影片
以上資料只供參考, 請與餐廳確認詳情
1. 環境：幾特別，裝修設計有心思和意思。但比較舊。當晚有分享會同band performance，覺得幾嘈，傾唔到偈。加上唱歌的人質素實在不好，走音，音響又不好。信息比較hardsell。我們是christians，但覺得soft d 會好feel d。2. 食物：麻麻地，比較乾。3. 服務：好好，老闆和老闆娘親自落場招呼，好有誠意。但人手唔夠，所以比較慢。4. overall：都算有特色，但location比較難找。
繼續閱讀
今日去漆咸道報旅行團,諗住去寶勒巷搵野食,行到路口見右手邊都有d食肆就行去睇睇,行入d就見到呢間教會餐廳,反正今日無idea,就試試啦。好開放式既餐廳,好有歐洲路邊餐廳感覺,一行入餐廳,一位笑容滿面既先生已經幫我帶位;呢度環境好靜都好大,除左為教會/扶貧義賣既東東之外，仲有個band台,真係幾特別。南瓜忌廉湯:呢個湯係個位先生介紹既,佢話健康d好飲d。飲落都幾好,味道帶d香草味,南瓜已經溶晒,不過又唔會太杰,幾ok。麵包叮得夠熱,加上軟滑牛油,好味。雜菇火腿天使麵:等左好耐,上檯時出晒煙,夠晒熱辣辣!!份量望落好細,初初都有d不滿,後來至覺得好在份量唔大,因為d芝士汁會有d漏,太多麵一定食唔晒。天使麵煮得唔錯,唔會太淋一pat pat,不過食食下覺得似食炒米粉多過食天使麵=p 芝士汁好香,我覺得好好食!配菜既鮮冬菇、火腿、青椒好足,啖啖都有餸,正!!芝士餅(+$12):呢度食物唔會有多餘裝飾,好實在!芝士餅幾夠芝士味,口感都幾軟滑,稍嫌餅底淋左唔夠脆。凍檸茶:其實呢杯係唔合格既凍檸茶,茶味幾淡,又唔係好酸,不過食完立口既天使麵同芝士餅之後,檸檬茶就變左救星。雖然我唔係教徒,但我都幾鐘意呢度,鐘意佢夠自成一角,鐘意佢夠靜,合乎我要自閉既要求!!而且又唔收加一,真好!不過上菜時間較長,趕時間就要考慮一下。p.s:寄賣既手工手袋都幾靚,自己買左朵花花,加落書包度當堂型左好多(個人意見!! =p)
繼續閱讀
因為喜歡以前激餐廳，所以就算朋友不是Christian 都推薦到提多餐廳來聚會。怎知不單沒有了從前高質數的音樂，坐定不夠一會還開始了足一個小時的分享時間。剛開始時，我們都禮貌地靜心傾聽，但是次聚會的目的卻是希望朋友間有時間傾談，尢其是這樣hard sell 形式的分享令朋友們難受。終於我們於一個小時後移到鄰近的coffee lounge，離去時更被台上老闆娘反唇相譏。食物倒還可以，但看來並不歡迎non-Christian 的食客。
繼續閱讀
係依度見到d評語好壞參半，尋日就特登同埋個朋友去試試。坦白咁講，食物既味道無乜特別，係一般餐廳既質素，但環境同氣氛都十分之好，負責人態度慇勤，又有live band添。坐落係酒吧區，如果唔想去d烏烟瘴氣既地方，依度都係唔錯既選擇。
繼續閱讀
如果淨係為左食好野,咁就唔使諗佢.因為真係冇咩特別好食. 加上$120唔係好低但係環境好好,坐得舒服,又有詩歌聽,我同女朋友都幾鍾意.
繼續閱讀