影片
港鐵元朗站 A 出口, 步行約8分鐘
繼續閱讀
營業時間
星期一至日
12:00 - 01:00
以上資料只供參考, 請與餐廳確認詳情
招牌菜
由於放唔到相, 所以只能作口述黎說明啦...23/8 而是第二次去呢間到食野. 但今次主要試main course, 因為第一次去食既宵夜, 所以都唔係試左好多野...但今次就試左2個小食 + 2 個main course..本想叫燒雞, 但因為佢話要預訂, 所以當日已經賣晒...所以唯有下次再食..小食有 - 主打 (松露薯條) + 芝士條 + chicken wings...松露薯條真係冇得輸, 佢仲左白松露油整, 再配上黑松露醬, 好香好食...上面再灑上小小既cheese同black papper...真係食極都唔膩...所以當食左薯條之後, 再食芝士條, 個味道就差晒啦..雖然芝士條熱辣辣個陣食真係超正, 正既位係佢既cheese可以好似pizza hut個廣告咁...拉....晒d cheese出黎....但味道唔夠濃...加上個皮厚左小小...CHICKEN WING方面冇咩特別之處, 味道唔錯...MAIN COURSE 叫左個三文魚 同牛扒...兩個MAIN COURSE都唔錯...牛扒雖然五成熟..但都好有口感, 好香肉....三文魚方面, 都較清淡...但肉質唔夠林....唔夠糖心感覺....20/9 - 再去幫襯, 因為非要食到燒雞不可, 因為老闆話必試既食物..但的確有superise, 因為大家都知依家好少人用活雞做食材架啦...因為成本貴..所以大多數人都係用冰鮮雞, 而呢到雖然係用冰鮮雞..但味道真係唔錯...juicy, 而且烤都個雞皮岩岩好..脆卜卜...而且唔會過燶...d 肉質食小小實, 但咁先有口感...好香好食...難怪咁多人去食都係叫燒雞....真的唔錯唔錯...加上晚上飲酒, 佢地都有d好正既德國啤..(雖然我唔飲得), 但朋友試左都話冇咩地方有得飲...大家都可以不防一試....p.s. 老闆同chef都熱愛搖滾...所以餐廳background music以rock為主...同有部分食物都係以rock為名...
繼續閱讀
朋友從九龍入黎，緊係帶佢去雞地搵下食，見呢間沒人等位，入去試下，我地一行3人，點了2個肉丸意粉，點知黎錯左個雞肉長通粉，老闆知比錯都話換番比我地，不過我地話算，唔換啦，老公點左魷魚意粉，魷魚得2舊都唔知有沒，個雞肉長通粉煮到好油，個湯我飲左2啖都唔想飲，價錢就唔太貴，3個人都係173蚊，但60幾蚊都唔值
繼續閱讀
一個想尋找點新意的晚上..跟Mr.Lee來了元朗這間小店..驟眼看似普通drink bar..極易”眼大睇過龍”就咁行過左..不過唔算難搵~可能到達時間尚早..唔洗等位就入得..但店面唔大..好易full..遲一步到就要坐outdoor~主菜點了刁草忌廉煙三文魚闊麵、南瓜汁大蝦帶子意大利麵；+$25配dinner set..沙律選了煙三文魚凱撒沙律、飲品選了Orange Squash；中途加點了小食軟硬芝士條。先來前菜煙三文魚凱撒沙律..煙肉粒芝士沙律汁的比例OK..菜亦新鮮爽口.. 作為前菜..煙三文魚的份量亦足夠..整體而言是個出色的沙律~可能我倆唔好香草..感覺刁草忌廉煙三文魚闊麵中香草味略強..稍有喧賓奪主之感.. 忌廉則非常香滑、濃淡合宣..除三文魚份量足外..作為配菜的露荀很新鮮..是一小驚喜!Mr.Lee的南瓜汁大蝦帶子意大利麵略勝一籌..燒大蝦很得他歡心..邊食邊點頭..而帶子同樣出色..大大粒之餘亦十分鮮美.. 南瓜汁不算有很突出的南瓜味..但已令人滿意..特別喜歡其細滑口感~軟硬芝士條是近用餐尾聲才加點..類似炸魚手指..外面是脆脆的炸粉..包住軟綿綿的芝士..味道不錯..不會太膩..但必須share..一個人食會太滯..由於加熱後芝士呈半溶狀態..咬開芝士條時會有拉絲效果ga~飲品Orange Squash味道類似橙味梳打..但偏酸一點..我覺得一般.. Mr.Lee表示ok~Overall: 店舖不大..但有梳化、高椅、outdoor等座位選擇..而且有電視可以睇..剛好今次坐近廚房..見廚師烹調亦十分用心..臨走時其中一人問我們餐後評價..感覺貼心..是次感覺滿意..期待下次再試~
繼續閱讀
之前見到開咗呢間西餐，都想去試下，但一路都懶行去試(離屋企比較遠)，終咗的起心肝去試，因為我好鐘意食意粉，見啲食評話意粉唔錯啦，點知就中伏呢間餐廳既menu款式比較少，唔係太多嘢啱，叫咗2款，1個叫帶子蝦墨汁意粉，1個叫海鮮墨汁意大利飯，2個既名唔同，點知啲嘢係1樣既，都係1粒帶子+1隻蝦，咁點解1個叫海鮮，1個叫帶子蝦，都算，最慘係唔好食囉，好鹹，帶子同蝦都好似無咩煎過，搞到隻蝦仲有啲腥味....terrible...食咗1/3食唔落，令我一出門口又肚餓，仲俾男友話我點解叫去食呢間最後埋單誠惠2個人$320 (1個飯+1個意粉+1杯啤酒+1杯梳打)，無任何餐湯，好食既話呢個價錢係無問題，但係咁既質素，請我食我都唔去囉，真係好耐無食過咁難食既嘢
繼續閱讀
元朗開左好多新野，不過我食黎食去都係果幾味，早2日上openrice一轉，見到大家既feedback都唔錯，決定一試。搵呢間餐廳搵左一輪，先知道遠在天邊近在眼前……喺正新元中落黎條天橋轉右就係，成日經過以為只係一間snack bar，無諗過入面卧虎藏龍。晚市點任何意粉加廿幾蚊就有沙律同飲品smoke salmon cesar salad加錢有既沙律點會送塊大大塊既三文魚俾你丫，佢既dressing唔算好香濃，落既份量唔多，岩怕肥既女士們。Grape sodaice chocolate原本想試下orange squash但佢地話冇晒橙汁佢地推介lime soda但我又唔鍾意lime其實我唔飲有汽野，但呢杯佢整得好好飲！唔太甜又夠晒冰凍，飲晒成杯呀最後！凍朱古力冇咩特別，仲要加錢，大家不妨試下soda!帶子鮮蝦墨汁意粉呢個超好食！一上枱已經香噴噴！建議大家唔好咁為食即刻放入口，因為好熱！連粒帶子都要分3啖食，可能佢地真係有誠意炒，唔係預先整好加落去！另外想讚既係意粉，超有口感，即係煙un果隻！對上一次食呢啲口感既意粉係喺高雄，估唔到喺元朗都搵到！黑松露野菌意粉呢個汁有少少漏，不過個意粉口感都一樣正！野菌都幾多，岩素食朋友！總結：一開頭去到門口，見到裡面得一枱食客，我男友唔多想入，覺得冇食客既餐廳好食有限，難怪，夜晚成9點都得1枱客係少啲，但事後男友都忍唔住話：元朗真係冇呢啲野食！3 Time我覺得真係值得支持，每上一樣食品佢地都會check back番你睇下岩唔岩你口味，做生意黎講都好有誠意！聽講lunch都幾抵食，我會再去試！
繼續閱讀