影片
港鐵天后站 A1 出口, 步行約1分鐘
繼續閱讀
電話號碼
2887 5878
開飯介紹
點心皇除了主打點心之外，還有多款港式粉麵飯，快餐店模式經營。
繼續閱讀
以上資料只供參考, 請與餐廳確認詳情
招牌菜
喺港島區食中午飯 ，價錢普遍都係比較貴。假如要搵一間平價嘅午飯或者平價飲茶地方，就可以揀呢間點心皇。佢逢一至五有唔同嘅套餐，套餐裏面有炒麵，有蒸飯，有碟頭飯。如果套餐唔啱你口味，仲可以叫其他例如蒸排骨，鳳爪，燒賣等等...嘅點心。如果一班人嚟食，每人叫幾個點心，都係五六十蚊可以落樓，可謂平價之選。但美中不足嘅係假如舖頭太多客人，上菜嘅時間會比較耐，所以大家如果趕時間就要考慮一下。除此之外，佢有一個 外賣counter，如果一個人唔知食乜，可以去嗰度嗌外賣嘅蒸飯，都非常抵食。當然咁嘅價錢大家唔好期望有酒樓咁高嘅質，但係如果要求唔係太高，都係一個唔錯嘅選擇。
繼續閱讀
今晚有朋友話同我去皇點點心食嘢，我之前有聽講過話呢間點心唔錯，開始我以為唔會好多人，但去到都要等位，大概等左10鐘左右，呢間店環境都算OK。睇個蝦餃樣就一般，味道試下果然都系一般，皮比較厚，而且蝦唔系好大只，覺得唔系好新鮮，唔知系咪之前賣剩嘅，入口仲覺得有D淡，下次唔會點呢個喇。呢個生菜牛肉粥值得一贊，分量好足，D粥煲到好夠火候，米全部都煲爛曬，綿綿嘅口感，牛肉大件又鮮嫩，生菜新鮮，好鮮甜，切成粒滾粥好鮮脆，呢個牛肉粥真系令人難忘，下次嚟都要再點。朋友話上次嘅流沙包幾好，真系幾好食，D包整得好松軟，一咬落去D蛋黃就流出嚟，一定要趁熱食，個餡真系好香好好味，中意甜食嘅朋友不妨一試。
繼續閱讀
約了好朋去按摩, 誰知早到一個鐘, 又不想四處走, 唯有找間餐廳坐坐按摩對面就有一間點心皇, 二話不說就入去了, 我印象中以前點心皇有很多分店的, 不知道現在是不是只淨下這間呢這間點心是以自助形式的, 選好後先付錢, 就自行取食物鵪鶉蛋燒賣: 現在只有好少的酒樓有鵪鶉蛋燒賣了, 見到有當然要試試啦, 鵪鶉蛋跟蓋著的皮很香, 而且燒賣味道六不錯蝦米腸粉: 腸粉唔算太滑, 蝦米不夠香, 整體不出色四寶雞札: 普通, 不出眾, 材料跟小時候吃的差不多, 但不算難食灌湯小籠包: 完全的不濟! 先說小籠包裡面根本就沒有湯, 另外小籠包一咬開, 底部就跟上面分開了, 超難吃的說薑蔥牛拍葉: 薑蔥味道不夠, 牛拍葉不夠入味鮮蝦菜苗餃: 我幾喜歡這個菜苗餃, 喜歡他的皮煙煙韌韌的香煎蘿蔔糕: 煎得不夠香口, 有點像蒸蘿蔔糕整體點心質素普通, 有好吃有不好吃的, 但價格算可以, 亦是消磨時間的地方
繼續閱讀
叫了個雞粥，叉腸咁大個仔第一次食粥有勁重簡水味同些少洗潔精味，極度難食，d材料又小。叉腸100%係雪櫃拎出黎，皮又硬又厚，d叉燒小到，仲要係無味，除左形狀似腸粉，你唔望唔問都唔知自己食緊叉腸，咁就60蚊總共，呢間咁既垃圾下次請我都唔黎，嬲到我要特登做會員上黎寫食評，希望唔好再有人中伏
繼續閱讀
3月28日, 夜晚放工同呀比去聽講座~ 聽完已經差唔多十點, 天后區仲營業緊嘅餐廳唔多, 呀菲又唔餓得, 結果快快手手揀咗美而廉嘅點心皇廿四小時店醫肚!::: 鳳爪排骨飯 + 凍奶茶 ::: $32鳳爪排骨飯好似人地下午茶嘅size, 鳳爪只有一隻, 排骨反而多番d~ 可能都蒸咗一段時間, d飯都好淋patpat, 同有d乾... 好彩豉油都夠, 可以調番味, 不致於太淡. 排骨味道唔錯, 份量都幾多, 不過鳳爪唔掂, 肉質好霉, 淋patpat唔好食...凍奶茶比例唔錯, 不過茶味本身澀咗d... 都係麻麻地~::: 叉燒酥 :: $13叉燒酥好零散地有三粒, 賣相就絕對唔靚仔架喇, 而且仲應該擺咗好耐... 酥皮已經淋晒, 同埋變得較乾. 叉燒餡中肥肉佔多已是意料中事, 不過論味道, 其實又唔係太差, 起碼都落足叉燒醬嘅. 整體最盡只屬僅僅合格.天后食街近年換舖率超高, 食肆開下執下又開一間, 呢間點心皇都算撐得耐! 雖然食物品質真係勉強叫合格, 但勝在廿四小時營業, 食物種類多, 價錢又唔貴, 所以都有捧場客~ 亦都因為佢係廿四小時, 就算食物一般, 為咗我地有時半夜口痕可以有餐宵夜食, 都會撐下佢~
繼續閱讀