影片
開飯介紹
King Ludwig Beerhall 是一間位於赤柱的傳統德國餐廳。尖沙咀的店在九龍的中心地點。每晚都有樂隊表演。
繼續閱讀
特色
浪漫情調
營業時間
星期一至四
12:00 - 22:30
星期五
12:00 - 23:00
星期六
11:00 - 23:00
星期日
11:00 - 22:30
公眾假期
11:00 - 22:30
公眾假期前夕
12:00 - 23:00
以上資料只供參考, 請與餐廳確認詳情
相關文章
再見了，我一早訂了座，同時也是第一位入場，因此拍下每個角落的照片作為紀念。這間餐廳的裝潢實在美輪美奐。各行各業順利度過疫情，本以為前路一片光明，但開關後，港九新界的店鋪紛紛歇業，不少業者不得不收攤，看到這情況真的令人心痛！今天是餐廳的最後一天營業。餐廳提供室內及室外座位，室外座位面向海景，可以俯瞰赤柱美麗的海景，位置絕佳，讓用餐的同時也能享受海景的美妙。至於食物，餐廳最著名的就是德國豬手，外皮香脆，肉質鮮嫩，另一道招牌菜則是德國香腸，美味非凡。頭盤包括凍海鮮、沙律、火腿、南瓜火腿配鷹嘴豆、凍蝦及青口等。主菜有青口、雞翼、豬肋骨、意大利粉、酒煮蜆、薯角等，同樣美味。室外部分設有燒菠蘿、腸仔、牛扒，特別推薦燒菠蘿，非常美味。蘑菇湯搭配各式麵包，口感宜人。除此之外，還有多款甜點，如蛋糕、布丁、啫喱、曲奇餅，以及兩款口味的雪糕，分別是朱古力和芒果口味，深受大眾喜愛。由於是最後一天營業，全店只提供自助餐，不需再煩惱點菜的問題。職員們都感到遺憾，因為這是他們在這裡工作的最後一天。
繼續閱讀
餐廳分室內同室外，室外環境真係一流，座位可以望到赤柱海景同卜公碼頭，用餐當日聖誕節，所以除左圍欄有聖誕裝飾之外，每張枱仲要有啲聖誕發光棒/玩具比食客，加上應該冬天同埋聖誕既關係，室外既枱都加左火爐喺座位旁邊，暖得黎仲好好氣氛。食物方面，款式都好豐富，龍蝦(每人限半邊）、火雞、德國豬手配酸椰菜、德國腸、烤羊架、烤牛肉、燒蠔、燒扇貝、螺、青口、白灼蝦、燒菠蘿、螺絲粉、雞翼、咖哩角、春卷……仲有其他冷盤、熱盤等。甜品方面，有芝士蛋糕、朱古力蛋糕、冬甩、木糠布甸、慕絲、焦糖燉蛋、Dreyers 雪糕等等。食物最出色都係佢招牌既德國豬手配酸菜，食完會再encore，外皮夠脆，肉質充滿鹹香，配搭埋酸椰菜一齊食，食多啲都唔會太膩。聖誕最特別係有火雞食，佢係原隻火雞焗，再喺你面前切片，不過火雞肉唔算嫩滑，都係意思意思，應下節。食物整體黎講唔算出色，因為天氣凍，食物唔係好keep到熱度。另外，侍應人手亦都唔係好夠，好多時候都唔係即時處理到食客要求。自助晚餐 $824 per 2（加咗$30 升級無限量添飲汽水、果汁、茶、咖啡）
繼續閱讀
一直都好中意食德國🇩🇪豬手 終於同friend發掘咗間喺赤柱開嘅德國餐廳 餐廳名叫 king Ludwig Beerhall 赤柱分店 佢環境十分安靜 可能去既時候係下午茶時段 佢有露台可以坐出去望到海景 不過當日天氣比較熱 所以就坐室內 叫左👉🏻德國豬手 ($290)💓💓💓💓💓 👉🏻德式芝士麵團配辣肉腸豬牛丸 ($180)💓💓💓 👉🏻芒果大蝦沙律 ($115)💓💓💓💓五個心心最高分 先講吓德國豬手，呢間德國豬手外脆內軟，唔知其他餐廳食過嘅豬手裡面咁乾身。咁啱當日去到個豬手新鮮熱辣辣出爐，所以食落個口感真係非常唔錯。我覺得呢個係性價比當中最高，因為佢一隻豬手兩個人食都好足夠夠大隻👍🏻而德式芝士麵團配辣肉腸豬牛丸，雖然佢芝士味都好濃同埋配上辣肉腸同豬牛丸都非常之夾，豬牛丸都好Juice 但食到最後可能有啲漏冇食晒😵💫😂不過整體嚟講佢性價比就冇豬手咁高。👉🏻芒果大蝦沙律呢道菜配合埋上面嗰兩道菜，簡直就係畫龍點睛。佢解決晒豬手同埋芝士麵團呢兩道菜既太漏，加上佢酸酸甜甜既芒果配合酸酸meimei既大蝦真係好開胃，可以大食一餐都冇問題🤓不過之前去已經係早幾年前，唔知價錢餐牌有冇變動。所以只供參考。🫶🏻🫶🏻 帝樂 - 德國餐廳 (美利樓) (赤柱)地址 : 赤柱美利樓2樓202號舖
繼續閱讀
有一日特登嚟到赤柱行吓散吓心，行完市集之後已經係夜晚，就要搵餐廳食晚飯。一路都見過呢間德國餐廳評價好好，所以就決定試吓。餐廳提供室內同埋室外嘅座位，喺室外坐嘅話就可以享受到赤柱嘅靚靚海景，而餐廳嘅位置一流，可以邊享受赤柱嘅海風，一路食住晚餐。我哋選擇咗德國豬手，外皮焗到超級香脆，大大嚿又多肉，食到好滿足。我哋又再嗌咗芝士麵團配豬牛肉丸，係好有特色嘅德國菜式，值得一試。餐廳職員亦十分友善，服務質素好好。
繼續閱讀
平日去赤柱食午餐幾好，風和日麗唔多人，上年仲未除口罩食過一次，覺得豬手幾好食，每個set lunch 都會有沙津吧、飲品&甜品。1. 脆皮燒豬手配酸椰菜及薯條：烤得好脆，肉質唔會乾，仍然有肉汁，份量5個人剛剛食得曬，都好大隻，上一次3個人就食唔曬。2. 厚切美國西冷牛肉配薯菜(7色熟)：切開一件件仍有少許肉汁，冇咩脂肪但都唔嚡，幾好食。3. 白汁時菜伴意粉：有燒翠肉瓜、紅青椒、菇菌等，香口味道淡淡，白汁唔膩。4. 白汁香煎魚柳配飯：魚柳肉質嫩滑，香口美味，份量適中。可能本身有沙津吧，午餐份量都唔會好大，沙津吧有蘋果沙津、沙葛沙津、紅菜頭、各式沙津菜，磨菇湯、炸物、雞翼、金沙骨等，甜品是木糠布甸+迷你芝士蛋糕。坐係outdoor 好舒服，食物品質高、沙津吧refill快、服務員親切有禮，讚讚讚!!!
繼續閱讀