雞個樣似街巿雞脾起肉既，意粉裡面有冬菇做伴料，East Meet West，有新意。今次有人生日，貴左少少，正常係$42 。
繼續閱讀
以上資料只供參考, 請與餐廳確認詳情
d set lunch都幾抵食，價錢由34至40蚊不等，有湯有野飲，算係咁，但係環境就麻麻羅，幾迫下。佢地d餐牌耐唔耐都會轉下款，但實有一款係沙律來的，岩晒女仔食。食過幾款都唔差架，之前試過個香草燒雞闊條麵都幾好。
繼續閱讀
都幾鍾意食呢度的丁麵早餐。雖然配料的選擇同一般茶餐廳相類似，但係煎出來的餐肉、豬扒、腸仔等都香口好多，而且麵亦煮得恰到好處，可以選擇要麻油或豬骨湯底。一份早餐連熱飲是20大元，是合理價錢。其他早餐選擇包括厚多士﹝好像是16大元﹞、煎蛋配火腿之類及茄汁焗豆﹝18大元﹞、沙爹牛肉米粉等等。我只食過早餐，感覺上是一間小coffee shop，但咖啡只是一般水準而已，睇唔出佢竟然係意大利餐廳？！
繼續閱讀
去睇莫斯科馬戲團, 0個附近都冇咩好食. 行到黎呢度就入左去試下. 去到都6點半有多, 但都仲有tea食. 問個侍應有冇晚餐, 佢好唔願意至拎個menu比我地. 我要左一個金菇肥牛飯, 冇咩特別. 男朋友話個汁只係豉油. 餐湯係蘑菇湯. 一般啦, 但係唔夠熱. 反而男朋友0既羅宋湯好好多. 佢就要左個焗豬扒, 幾好食. 個芝士蕃茄汁做得幾好. 好有茄味. 都唔會太酸. 埋單$97, 都好抵. 雖然食物唔難食, 但就好普通囉. 而且冇咩服務可言. 我地坐左好耐都冇人理~
繼續閱讀
鐘意食意大利菜o既朋友一定去過好多唔正宗o既意大利餐館. 咁就一定要去呢間響灣仔o既<中間界>喇! 佢外表上一o的都唔似係食意大利菜, 仲好茶餐廳feel, 好似幾個細路柴娃娃咁開o既茶餐廳, 係o個d行過都唔會諗住入去食野o既格局. 入面都有其他菜式, 但佢o既意大利菜就最正,亦好正宗,好到連成日去意大利o既我阿媽都話佢十分正宗,尤其佢o既汁,真係無得頂~~~~佢地個廚師以前係酒店大廚, 依家自己出來開舖, 所以佢入到正宗煮意大利菜o既料, 總之就好正~~~~價錢方面就仲正, 幾十蚊就有一個dish, 碟頭雖細, 但就可以食多幾樣都得嘛!!就我上次去, 我同2個人一齊食o左5/6個dish連埋drink同甜品, 埋單都唔使$300, 抵食~~~~
繼續閱讀