影片
港鐵深水埗站 C2 出口, 步行約1分鐘
繼續閱讀
電話號碼
27200239
開飯介紹
合益泰每天賣出超過5,000條腸粉，這裡的腸粉軟滑帶有米香，加上混合豬油的花生醬，十分美味。
繼續閱讀
獎項殊榮
米芝蓮街頭小食 (2016-20), 最優秀開飯小食店 (2016) 最優秀深水埗區開飯熱店 (2016)
營業時間
今日營業
06:00 - 20:00
星期一至日
06:00 - 20:00
以上資料只供參考, 請與餐廳確認詳情
相關文章
放早尋尋覓食，途經合益泰，每次經過都係人山人海，今日亦都唔例外！不過發現堂食有位唔洗等，第一時間行入去坐低先。必吃腸粉再加一份燒賣，皮蛋瘦肉粥同一杯豆漿，幾分鐘就送到面前。甜醬芝麻枱面任加，夠豪氣！碗粥就普普通通，腸粉就真係好評！雖然佢比一般腸粉略幼，不過質地真係好彈好滑，令人食唔停口，呢十蚊值呀！樓面姐姐話豆漿係自家製，所以我亦叫咗一杯，不過不失，燒賣冇乜特別。用餐途中聽到好多人叫豬皮蘿蔔，係咪另一名物就冇去考証，一次總不能吃太多😜😜是日消費：腸粉(小)$10 燒賣$10 皮蛋瘦肉粥$22 豆漿$6 共$48
繼續閱讀
本身淨係想買杯豆漿飲吓 話自助又唔寫點樣俾錢 跟住有個阿姐同我講話依家買腸粉送豆漿 點我去排隊 排完一大輪買完問佢係咪可以自己去斟豆漿 點知個阿姐問我俾咗錢未 我話我俾咗錢（腸粉嘅錢）係咁問我俾幾多錢 仲要態度超差🤣跟住佢問你有冇俾豆漿嘅錢？我話你啱啱唔係話送豆漿？佢話要買滿唔知幾多錢先送 大佬咁你啱啱又唔講埋 跟住又再繼續話我無俾錢又喺度問係咪可以飲豆漿 佢話個個都係咁送佢唔洗做生意啦買到成肚火 我淨係想飲杯豆漿姐 俾人老點咗去買腸粉 仲要勁串講咗勁多句喺到話返我 好無奈 焗買腸粉 講返啲腸粉 勁重豬油味 可以話係完全無特別 以後都唔會再幫襯🫣
繼續閱讀
呢間小食店出名日日排長龍，今日經過啱啱冇乜人，就試下佢哋最出名嘅腸粉。10蚊有4條，腸粉比一般食店無咁粗， 入口非常之滑，另外精髓應該係啲醬料度，除了正常甜鼓油、甜醬和芝麻， 最出色就係麻醬，又香又滑， 令到普通通嘅腸粉都非常美味， 唔怪得次次經過都排隊。
繼續閱讀
合益泰小食，在深水埗非常出名，出名係蒸腸粉，點樣食先夠港風地道又好味呢？今次同大家分享下，一般蒸腸粉上枱，已經配有麻醬同腸粉豉油，依兩種配料是不能自己加配，只有甜醬同辣醬可以，因個人口味加自己喜歡分量。好啦，分享我個人既調味啦！先不要撈混，先落大量芝麻，因為有醬油芝麻係唔會黏上腸粉面，落多多都會在豉油面，落幾多，最好可以覆蓋腸粉面3分之1或2，再落大約一個茶匙既辣醬，跟住落埋甜醬，甜醬就係辣醬既3陪份量。因為芝麻會增加咬口同香味，每咬中芝麻就有一種爆香味道，食蒸腸粉就係食甜醬既香味，但不能太多，唔係食完就想飲水了，辣醬一定要加少，就可以增加甜醬既層次，要留意，愛辣者，都不要加太多，太多就會搶哂所有醬味了同有一種微微苦辣。最後撈混，就條條腸粉有整所有配料既味道
繼續閱讀
每次到深水埗買嘢，都一定會去食豬腸粉😋一間超級人氣米芝蓮推薦的小食店🔥 招牌腸粉無人不曉，由早上開舖便人頭湧湧，堂吃永遠座無虛席，門外長期有人排隊，是深水埗人龍店之一👍 。主要售賣魚蛋、豬皮、蘿蔔、牛肉/艇仔粥、豆漿 … 等港式小食。豬腸粉為小店招牌，每日新鮮現做，皮薄嫩滑且富米香，加上豬油的香氣，與甜醬、麻醬和醬油搭配得天衣無縫👍👏 聽說每天賣出超過5000條腸粉😱👍雖然是平價小吃，卻令人有格外滿足的滋味😋
繼續閱讀