影片
港鐵銅鑼灣站 C 出口, 步行約5分鐘
繼續閱讀
電話號碼
28386116
開飯介紹
港式火鍋店，設有多間VIP房，私隱度高；主打高質牛肉及多款來自世界各地的海鮮。另外每日新鮮製作的點心，也是這裡的特色火鍋配料。
繼續閱讀
特色
適合大夥人
營業時間
今日營業
18:00 - 01:00
星期一至日
18:00 - 01:00
以上資料只供參考, 請與餐廳確認詳情
有關獎賞計劃
相關文章
單點的火鍋店一般給人的感覺都比較貴，但這間還真的比想像中的性價比要高呢，用的食材也不錯，挺令人驚喜的。椰子雞鍋（２５８元）給的半隻雞份量挺足的，大大隻，而且肉挺厚的，連著椰子水一起加到湯鍋裡面煮大約１０分鐘就剛好了。吃起來肉質非常嫩滑彈牙，淡淡的椰子香和雞肉味。最後喝口椰子雞湯，味道清甜。特選鮮肥牛（３９８元）分別有大塊的牛頸脊，長條型的肉眼邊和白白的牛胸爽。前兩款都油花都很足，吃起來非常嫩滑多汁，牛頸脊肉味較濃，肉眼邊就比較有彈性。牛胸爽口感爽滑有油香。爽滑牛舌（１２８元）牛舌份量很足，性價比高，用的都是牛舌芯，吃起來特別滑嫩又有彈性，燙到粉嫩的狀態來吃就最好了。雲吞拼水餃（小）（４０元）可以叫小份就可以吃多幾款不同了。兩款都能吃出是新鮮包的，皮都非常滑嫩。前者濃濃的鮮蝦香，口感彈牙。後者加了更多豬肉和木耳，味道更豐富。餐前小吃連醬料（２４元）小吃就包括了醬料了，外面還有機會分開收你呢！而且小吃味道也不錯，挺開胃的。
繼續閱讀
🔶🔷🔶罕有湯底打邊爐 魚唇雞鍋🔷🔶🔷⬇️睇內文食評同地址啦⬇️。‼️Follow me @pig_g_pig 睇多d食玩買資訊‼️👍🏻 有你地嘅Like & Share 係我繼續出Post嘅動力喔。呢排打好多邊，多到5日裡面打左3次 🤣 3次入面我最喜歡係呢間。由於我比較鍾意飲湯，所以呢度個魚唇雞鍋我係十分之欣賞，無味精就基本，雞湯底好味到我飲左3碗。精選牛肉拼盤（$388）打邊爐最緊要就係有牛，牛肉拼盤有幾款牛，靚雪花有牛味，另外仲有幾片牛舌。梅菜豚肉丸（$88）另外要介紹必點嘅係梅菜豚肉丸，比較特別，其實地方都比較少食到。鮮枝竹（$38）龍口粉絲（$32）油麥菜（$36）。今次特別order左粉絲，貪佢夠吸汁，唔好浪費左個咁好味嘅湯底。水晶叉燒包拼奶黃水晶包（$78）呢款又係比較特別，可以當甜品食，外層係Q彈水晶皮，入面真係叉燒包入面d餡，呢個配搭食落好新奇。最後仲有紅豆糕送架～ 。@himkeehotpot 。📍謙記火鍋 (銅鑼灣)銅鑼灣謝斐道408-412號華斐商業大廈2-3樓
繼續閱讀
今日同朋友去咗灣仔嘅謙記火鍋打邊爐❤️ 呢間老字號火鍋店，雖然歷史悠久，但係菜式與時並進，選擇都幾多！餐廳地點方便，坐得幾舒服，啱晒同朋友 chill 住傾偈😍📍椰子雞鍋最正嘅係個椰子雞鍋，店員即場喺你面前將椰子肉、椰子水同雞件倒入鍋，夠晒新鮮🥥雞肉嫩滑，湯底清甜充滿椰子嘅香味，飲落好滋潤，飲多幾碗湯都唔怕膩😍📍特級金錢展金錢展牛味濃郁，口感彈牙，淥一淥就食得，非常新鮮😋📍黃金臭豆腐估唔到喺火鍋店都可以食到咁出色嘅臭豆腐！炸得金黃香脆，外脆內軟，點埋秘製醬汁，臭得嚟又好惹味🤤食落好似返到童年咁，充滿回憶嘅味道！📍手打鮮蝦滑 & 手打牛丸蝦滑彈牙爽口，仲可以見到一粒粒嘅蝦肉，真材實料，充滿蝦嘅鮮味🦐至於手打牛丸，鬆軟juicy，牛味香濃👍🏻📍豆腐紙 & 鮮准山豆腐紙吸湯一流，入口軟滑😋鮮准山爽脆清甜，可以平衡返油膩感，健康之選💪🏻📍青檸梳打值得一讚嘅係，特飲青檸梳打可以叫走甜❤️啱晒唔鐘意太甜嘅朋友！飲返杯青檸梳打，清新解膩，完美 ending 🍹
繼續閱讀
呢日同朋友去銅鑼灣食飯，鍾意食肉肉嘅人又去出動去打邊爐🤭今次揀嘅係一間上樓嘅打邊爐，位置唔難搵，喺鵝頸頸附近～好幾款湯底都幾吸引～糾結咗一輪，叫咗#魚唇雞鍋 $268可以又飲湯，又有半隻雞食～店員話魚唇即係 #魚翅唇 ，有啲似花膠，要淥一陣先有得食，質感都有啲似，但相對上口感更有咬口～個湯鮮甜，飲咗好幾碗！隻雞嫩滑，就算滾耐咗食一啲都唔鞋口#特選鮮肥牛 (牛頸脊、肉眼邊、牛胸爽) $398呢個拼盤勁開心，三樣都係我鍾意嘅嘢食，一次過滿足我三個願望❤️#牛胸爽 已經係我打邊爐必點嘅嘢食！嗰種口感同味道，正～#牛頸脊 同 #肉眼邊 油脂分布都好靚，肉眼邊肉味會較濃多少少，兩個都好食🤤同朋友都想食丸😂 最尾叫咗4碟！！🤭#手打牛丸 $88 - 彈牙，一食落已經食到好香嘅陳皮味#手打蝦丸 $88 - 肉眼見到好多隻蝦！超足料！#手打芝士墨魚丸 $88 - 勁芝心，爆晒漿！又彈牙！#梅菜豚肉丸 $88 - 每次打邊爐見到都會叫，最鍾意食落食到梅菜😂另外仲叫咗呢啲～檸檬薏米水 $78鱔片 $138煎午餐肉 $56皇帝菜 $50店員送咗碟 #水晶叉燒包 + #水晶奶皇包 ☺️好耐無食呢個，擺入去烚到個皮變半透明色就食得～個人鍾意食奶皇包😍😍又鹹又甜好過癮😌呢間打邊爐環境舒服，食物好食～有機會要再encore❤️
繼續閱讀
路經謝斐道, 見到由地舖搬咗上樓, 啊!記得多年前, 大大佬請食飯, 好味又食得開心~ 一直印象好好, 所以, 就黎食個晚飯, 好好懷緬一番~ 一坐低, 潤潤喉先 - 自製酸梅湯 $68醬料小食 $48食住黎混個醬先~ 椰子雞鍋 $258滾起落雞, 雞熟後 梗要飲啖湯頭啦~ 湯底清甜好味, 雞件嫩滑~特選鮮肥牛 $398下而上: 肉眼邊 . 牛胸爽 . 牛頸脊 我哋都最鍾意食 牛頸脊 牛頸脊 軟腍肉味濃不知不覺 就會一塊接一塊食完~ 水晶叉燒飽 拼 水晶奶黃飽 $78蝦餃皮 穩穩包住叉燒包餡, 個皮一轉透明就食得㗎啦~ 卜~ 輕輕咬開外皮, 煙靭外皮 湧出香濃濃滑捋捋奶黃~連唔鍾意食甜嘢嘅佢都讚呀!終於同佢分享到我當年嘅驚嘆了~ 四寶丸 $88韭菜餃 $73稻庭鳥冬 $62佢欣賞佢哋嘅貼心, 預先處理過嘅稻庭烏冬, 配合清甜嘅湯底, 好容易就煮得好味~ 姐姐們都超親切, 全晚默默地關顧我哋嘅需要, 恰到好處, 被照顧好 又無壓力 食得好自在~ (就好似, 當我諗緊啲烏冬點攤凍比佢食嘅時候, 姐姐微笑放低一個碗俾我, 好細心!)
繼續閱讀