影片
開飯介紹
店內1比1大小的蝙蝠俠模型和主題精品，連蛋糕及咖啡都印上蝙蝠俠圖案.
餐廳獲得電影公司的官方准許，半年內可供應蝙蝠俠主題美食，除蛋糕、三文治、沙律和意粉等輕食，更出售蝙蝠俠模型、精品和成衣。
繼續閱讀
營業時間
星期一至日
11:00 - 22:00
以上資料只供參考, 請與餐廳確認詳情
今晚到尖沙咀shopping，途經活方地庫，見到餐廳有位及自己未曾試過，就選擇晚餐在此。今餐點了 - 薑花茶 + 蝙蝠三文治 + 藍莓芝士蛋糕 薑花茶 - 茶來到聞到很香的香草及花味，喝一口，帶有點薑的辣味但很輕微，能見到茶包中真的有香草及薑粒，真係好好飲。 蝙蝠三文治 - 碟邊嘅沙律很新鮮，而沙律醬帶有微微洋葱的辣味，幾特別。三文治最特別，麵麭剪裁到蝙蝠形狀，餡料本來係火腿加芝士，因本人不喜歡火腿，待應提議轉换為火鷄肉加芝士餡，很窩心；咬一口，麵麭非常鬆脆，感覺好似食薄脆，但唔會硬，咸香嘅火雞肉加芝士，與麵麭非常之夾，正！ 唯獨價錢一啲都唔平，要成$59，但份量就唔成比例， 其實材料又非常普通，唔係幾低。 藍莓芝士蛋糕 - 芝士很幼滑又唔甜，帶出很淡口嘅芝士味，都幾好。每個人口味不同，但如果喜愛濃芝士味嘅朋友，就會覺得淡口。
繼續閱讀
都係上次去開蘭芳園經過先發現有lei間野, 本身都幾鍾意睇batman電影, 又見佢近期有主題野食供應,又係心郁郁想黎試下,朋友打黎book位, 話要min charge 120蚊一位? 心諗,唔使掛..行過都唔係好多人,有人book位都偷笑啦入到去cafe其實都唔係好多大, 鍾意佢d"導演"凳比較有特色, 入面環境除左隔離精品度有show batman野之外, cafe入面係一d都覺有,只係野食會show到..比你知, lei度就係batman主題...不過如果過左果供應o既半年之後,唔知佢又有咩野可以吸引人黎呢...同朋友兩個黎食, 佢度都係買飛,等waiter拎黎, 我地乜都想試下,叫左個雞翼, 兩個意粉, 三文治同甜品咁...雞翼呢...佢有炸雞追or焗雞翼, 亦都可以比我地每樣一半,各三件咁...個炸雞追好似m 記果d,仲有個雞醬點,都ok, 大隻o既, 而個焗雞翼都唔錯,係蜜汁焗, 有d似p記...雞翼就細隻d...carbonara, 好細碟, 面頭好多煙肉碎, 個意粉就似乎淥得耐左d...冇白汁,蛋汁香..好淡..入面都有d煙肉o既, 係個汁同意粉差緊d...焗千層麵, 即刻焗...好在都唔係好大碟, 蕃茄醬都幾濃下, 偏酸啦...火雞肉芝士三文治, 我係貪佢cut到個包係bat 形狀,貪得意叫黎食下影下相, 份量好細, 烘底, 不過其實個bat型都唔係太似, 食落都ok o既,芝士有少少融都ok, 伴碟o既沙拉菜都食埋...想試埋佢d甜品, 叫左個心太軟食, 佢d心太軟唔似平時果d即叫即焗, 已經放晒係蛋糕櫃, 我地問會整返熱架可? 個店員好似覺得我地奇怪咁..冷笑話會叮返熱....可能係叮o既關係, 所以有蛋糕硬左d, 入面d朱古力醬都夠濃,係甜左d啦...都好夠味...野飲..我揀左杯Batpuccino呀...佢都幾有諗頭, cappuccino改下名乎合返個主題, 上面有用可可粉整左bat logo, 個杯係會變色架, 遇熱就有圖案...唔係之前睇其他食評都唔知...杯野飲雖然係illy...但可能大杯,佢沖到好淡,冇乜咖啡香啊...um...食野方面都normal o既, 份量唔算大, 都o岩兩個人去食唔使驚食唔晒, 野食其實就唔太多選擇,不過cafe黎講大置上都係咁, 不過我覺得如果係暫時用batman做主題o既話,cafe入面可以放多d batman o既野...
繼續閱讀
今日同我男朋友3週年由於陪佢出席小學同學活動嘰關係,,夜晚冇得2人世界!!不過襯未到集合時間,,我地就去左呢個新地方嘆咖啡!!德國芝士蛋糕有d似moose cake,,中間夾一層清蛋糕,,雖然芝士味比起new york chesse cake冇咁濃,,但我反而鍾意佢清清地冇咁滯榛子咖啡咖啡伴一塊牛油餅乾,,仲要係batman,, 襯番個主題!!但係咖啡麻麻地,,我飲左一半就冇飲了!!呢度仲有晚餐, 有意粉食的!!仲有好多種類嘰蛋糕!!雖然咖啡麻麻地,, 不過我會再黎的!!為了好多好似好正嘰蛋糕
繼續閱讀
581 瀏覽
我以為"cafe"跟"restaurant"其中的一個區別，是前者志在提供一個悠閒舒服的環境給客人談天說地喝咖啡，可是這間Herocross，一點也沒有這種氛圍。疑似老闆的中年男士表情嚴肅、眼神凌厲地在場內指指點點，坐久一點的，就請店員以「之後有booking」為由請他們趕快離開，其他客人也自然覺得不好意思，相繼離開。雖然當日我並未有被請離開，但難免扣了印象分。是日嚐了﹕1. 蝙蝠治 >這也許是全店最大特色食品，蝙蝠形狀的三文治，夾上厚火腿扒及芝士片，烘烤後非常香脆可口。但如果當作lunch的話，以size來說應該連女士也吃不飽。2. 意大利千層麵 >即叫即焗，雖然要等，但只要是誠意之作，等一下也值得。雖然端來時發現表面頗燶，不過味道其實是不錯的。3. 香濃咖啡 >味道不說，杯內咖啡牛奶四淺，是否可以準備得更有誠意一點...?4. 熱朱古力 >我比較期待店方用比較有特色的瓷杯，而不是紙杯... 噢，不過，朱古力本身是挺濃挺好喝的...5. 心太軟 >朱古力塊是放在蛋糕頂上的，加熱40秒後自動變成朱古力岧漿，可惜朱古力蛋糕口感偏乾硬。用朱古力粉伴碟的蝙蝠圖案，端來時已面見全非，要自己發揮想像力去「補救」，其實這些細微的部份如果都可以做好就更討喜。
繼續閱讀
近期幾多人讚既一間主題餐廳,最岩悠悠閒的星期6下午去試出發前打電話想訂位,可惜full了 (太約2時)不過接待職員非常有禮,亦提議walk-in應該等位不超過10分鐘,讚去到,真係full-house呀,同職員登記後就四處環顧一下,果然係岩died hard fans朝聖的地方~batmen處處見,仲有電影精品賣,識做生意,一舉2得行行下,應該不用10分鐘已經有位了 (果然無呃我)不過唔好彩只係得返bar位....um真係有少少難坐,應該係話,完全唔好坐...其實餐廳係快餐形式的,你係要自己出去take order.我們2個人叫左...非洲雞意粉,招牌batmen三文治同一杯莫卡~ TTL:$ 140~話甘快食物就由一位靚仔哥哥奉上....太肚餓,即刻食個招牌batmen三文治先...um.....唔特別,最特別只係外型而已甘,再試意粉啦,希望唔好都令人失望 (雖然賣相相當求其)哈哈,呢個又ok噃,辣辣地.雖然唔知咩係非洲味不過幾好食,唔錯最後係杯莫卡,係brand from lily既,有一定水準,亦即係一般水準,無驚喜.總扣而言,餐廳既亮點係batmen唔係食物(因為款式都好少)不過甘貴買版權返黎係唔夠架,如果食物水準靠唔住又唔轉款,難於市場站立.希望佢可以keep到水準之餘 (最好可以再好些),食物款式都經常轉變下啦~因為batmen都會睇到悶架嘛,希望陸續會有新人物上場啦~
繼續閱讀