影片
營業時間
星期一至日
12:00 - 22:30
以上資料只供參考, 請與餐廳確認詳情
好友生日撰定Quinn食生日飯，貪其有情調的裝潢。裝潢高級誤以為收費不平，但set dinner: 餐湯＋前菜+餐湯+主菜+飲品/甜品，只是$148起價錢亦算情民。餐飽外型以雞尾包，其實是蒜蓉包，有趣！日餐湯-洋蔥湯好味道清清地不油膩，配上上層的法包和芝士，味道不錯。前菜有香煎黑椒吞拿魚和芒果木瓜沙律。吞拿魚有少少硬，未能做到外香脆內軟,味道一般。沙律好fresh， 芒果香甜，清新開胃。主菜點了石燒黑毛豬T骨，石燒三文魚和 龍蝦炒扁意粉食物用熱石板賣相已經吸引 。先介紹黑毛豬T骨，侍應建議可以7成或半熟，因為可以用石板輕輕一煎，保持肉質嫩滑。大大件厚切豬排，肉質爽口，不堅韌又鬆化，切開還juice肉汁。反觀石燒三文魚比較普通，煎好的三文魚再放上熱石板味道未見提升只會痴底。龍蝦炒扁意粉，少少辣好惹味，龍蝦火口剛好，肉質嫩滑彈牙。減少用油分量更加好。是日甜品-木糠布甸，分量雖少但味道不錯，又滑又creamy。好友生日，特別點了焦糖燉蛋加上生日字。賣相吸引！焦糖燉蛋，蛋味濃郁不太甜，燉蛋滑溜，焦糖香脆。
繼續閱讀
每次經過呢間餐廳，都會被餐廳紫色裝潢吸引住，咁啱朋友試過話食物質素ok,所以今次特意黎幫襯。入到餐廳，餐廳裝潢很有格調，主色以紫色為主，不過餐廳播放既音樂既然以日韓輕快歌曲為主，幸好今次與一班朋友聚會，所以歌曲對我們黎講是次要先講蒜蓉包 ，個包份量大約掌心既size,不過可能由於hand made關係，侍應話需三個人享用一個包，雖然個包充滿蒜蓉香味，值得一讚，不過對於安排感到奇怪 是日餐湯方面，今晚餐湯是南瓜湯，味道非常香濃，內有香料及烘焙過的麵包碎，並品嚐到少少檸檬清香，非常好飲 前菜方面，有碳燒菠蘿雞肉沙律配雪梨酒蜜糖汁及蒔蘿醃三文魚配雜沙律選擇。前者雞肉比較“鞋”，味道麻麻；後者醃三文魚味道適中。 主菜方面，黑菌大蝦配蕃茄及蘆筍+意粉以白汁配黑菌煮個汁，大蝦亦非常新鮮及爽口，味道唔錯 主菜燒烤汁燴豬肋骨及薯茸雜菜方面，個燒烤汁好香濃，豬肋骨唔韌，好好食主菜石頭燒美國黑毛豬T骨配薯皮雜菜方面令我感到有點失望，因正常黑毛豬肉質會比較爽口，但呢塊既質感有點似厚切豬柳，雖然醬汁好香，但食落麻麻甜品方面是咖啡奶凍，好香咖啡味，好creamy,味道ok
繼續閱讀
經常路過這家西餐廳，被它特色的裝修吸引。這夜和朋友路過，商量了一會兒後，決定一試。入座後，看看四周環境，以紫色為主調，裝飾雅致，牆上掛有富格調的油畫。座位闊，沙發有小咕，令人坐得舒適。晚餐有沙律、湯、主菜及甜品／飲品，價錢只需大約$158至$198，十分大眾化。每人各點了一客晚餐。前菜 - 麵飽所有客人都獲提供的，是法式蒜蓉飽，表皮香脆，內裡軟腍，塗了薄薄的牛油和蒜蓉汁，味道香而濃郁，但又不會令口腔有大量蒜蓉味，出現令人尷尬的情況。前菜 - 沙律賣相極吸引，顏色豐富，排列整齊，令人賞心悅目。煙薰過的吞拿魚，肉紋條理分明，煮得半生熟，淡淡的粉紅色，亦呈半透明狀態。味道方面，有濃濃的吞拿魚味，甜甜的，亦帶有肉汁。蔬菜有羅馬生菜、車厘茄和豆角，每種菜都非常新鮮，生菜和豆角爽脆，車厘茄多汁鮮甜，配了甜甜的果醋，成為一個開胃清新的沙律。烚蛋滑溜，蛋黃不易散開。湯是洋蔥湯，有大量一絲絲的洋蔥，以及一片法飽。外表平平無奇，以為是一般貨色。喝第一口後，完全改觀。它沒有洋蔥的腥味，反而是濃濃的甜味。洋蔥很軟腍，亦甜美，感覺很神奇。浸在湯內的法飽變軟了，有軟綿綿的口感，吸收了濃湯的精華。主菜1）大蝦露筍蕃茄乾扁意粉這是由主餐牌選的，同時可選擇作為晚餐的主菜。有大量忌簾汁，很creamy和濃郁，和扁意粉拌得很均勻。主角大蝦有一隻，份量似乎略為少。肉質爽口彈牙，亦白滑軟腍。扁意粉十分可口，滑身而質感結實。配菜的露筍乾很扁身，能吃到它豐富的纖維，甜美但沒有汁液了。蕃茄乾酸酸的，點綴了主菜的味道，仍可吃到一點點蕃茄蓉，而乾身的蕃茄皮有點脆身。美中不足的是放了太多橄欖油，雖然增加了滑溜的口感，但似乎比較油膩和不健康。2）石燒羊架配薯角約五吋厚的羊架連同薯角及其他配菜用熱石板送上，食物擺放整齊，灑上少許茨汁，汁液在石板上「吱吱」作響及不停跳動，蒸汽不斷冒升，食物的香氣隨蒸汽送入鼻腔，令人精神為之一振。切開羊架一看，煎至半熟，再把它放在滾燙的石板輕輕一煎，即變成medium well。這樣可以隨個人口味調節熟的程度，十分個人化的設計，很有心思。羊肉呈粉紅色，肉質細嫩，煮得乾身之餘仍保留了肉汁，但並沒有羶味。配了燒汁，更感香口。配菜有甘筍、車厘茄和茄子。全都鮮甜可口，燒過的蔬菜顯得更惹味。薯角厚身，輕輕咀嚼已感到它的薯蓉在口腔內散開，嚐到陣陣薯仔的香氣。甜品可以在甜品和餐飲任擇其一，我選了甜品，是木布丁。用雪白色的瓦杯盛載，份量略為袖珍，但吃過整個晚餐後，這份量已很足夠。表面有藍莓和草莓，充滿光澤，新鮮而甜美。木份量適中，不會令口腔有黏著的感覺。奶凍有濃濃的牛奶味，口感輕軟幼滑。服務方面，侍應們很有禮貌，對食物的煮法和來源地熟悉。上菜速度不會太趕急，每次完成一道菜才上下一道，節奏令人感到閒適。服務員亦會問我們對食物的意見。這頓晚飯沒有令我們失望。
繼續閱讀
好姊妹生日都喜歡搵靚餐廳，之前行過見到入面好靚，紫色配黑色，好似Anna Sui嘅style😈book左台，只會留10分鐘，大家唔好遲到啊！好靚，真係好靚，心情都會好啲。我地叫左2個dinner set, 再加小食嘅。首先2個頭盤，其實好難食，紅菜頭，食完我即刻有點反胃，要狂飲水。可能我食唔慣掛，但真係好難食啊！😩😭😭然後湯到喇！幾濃幾好飲，我就覺得唔夠熱，都無咩特別架喇！配個脆脆地嘅多士，不錯唷，肚餓有野入口。叫左個薯皮，好味好味好味道！😋都幾中意叫焗薯皮，都有小小肉連埋，但呢個真係得個皮haha，個醬加埋一齊入口，係幾match嘅，2位好友都食到津津有味。另外一個小食係薯圈，香口野，都好難唔好食，好食過pizza hut，真係好食！main course就係個risotto同肉眼排，個意飯比想象中好食啵，因為之前食risotto嘅經歷真係賴過野，之後就好小食嚕。而肉眼7成熟，2位友人唔食得生，所以7成，我就覺得太熟，我中意6成熟嘅。然後傾下計飲下朱古力，就清晒台上嘅野食。個朱古力無咩特別。然後就到甜品時間，打電話book時已經叫餐廳寫字落甜品度。但係可能電話問題，餐廳聽錯，寫錯壽星個名，不過整體上唔錯嘅。如果你想食環境，呢間餐廳又浪漫神秘係好選擇，但想食正食物，呢度或不是好選擇喔。
繼續閱讀
真係搞唔清楚佢係食法國菜定意大利菜? 對我嚟講都係西餐, 仲要係慢慢食, 食完一樣先會上第樣的西餐, 呢餐漫長的晚餐, 食咗兩個小時.............餐廳地方唔大, 一邊係三張卡位, 另一邊係一列大約七張二人方枱, 方枱後面就係水吧~ 但估唔到係有1間房, 唔行去廁所都唔知, 可能預你開party, 唔知最低消費係幾多呢? 唔知係佢太高級定我太低級? 唔係好明佢個menu應該點選擇, 所以要叫侍應姐姐介紹一下, 當介紹完後才恍然大悟, 其實都唔係咁複雜, 只係平時食開的西餐廳太簡單~ 每個人都順次序落咗order, 响等正餐嚟的時候, 先食一下麵包, 原來你食完唔夠的話, 可以免費添包的~ 餐前包第一輪嚟果d包唔熱的, 唔知係因為我地掛住諗食乜, 放到d包凍哂都唔知? 因為第二輪refill果d係微暖的, 但d包唔夠香, 就算點咗, 有兩款醬比你點, 一個係牛油, 一個係類似香草醬的物體, 但兩個都一般~ 香煎鵝肝配碳燒香草飽及甜黑加侖子汁鵝肝煎得好香口, 就咁食就會漏咗d, 所以一定要夾埋個香草包嚟食, 個包都係一般, 唔夠香, 食唔到好香的香草味, 個汁都幾得意, 黑加侖子汁, 不過得幾滴, 似用嚟裝飾多過比你點嚟食~ 香煎吞拿魚配雜菜沙律及日式芥末蛋黃醬隻碟好長...........但都係得三片吞拿魚, 外層煎香, 內層仲係生, 味道唔錯, 個汁都幾特別, 只係好輕wasabi味, 就算墊底的生菜都好鮮好靚~ 自家制炸蟹肉意大利雲吞配白蘭地龍蝦汁唔知點解又係得3粒? 咁鍾意單數? 唔通係比你share一粒比人食, 自己食兩粒? 個炸雲吞超熱, 一定係新鮮炸的, 炸得好香好脆, 亦食得到蟹肉, 雖然溝咗其實嘢, 食果陣好似唔好覺有汁, 而家寫食評睇返先知有個蘭地龍蝦汁, 可能又係得幾滴, 所以冇為意到~ 法式洋蔥湯配芝士多士超勁洋蔥, d洋蔥仲多過湯, 但唔知佢仲加咗d咩去煲? d湯好深色, 呈深啡色, 真係唔知原來法式洋蔥湯係咁樣樣的~ 不過最正都係個芝士多士, 雖然佢拎嚟時已經將塊芝士多士浸咗响碗湯入面, 但塊多士個面係鋪滿芝士, 好香, 就算塊多士吸咗d湯林哂, 但你仍然好想成塊放哂入口, 好正~ 炭燒頂級牛肉眼扒配黑菌忌廉薯, 炒雜菜及拖肥燒汁呢個係貴d果個餐的, 但佢上枱時竟然一齊比埋平d個餐果份果款扒, 我就係奇怪, 點解平餐同貴餐個扒一樣呢? 即刻叫經理過嚟, 佢即刻拎走去查, 然後即刻整過份啱的比我地, 仲不停say sorry, 唔知係咪咁, 所以我覺得佢塊扒仲大塊咗呢? 相比同枱爸爸果塊..........頂級扒果然係唔同d, 就算叫七成熟, 都唔會un, 仲好juicy, 當你以為塊扒正的時候, 原來墊底果pet黑菌忌廉薯仲正, 好香好滑, 亦好飽肚其實咩叫拖肥燒汁? 我覺得同普通燒汁都係差不多, 可能我唔識食啦~ 炭燒安格斯牛肉西冷配炒薯角, 炒雜菜及白菌燒汁呢個係平d果個餐, 我都係叫七成, 但就冇肉眼咁林, 可能由於佢係西冷關係掛? 但佢煎得好香, 好明顯見到一格格, 但唔似網燒, 因為冇陣炭味, 可能只係用坑紋果種板去煎..........個汁都係燒汁, 但佢係白菌燒汁, 所以會見到一片片的蘑菇~我冇忌廉薯, 換成的係炒薯角, 其實應該叫炸, 炒又點會咁乾身呢? 開頭食係超正, 但當你食到好飽時, 佢就變得冇咁美味lu~~ 熱檸水係成壼上, 起碼可以沖到2-3杯佢的杯仔, 最啱你慢慢飲, 又可以傾下計, 仲大杯過凍飲 响我地食緊途中, 有位應該係經理的人士過問我地今餐覺得如何, 咁啱我妹妹果份扒比較un, 我即時反映, 佢都即刻話不如換果份意粉比我地, 但妹妹已經覺得好飽, 所以都唔需要換, 只係食埋食得到的部份就算, 通常高級餐廳就係有呢個優點, 比着係果d低級西餐廳, 你叫佢換果份比你? 好難咯~ 呢d真係一分錢一分貨, 用錢買埋service的, 但都係值得~
繼續閱讀